Biblia/Vetule Testamento/Psalmos/Psalmos 123

Psalmos

123. A te io leva mi oculos, oh Deo, qui habita in le celos

Le psalmista, in le nomine del populo de Deo, recognosce su dependentia de Deo in le medio de un crise..

¹Canto del peregrinos qui ascende a Jerusalem. A te io leva mi oculos, oh Deo, qui habita in le celos. ²Ecce, sicut le oculos del servos reguarda le mano de lor dominos, sicut le oculos del servas reguarda le mano de su domina, ita nostre oculos reguarda Deo, nostre Senior, donec ille monstra a nos su favor^[1]. ³Monstra a nos tu favor, oh Senior, quia nos ha satis del humiliation^[2] infligite nos per le irrisores e del contempto de gente superbe.

Notas

1. O “ha misericordia de nos”.
2. O “nos es grandemente replenate de contempto”.