Comè ghe pens deventarevv su matt
Comè ghe pens deventarevv su matt:
tanci Povetta, e di miò, che sia
lambiccass el cervel sora d'on Gatt
l'è pur vegnuda almanc la Povesia!
Vorreven tiram dent a tugg i part,
ma mi me sont scusæ con polizia,
disend ch'ona Comedia de cinqu'att
vui fægh subet c'ho temp da buttà via.
Me disen mò, che tugg sti vers se fan
per dà gust a on Povetta di pu bon
che gh'era chær sto Gatt, pussee, che 'l pan.
Questa l'è in fin di fagg la conclusion:
par el passæ se respettæva el can:
adess s'onora el Gatt par el Patron.