Dí, chël bel jonn che mai él mo?
Dí, chël bel jonn che mai él mo?
Dí, chël bel jonn che mai él mo?
Slominan les stëres vëighes',
Ch' ël vá en it' da chëres eghes,
Süa chestiana che pól ester?
Tan na bela co atres degönes,
Mo la dota n'é pa grana,
L'arpejunga n'é co mesana:
N dër pice urt che porta röses.
"Bela möta, prëiibel, dáme
Fora d'urt na bela rösa."
"Chësc ne pói, al m'inrovass,
No, a fá chësc ne n'ái comando."
"Mia chestiana n'os' dunca ester?"
"N pice granel plütosc sides fata
Y sot sot tera mola trata
Co ester tüa chestiana, naldo!"
"Sideste granel, sc'insciö t'agradësc,
Vá ma y fáte curí sot tera:
Fá te fajarái ma impó la vera,
Me feji vicel y sö te mangi."
"Püre vicel, m'esses' gola?
Mat es' tröp, por chësc te tramënti;
N bel ciamurc aposta devënti,
Scrici y salti sön chëres lastes."
"Fosses' tö n ciamurc y jisses'
Dlun' scrician y dlun' saltan mo,
Te ciafi sön chi crëps le medemo,
N iagher devënti snel zënzater."
"Canche tö vëgnes n brau bel iagher
Por ciacé dai crëps na bela,
Mëssi gní na bagatela:
Picia rösa a chi me cumpra."
"Bela rösa pënses' d'ester?
Söl marcé saras' venüda,
Chësta cossa bëgn é sigüda,
Chël sarái bëgn iö che te cumpra."
"Dunca ignó sigüda sunsi?
Tö t'es chël che paia le iade,
N angel sunsi y en cil iö vá,
N angel sunsi, sunsi sigüda?"
"Angel este? Sigüda n'es' pa;
N angel dër sciöche tö devënti:
Toi sëgn, l'angel baja l'angel."