Biblia/Vetule Testamento/Psalmos/Psalmos 144

Psalmos

144. Benedicite sia Deo, mi adjutor

Le psalmista exprime su fiducia in Deo, quere un manifestation potente del intervention divin in su proxime battalia e se expecta ric benedictiones de Deo super su nation qua effectos del attingite victoria militari..

¹Benedicite sia Deo, mi adjutor, qui doce a mi manos quomodo combatter efficacemente e mi digitos al guerra. ²Ille es mi alliato e mi fortalessa, mi refugio e mi liberator, mi scuto e my asylo. Ille face que le nationes se submitte a me.

³Oh Senior, quid es le esseres human pro meritar attraher tu attention? Que importantia ha le humanitate proque tu deberea interessar te de illo? ⁴Homines es simile a sufflos de vento^[1], le dies de lor vita es sicut umbras preteriente.

⁵Oh Senior, aperi tu celos e descende. Tange montes e face les fumigar. ⁶Lancea ballas de fulgure e dissipa les. Tira tu sagittas e derouta les. ⁷Extende tu mano del alto. Sasi me e libera me del aquas profunde, del manos de estranieros ⁸qui dice solmente mentitas e face false promissas.

⁹Io cantara a te un cantico nove; accompaniate per un psalterio a dece cordas io cantara tu laudes. ¹⁰Quia tu es ille qui concede victoria^[2]. al reges! Tu redimeva tu servitor David de un gladio mortal. ¹¹Sasi me e salva me del manos de estranieros qui dice mentitas e face false promissas.

¹²Que nostre filios floresce in lor juventute sicur plantas ben nutrite. Que nostre filias sia sicut columnas angular sculpite in le structura del Templo^[3]. ¹³Que nostre granarios sia plen de messes de omne sorta. Que le greges in nostre campos se multiplica grandemente e los replena. ¹⁴Que nostre boves sia onerate de productos. 144:15 Que nulle inimicos penetra per nostre muros; que nemo sia deportate in captivitate; que nulle sonos de alarma clama in le placias de nostre citates.

¹⁵Si, beate es le populo qui vive assi! Beate es le populo cuje Deo es le Senior!

Notas

1. O "un vapor".
2. O "qui salva"
3. O "de un belle palatio".