Biblia/Nove Testamento/Corinthios/1Corinthios 8

1 Corinthios

8

Alimentos sacrificate al idolos

¹Concernente le alimentos sacrificate al idolos, nos sape que “nos omnes ha cognoscentia"^[1]”. Un tal “cognoscentia”, tamen, rende arrogante, ma le amor edifica semper. ²Si alicuno reputa cognoscer qualcosa, ille ancora non cognosce como ille deberea cognoscer. ³Ma si alicuno ama Deo, ille es cognoscite per Deo.

⁴Concernente, alora, le mangiar de alimentos sacrificate a idolos, nos sape que un idolo non ha alicun existentia real^[2], e que il non existe plus que un sol Deo. ⁵Proque mesmo si il ha si-dicite deos, tanto in celo quanto sur terra, como indubitabilemente on adora multe deos e multe seniores, ⁶pro nos il ha solmente un Deo, le Patre, le qual creava omne cosas, e nos existe pro ille; e un sol Senior, Jesus Christo, per le qual tote le cosas existe e per le qual nos vive^[3].

⁷Non omnes, tamen, ha iste sorta de cognoscentia. Alcunes, habente essite accostumate al idolos in le passato, mangia iste alimentos como un sacrificio facite al idolos, e lor conscientia pro isto remane contaminate^[4], proque illo es debile. ⁸Ora, il non essera alimentos que rendera nos acceptabile a Deo. Nos non deveni pejor si nos non mangia, e nos non deveni melior si nos lo face. ⁹Ma presta attention: iste tu libertate poterea scandalisar^[5] les qui son debile in le fide. ¹⁰Proque si alicuno debile in le fide vide te qui possede cognoscentia, prander in un templo de idolos, nonne su conscientia esserea incoragiate mangiar alimentos offerite a idolos? ¹¹Assi, a causa de tu cognoscentia^[6] le fratre o soror debile, pro le qual Christo moriva, es damnificate ^[7]. ¹²Si tu pecca in iste maniera contra tu fratres o tu sorores, e vulnera lor conscientia, tu pecca contra Christo. ¹³Pro iste ration, si un alimento induce mi fratre o mi soror a peccar, io nunquam plus mangiara carne, de sorta que io non es le causa del peccato de mi fratre o de mi soror.

Notas

1. Paulo mentiona certe slogans del Corinthios usate pro justificar lor comportamento (cfr. 6:12-13; 7:1; 10:23). Paulo concorda in parte con le slogans, ma ille los corrige pro monstrar como illes abusava de iste ideas.
2. O “in iste mundo es nihil”.
3. O “e nos es per ille”.
4. O “polluite”.
5. O “poterea devenir un obstaculo pro le debile”.
6. Illo es, le facto de saper que le cosas offerite a idolos es indifferente proque le idolos es nihil.
7. O "destruite"