Corì fo' la mia Zet, incœù i m'ha digg
(in D. BALESTRIERI, Lacrime in morte d'un gatto, 1741)
DE CHECCA BICETTA
Corì fo' la mia Zet, incœù i m'ha digg
ca l'è stringat ol Gat più bel de tugg;
intà la zò a Milà iè tat contrigg,
che ol gran dolor nog laga sugà i ugg.
A rugà tugg i carti, e tugg i scrigg,
ol pari in negù lœugh mai no ghe fugg;
i sò prodezzi sa noi si de drigg;
scoltè ù falif, e sa podì ste sugg.
Lu l'era spertaieul, e lest dre ai ragg
che tugg quangg i tabus de dì, e de nogg
al rugatava det, e fò in d'ù tragg.
Nos' trova po' che mai de crud, o cogg
l'abbia robat in cà, tat l'era quagg;
ma per lodal schugniraf ess più dogg.