Dat grote Höög- und Häwel-Book/Kinnderspill

Blänkert Leev doch in Dyn'n klaren
   Ogen, un van Dynen Lippen
   Mütt 'nen söten Kuß ick nippen;
Schallst nicks leegs darby erfahren!

Bruukst Dy nich so bang to wahren,
   Nich so schelmsch my uuttowippen:
   Süh, ick hoold Dy fast by'm Slippen;
Denn Verstand kümmt nich vöör Jahren.

   Laat de Oolden bäden, gröölen,
Schellden, brummen, locken, hissen
   Un sick hüüt üm morgen kwälen!

Hoold Dy an den Spruch, den wissen:
   “Kinnder sünd wy, un mütt't spälen,
“Un de spälen deiht, mütt küssen!”