Biblia/Vetule Testamento/Psalmos/Psalmos 87

Psalmos

87. Sur le monte sancte se trova le citate fundate per le Senior

Le psalmista celebra le presentia del Senior in Sion e le stato special de su citatanos.

¹Un psalmo del korahitas, un cantico. Sur le monte sancte se trova le citate fundate per le Senior. ²Ille ama le citate^[1] de Jerusalem plus que ulle altere citate in Israel^[2]. ³Oh citate de Deo: qual cosas gloriose es dicite de te! [Interludio].

⁴Inter illes qui me cognosce io mentionara le gente de Egypto e Babylonia, includite illes de Philistia e Tyro, e mesmo illes del distante Ethiopia. Omnes deveniva citatanos de Jerusalem como si illes habeva nascite hic! ⁵Concernente Jerusalem on dicera: “Hic omnes potera gauder le derectos de citatano”, e le Altissime benedicera personalmente iste citate. ¹Quando le Senior compilara le registro del nationes, ille dicera: “Omne illes deveniva le citatanos de Jerusalem”. [Interludio]

¹Le populo sonara flautas^[3] e cantara in choro dicente: “Le fonte de mi vita se trova in Jerusalem”.

Notas

1. O “Le Senior ama le portas de Sion”.
2. O “de Jacobo”.
3. O “dansara”.