Canzùn da Caldar
Canzùn da Caldar
Olt segl ferm casti Fardegn
igl tiran schmanatscha
Temm'anguscha â scadegn
vànt sia fòlza fatscha.
5Egn dantànt igl temma nut
egn gli mussa sieus frùnt blut.
«Tut dess gnir oz par luvrar
agl signur d'la teara.
Mieus castis vi renovar
10a francar mia seara.»
«Jou vignt, gi egn, cur'aro
ve mieus er a cultivo.»
Igl tiran an stiva vean
cun la spada blutta,
15spida vei sur la bugl'aint,
gi cun tschera brutta:
«Maglia tut cun bùna fe
ve da quegl canusch jou te.»
«Maglia tei impartinent
20sei la pult malnetta
a da quels da Schons amprend'
sco ign te rispetta.»
Spert la spada tir'el or,
fora quell'agli tragl cor.
25Sei a l'arma Reziàns
mort gli malgisteia
mort a tut igls castelàns
mort gli tiraneia.
Libartad fraternitad
30uss'ad an parpetnadad:
Viva Gion Caldar!
|
This work is in the public domain in countries where the copyright term is the author's life plus 70 years or less. See Copyright.
|