Brancelej

nadpis	Brancelej
awtor	Michał Hórnik
lěto
žórło	Česko-lužický věstník Ročník VII Číslo 4 / duben 1997 / Serbska poezija 34, Michal Hórnik, s. 11
licenca	public domain
nota	stary prawopis

Dolhe běchu starocěmne časy,
zaslužby kiž malko znajachu,
nětko wotuceni Serbja zase
swojoh wótca hakle pomnjachu.

Wostajil sy naměrk dzělawosce,
wótčinco ty wjelewučeny,
staraše ce prawo narodnosce,
luda zbože, jeho potrjeby.

Widzeše juž dawno do přichoda
Slowjanow wšěch krute přecelstwo,
prócřwaše so w rěči swojoh roda,
zo by sporil dobre znajenstwo.

Starco, najhódnišu česc ci dajmy,
přiklad twój njech wšitcy scěhujmy,
k dobrom skutkej mocy napinajmy,
jako bratřa nětk so zjednocmy!