Ced Cinänana dö Vp.
Eloegobs in Vpagased Valemik (nüm 48 “Klip pöligik”) das söls Kniele, Bernhaupt, Rosenberger, e.l., dledoms fecenami vödas ti valik laböl bisilabi u posilabi. Cinänans nevelo fecenoms vödi anik in fal sümik. Ven (if) zesüdik geboms nügili kü penoims, e geboms paudi ... kü pükoms. Penoms le'dom e pükoms le...dom, penoms led'om e pükoms led...om.
Vp labom döfis anik e i netapüks valiks laboms döfis. Pük nen döf no kanom sibinön. Gudikumo no menodön döfis e aigebön vpi valemiko äso nu, ka distukön u rübön omi. Gudikumo labön vpi pökik, ka no labön vpi. Dledob das pük alik lefülik e nen pök, binom pük edeilöl, äso Sanscrit.
If söls kademans desidoms menodön (distukön u rübön) pla pakön, täno datuvomsös püki nulik löliko difik, e binomsös alik kademan püka okik, e menodomsös te pükis oksik, sümo söles Samenhof, Bauer, Lott, Fieweger, e.l.
Pük kel binom pötikum odagetom paki gletikum. Jünu vp labom paki valemik gletikum, sikodo, lifö vp nen menodam!
- Amoy, 1894 balul 15id.
Se Kosmopolan 1894, Nüm: 15, Pad: 172.