Biblia/Vetule Testamento/Proverbios/Proverbios 22

}

Le Proverbios

Capitulo 22

¹Plus tosto que haber grande ricchessas, selige un bon renomine. Gauder de un grande estimation es melior que argento o auro.

²Le riccos e le pauperes ha isto in commun: le Senior esseva le Creator de ambes.

³Un persona prudente videva le mal e se cela, ma le naive transi cecamente - e pro isso ille pagava.

⁴Le premio del humilitate e del timor del Senior es ricchessa, gloria e vita longe.

⁵Le persona perverse cammina per un sentiero de aculeos: quicunque da valor al vita lo evita.

⁶Dirige vostre infantes sur le sentiero juste e quando illes essera vetule non lo quitera.

⁷Justo sicut le ricco domina le paupere assi le prestator submitte in servage le debitor.

⁸Qui semina iniquitate recoltara calamitates e le regno de lor terror pervenira a su termino^[1].

⁹Un persona generose essera benedicite, quia ille dava de su pan al pauperes.

¹⁰Repulsa le irrisor e le contention disparera, le conflictos e le insultos cessara.

¹¹Qui ama un corde pure e cuje parlar es gratiose - le rege essera su amico.

¹²Le Senior preserva illes qui ha sagessa, ma subverte le parolas de un persona false.

¹³Le persona pigre dice: “Il ha un leon foras de mi casa: io esserea occidite si io sorti”.

¹⁴Le bucca de un adultera es un trappa mortal: illes qui face inragiar le Senior cadera in illo.

¹⁵Le corde de un juvene es plen de fatuitate, ma le virga del disciplina lo face fugir.

¹⁶Ille qui opprime le pauperes pro augmentar su profitos e ille qui confere donos al riccos - ambes es destinate al paupertate.

Dictos del sages

¹⁷Inclina tu aure e audi le parolas del sapientia. Applica tu mente^[2] a mi instructiones, ¹⁸quia il essera bon servar iste dictos in tu corde pro esser semper a disposition sur tu labios. ¹⁹ut sia in le Senior tu fiducia. Hodie io te los ostende. ²⁰Io ha scribite trenta dictos pro te, plen de bon consilios e cognoscentia. ²¹Assi que tu cognosce le veritate e pote responder accuratemente a les qui te mandava.

²²Non face violentia al pauperes proque illes es paupere, e non te profita de un persona necessitose in le corte de justitia, ²³quia le Senior ipse defendera su causa: ille ruinara omnes qui ruina le paupere.

²⁴Non sia amico de un persona irascibile, ni associa te a un homine furiose, ²⁵de pavor que tu apprende su mal conducta e impericula tu anima. ²⁶Non te accorda a garantir pro le debitas de un altere persona o accorda un pignore pro un altere persona. ²⁷Si tu non pote pagar, mesmo le lecto sur le qual tu jace te essera subtrahite!

²⁸Non deciper tu vicino in displaciar le terminos antique del proprietates establite per tu ancestres.

²⁹Ha tu vidite laboratores competente? Illes servi reges, plus tosto que laborar pro gente ordinari.

Notas

1. O “le virga al servicio de su furia disparera”.
2. Litt. “corde”.