Cecchina bella...

by Carl'Alfonso Pellizzoni

Vegni con sto sonett, Cecchina bella, a
digh che moeuri de malinconia,
trovandemm senza lee de compagnia,
che l'è tant temp che brami de vedella.
Mi ghe vuj ben come a ona mia sorella;
disi tra mi: «Quand mai l'è andàda via?
Quand el che vegnarà la gioja mia?
Quand el che vedaroo la mia stella?
Che no la staga pu sul Mantovan,
principalment ch' el clima l'è pocch bon;
e che la corra a vol a Scerlan!
Che la me daga sta consolazion!
Si, che la vegna a toccà su la man
in segn d' amor cont el sò Peliscion,
ch' el creppa de magon!
Se de no, se la tarda anmò pussee,
la ven a vedell mort, e mort per lee!