Dalî Qedim
Dalî qedim ke elfî esay girt be deste we
Tîr û kemane, seydî cewanîm nebestewe!
Ey peykî nale bênî serî zullfî bêne çeng
Ger xakî pêy dellêy, hemû dem wa be deste we
Gawî felek be barî xemî zig dehênte erz
Min çûme jêrî bê gile bem cîsmî xeste we
Bo qesrî wesfî ew mehe mî’marî fîkretim
Westawe kullî lehze be xoyî û kereste we
Qurban reqîbî seg ser û çawî şikandûm
çon bitgemê be pêy şel û destî şkeste we
Ew newrresey îcarey miskênekan deka
Heccac e gerçî seyîd e bem xurc û heste we
Ta subhî gerdenî le şewî zullfî hellneyê
Hacî mellê be talî’î nûstû: Hellistewe!
|
This work was published before January 1, 1929, and is in the public domain worldwide because the author died at least 100 years ago. |