Ciant a Gurizze
Se il dolôr che lu puartave
su la mont sacre ai fedèi,
il Furlàn a Dio contave
nel lengàz dai nestris viei,
un sol scrùpul ai restave
di podé sévi esaudît:
che il Signôr che lu scoltave
in furlàn lu vès capît.
Ué la mont dôs voltis sante
nestre 'e jé, Gurizze, o sûr,
e par chest Pontebe a' ciante
il mior ciant che i ven dal cûr.
Ten tu cont di che montagne:
là ogni clap l'è tombe a altàr
la rosade che le bagne
'a rinfres'ce il sanc plui ciar.
Cul pinsìr sun che montagne
lin Gurizze al braz, al pâr
l'è il Friul che nus compagne
saludìn Triest e il mar!