Biblia/Nove Testamento/Corinthios/1Corinthios 2

1 Corinthios

2

¹Quando io veniva a vos, fratres e sorores, e proclamava le testimonio de Deo^[1], io non lo faceva con ostentation de grande eloquentia^[2] o de sapientia. ²Io me proponeva de ignorar inter vos toto lo que non es Jesus Christo^[3] e su crucifixion^[4]. ³Io me presentava inter vos como un homine debile^[5] e multo timorose^[6]. ⁴Io non utilisava in mi discursos e in mi predication parolas persuasive de sapientia human, ma io demonstrava le potentia del Spirito de Deo ⁵pro non fundar vostre fide sur le sapientia human, ma sur le potentia de Deo.

Le sapientia de Deo

⁶Totevia, nos parla de sapientia, ma solmente inter illes qui es matur^[7]. Illo non es, tamen, le sapientia de iste mundo, o del governantes de iste mundo^[8], le quales va disparer^[9]. ⁷Nos parla del sapientia de Deo, celate in un mysterio^[10], que Deo reservava^[11] desde le eternitate^[12] pro nostre gloria. ⁸Inter le governantes de iste mundo nemo lo comprehendeva. Si illes lo comprehendeva, illes non haberea crucifigite le Senior del gloria. ⁹Sicut il es scribite: “Le cosas que necun oculo videva, ni aure audiva, ni mente imaginava^[13], es justo le cosas que Deo preparava pro illes qui le ama^[14]”. ¹⁰Deo revelava iste cosas a nos per le medio de Su Spirito, proque le Spirito introspice^[15] omne cosa, mesmo le profunditates de Deo. ¹¹Esque il ha alicuno qui pote comprehender su proprie pensamentos si non su proprie spirito interior? In le mesme maniera, nemo pote cognoscer le pensamentos^[16] de Deo si non le Spirito de Deo. ¹²Ora, nos non recipeva le spirito del mundo, ma le Spirito qui veni ab Deo, de sorta que nos pote comprehender le cosas que Deo nos dava gratuitemente. ¹³E nos parla in re iste cosas, non con parolas inseniate per le sapientia human, ma con illos que le Spirito inseniava nos, combinante^[17] pensatas spiritual con parolas spiritual. ¹⁴Le incredules^[18], tamen, non recipe^[19] le cosas del Spirito de Deo, proque illos les pare insensate. Illes non los pote comprehender proque on los pote discerner solmente de maniera spiritual. ¹⁵Ille qui es spiritual, tamen, discerne^[20] omne cosas e illes mesme non es comprehendite^[21] per alicuno^[22]. ¹⁶Pois que qui tanto cognosce le mente del Senior qui poterea devenir su consiliero? Ma nos ha le mente de Christo.

Notas

1. Illo es, in re Jesus Christo.
2. O “superioritate de parola”, “excellentia de parola”.
3. O “de saper nihil apud vos excepte”.
4. O “e ille crucifigite”.
5. O “in debilitate”.
6. O “con multe tremor”.
7. O “perfecte”.
8. O "etate".
9. O “perir”.
10. O “occulte”.
11. O “predestinava”.
12. O “ante del seculos”.
13. Litt. “entrate in le corde”
14. Citation de Isaia 64:4.
15. O “sonda”, “perquire”.
16. O “le cosas de un homine”.
17. O “accommodante”.
18. O “le homine natural”.
19. O “non accepta”.
20. O “evaluta”, “judica”.
21. O “judicate”.
22. Illo es, le persona sin le Spirito non comprehende le persona con le Spirito, particularmente in relation al vita del fide.