Biblia/Vetule Testamento/Psalmos/Psalmos 133

Psalmos

133. Quam bon e quam placente quando fratres vive insimul harmoniosemente

Le Psalmista declara que le harmonia inter fratres es multo preciose e grandemente benedicite de Deo.

¹Un cantico pro peregrinos que ascende a Jerusalem. Un psalmo de David. Ecce, quanto bon e quanto amabile es vider fratres^[1] qui vive insimul harmoniosemente^[2]! ²De facto, le harmonia es tanto preciose quanto le oleo del unction^[3] que esseva effundite super le capite de Aaron e que descendeva per su barba usque al bordo de su vestimentos. ³Le harmonia es tanto refrescante quanto le rore del Monte Hermon, que descende super le montes de Sion. Justo ibi le Senior pronunciava^[4] su benediction - le vita eterne.

Notas

1. Originalmente esseva le membros del familias extendite de hebreos qui ascendeva a Jerusalem pro celebrationes religiose.
2. O “in unitate”.
3. O “consecration”.
4. O “decretava”.