Biblia/Vetule Testamento/Numeros/Numeros 1

Numeros

1

Prime censimento del popolo de Israel

¹Le Senior parlava a Moses in le deserto del Sinai, in le Tenta del Incontro, le prime die del secunde mense, del secunde anno post le exodo del pais de Egypto: Ille le diceva: ²“Tu e Aaron, face un censimento de tute le communitate de Israel secundo lor clan e lineage, registrante uno per uno le nomines de tote le masculos. ³Va contar, distribuite in divisiones, tote le homines de vinti annos e plus, apte a ser inrolate in le armea^[1]. ⁴Coadjuvara vos un chef de lineage pro cata tribo.

⁵Istos es le nomines del homines que vos adjutara: De Reuben, Elizur filio de Shedeur. ⁶De Simeon, Sheluniel filio de Zurishaddai. ⁷De Juda, Nahshon filio de Amminadab. ⁸De Issachar, Nethanel filio de Zuar. ⁹De Zebulun, Eliab filio de Helon. ¹⁰Del filios de Joseph: de Ephraim, Elishama filio de Ammihud; de Manasseh, Gamaliel filio de Pedahzur. ¹¹De Benjamin, Abidan filio de Gideoni. ¹²De Dan, Ahiezer filio de Ammishaddai. ¹³De Asher, Pagiel filio de Ochran. ¹⁴De Gad, Eliasaph filio de Deuel. ¹⁵De Naphtali, Ahira filio de Enan. ¹⁶Istes ci esseva le homines seligite del communitate. Illes esseva le chefes del tribo paterne e chefes del unitates de Israel. ¹⁷Moses e Aaron faceva venir ille homines que habeva essite mentionate specificatemente per lor nomines, ¹⁸e illes convocava le comunitate integre le prime die del secunde mense. Alora le populo registrava lor ascendentia secundo lor clan e familias, e le homines que habeva vinti annos o plus vetule esseva listate per nomine individualmente, ¹⁹justo como le Senior habeva commandate a Moses. Assi ille los numerava in le deserto del Sinai.

²⁰Illes esseva como indicate hic:

Le descendentes de Reuben, le primogenito de Israel: secundo le registration de lor clans e familias, tote le masculos de vinti annos e supra, que poteva servir in le armea esseva listate per nomine individualmente. ²¹Le numero registrate del tribo de Reuben esseva 46.500.

²²Le descendentes de Simeon, secundo le registration de lor clans e familias, tote le masculos de vinti annos e supra, que poteva servir in le armea esseva listate per nomine individualmente. ²³Le numero registrate del tribo de Simeon esseva 59.300.

²⁴Le descendentes de Gad, secundo le registration de lor clans e familias, tote le masculos de vinti annos e supra, que poteva servir in le armea esseva listate per nomine. ²⁵Le numero registrate del tribo de Gad esseva 46.650.

²⁶Le descendentes de Juda, secundo le registration de lor clans e familias, tote le masculos de vinti annos e supra, que poteva servir in le armea esseva listate per nomine. ²⁷Le numero registrate del tribo de Juda esseva 74.600.

²⁸Le descendentes de Issachar, secundo le registration de lor clans e familias, tote le masculos de vinti annos e supra, que poteva servir in le armea esseva listate per nomine. ²⁹Le numero registrate del tribo de Issachar esseva 54.400.

³⁰Le descendentes de Zebulun, secundo le registration de lor clans e familias, tote le masculos de vinti annos e supra, que poteva servir in le armea esseva listate per nomine. ³¹Le numero registrate del tribo de Issachar esseva 57.400.

³²De le descendentes de Joseph;

Le descendentes de Ephraim, secundo le registration de lor clans e familias, tote le masculos de vinti annos e supra, que poteva servir in le armea esseva listate per nomine. ³³Le numero registrate del tribo de Ephraim esseva 40.500.

³⁴Le descendentes de Manasseh, secundo le registration de lor clans e familias, tote le masculos de vinti annos e supra, que poteva servir in le armea esseva listate per nomine. ³⁵Le numero registrate del tribo de Manasse esseva 32.200.

³⁶Le descendentes de Benjamin, secundo le registration de lor clans e familias, tote le masculos de vinti annos e supra, que poteva servir in le armea esseva listate per nomine. ³⁷Le numero registrate del tribo de Benjamin esseva 35.400.

³⁸Le descendentes de Dan, secundo le registration de lor clans e familias, tote le masculos de vinti annos e supra, que poteva servir in le armea esseva listate per nomine. ³⁹Le numero registrate del tribo de Dan esseva 62.700.

⁴⁰Le descendentes de Asher, secundo le registration de lor clans e familias, tote le masculos de vinti annos e supra, que poteva servir in le armea esseva listate per nomine. ⁴¹Le numero registrate del tribo de Asher esseva 41.500.

⁴²Le descendentes de Nephtali, secundo le registration de lor clans e familias, tote le masculos de vinti annos e supra, que poteva servir in le armea esseva listate per nomine. ⁴³Le numero registrate del tribo de Nephtali esseva 53.400.

⁴⁴Istes esseva le homines que Moses e Aaron numerava insimul al deceduo chefes de Israel, cata uno del quales esseva de su proprie familia. ⁴⁵Tote le Israelitas que esseva de vinti annos o supra, que poteva servir in le armea de Israel, esseva numerate secundo lor familias. ⁴⁶Tote les qui esseva censite esseva un total de 603.550.

Le exemption del Levitas

⁴⁷Le Levitas, tamen, secundo le tribo de lor patres, non esseva censite insimul al altere tribos ⁴⁸proque le Senior habeva dicite a Moses:

⁴⁹“Solmente le tribo de Levi tu non debe numerar o contar con le altere Israelitas. ⁵⁰Ma appuncta le Levitas al servicio del Tabernaculo de l’Alliantia^[2] e la cura de tote su accessorios e objectos sancte. }Illes transportara le Tabernaculo con tote su accessorios: illes essera a su servicio e se campara circum illo. ⁵¹Quandocunque le tabernacolo debe esser transferite, il essera le Levitas a dismontarlo, e quandocunque le Tabernaculo debe esser reassemblate, il essera le Levitas que lo remontara. Qualcunque persona non authorisate que se approcha a illo debera esser ponite a morte.

⁵²Le israelita se campara secundo lor proprie subdivision, cata uno in su campamento circa lor bandiera, ⁵³ma le Levita se campara circum le Tabernaculo del Alliantia, a fin que mia ira non se abatte contra le le comunitate de Israel.

⁵⁴Le Israelita compliva exactemente tote lo que le Senior habeva commandate a Moses.

Notas

1. O “Qui pote prender armas”.
2. O “del testimonio”. Le nomine hebraic empleate hic es: מִשְׁכַּן הָעֵדֻת (mishkan haʿedut). Le Tabernaculo, o “Habitation del Senior” recipeva ille nomine proque illo esseva le loco ubi le tabulettas del Lege esseva conservate (insimul a altere objectos). Le integre sanctuario esseva ergo un memoria  (הָעֵדוּת, un “signo de advertimento” or “testimonio”) del stipulationes del Alliantia.