Dat grote Höög- und Häwel-Book/Breev an Maleen

(Naa dem Italjän'schen ümschräwen van ***.)

Myn lütje söte Deer'n, Du kannst my't glöwen,
   Dat sidert ick Dy erst up Maiboom's Saal
   Sehg danzen, puckt myn Hart van Leeweskwaal,
As wull't de Bost my uuteenanner klöwen.

O, laat my länger süften nich un töwen,
   Segg, datt Du good my büst mit eenemmal,
   Datt ick mit lyker Leev Dy foorts betaal;
Myn lütje söte Deer'n, Du kannst my't glöwen!

Uut Dynen Ogen, krall as Gnidelsteen,
   Hett my dat leege Göör mit Pyl un Bagen
So schaten, datt my't schrynt dörch Mark un Been.

   Heelt my nich stracks van so 'nem Selentagen
Dyn Suckersnüütjen, engelsche Maleen,
   So sühst Du bald my up dem Himmelwagen.