[ 11 ]
Vilob konön ole jeni smalik,
jeni te al denuo konön…
oseivol se liäns at vitik,
kelosi no sevob nänön:
Figur viedik, ag, tevom lovik,
nen taked; ab ai seilöl,
dal flubis ata Tala stilik,
pledöl tonis su züt so dremöl.
[ 12 ]
Sümü stel leuidöl len silabob,
du zendel stalis hitik sedöl
so figuri kaledik logedob,
in lad laböl flami konsumöl.
Val smilom vanliko dö figur at,
fred e jof leno drefoms omi;
figur neredik fe plekom al Fat,
at no smil, no püd yöfom oki.
Lilö! uso de veitöp tonoms,
hapa toens svidik sotiko,
luti aidremöl edudranoms,
jü figuri mabik stiliko.
[ 13 ]
Figur flekom logedis al hapi,
kisi manifom obe tonod?
no li-esepob yofi e löfi,
no liseistoms in kofinod?
Ton nilomok ai pianiko,
dudranöl figuri nenotlik,
pezisumöl me til so hitiko:
süpido stanom löfal kinik!
Löfal zilamom figuri fimik,
aismilöl dö leceinam,
kidöl e ladöl jipuli jönik,
dugöl lädi äli fred me nam, …
