Biblia/Vetule Testamento/Psalmos/Psalmos 120

Psalmos

120. In mi tribulationes io clamava al Senior e ille me exaudiva.

Le genere de iste psalmo es incerte. Illo comencia como un psalmo de rendition de gratia, con un breve marca que Deo ha exhaudite le invocation de adjuta del psalmista e que ille ha intervenite. Ma v. 2 es un petition de adjuta, sequite per un expression de irrision adressate al inimicos (vv. 3-4) e un lamentation (5-7). Forsan versos 2-8 repropone le precaria del psalmista quando ille invocava le Senior.

¹Cantico del pelegrinos ascendente a Jerusalem. In mi tribulationes io clamava al Senior e ille me exhaudiva. ²Senior, libera me ab mentitores e ab omne deceptores. ³Oh linguas fraudulente, quo Deo vos facera? Como ille augmentera vostre punition? ⁴Vos essera perciate con sagittas acutiate e comburite con carbones ardente. ⁵Quanto io suffreva in le lontan Meshech. Il esseva multo lamentabile pro me viver in le lontan Kedar!⁶Troppo longemente io debeva habitar inter gente qui odia le pace. ⁷Io quere pace, ma quando io parla de pace, illes vole facer le guerra!