Declaración de soberanía del Conseyu d'Asturies y Lleón
Decretu del 24 d'agostu pel se que s'afita la soberanía de los territorios alministraos pol enantes llamáu Conseyu Interprovincial d'Asturies y Lleón pasando a denomase entós Conseyu Soberanu d'Asturies y Lleón. El 26 d'agostu va salir espublizáu en prensa dichu decretu.
Quien repase na so alcordanza fechos históricos afayará la confirmación de qu'una ciudá sitiada asumió siempres la integridá de la so responsabilidá. Dos corrientes escontraes coinciden nel puntu d'esta necesidá: una, la dificultá, cuando non la imposibilidá de consultar les decisiones col poder políticu cimeru del país; otra, la inaplazable urxencia d'igua minutu per minutu.
Los medios d'ataque y defensa d'anguaño na guerra imprenten a los movimientos rapidez tala, fuercen fechos a tan llarga distancia, que bien pue asimilase'l caso d'una provincia o rexón sitiada güei al casu d'una ciudá y la so redolada sitiada antaño.
Carauteriza a una ciudad o rexón sitiada'l desaniciu de llendes ente lo civil y lo militar. Too fúndese na estrechez de combatir por salvar la propia vida. Nun queda espaciu detrás del frente p'actividaes propies de la paz. Nun hai frente militar y retaguardia civil: too ye frente.
Siendo too frente, siendo too un conxuntu indiferenciao, esi frente, esi conxuntu, nun pue ser más que civil. El poder civil invistió a los militares con una especialidá que reasume cuando lo estima pertinente. Otra interpretación ye pretorianismu, el funestu pretorianismu causa de la desdicha actual d'España.
El Conseyu Interprovincial d'Asturies y Lleón, poles razones espuestes, cree llegáu'l momentu d'asumir dafechu la responsabilidad del mandu soberanu nel territoriu de la so autoridá. Da por supuestu l'asentimientu del Gobiernu de la República; la República el bien ya integridá de la cuala ye'l pruyimientu de toos.
Adopta la resolución que vien darréu en plena serenidá, y dispuestu firmemente a imponer serenidá al que quiera perdela; seguru de contribuyir a la induldable victoria sobre'l facismu n'España.
Acordies con too lo espuesto, el Conseyu decreta:
Artículu 1u.– El Conseyu Interprovincial d'Asturies y Lleón, de magar la data y hora d'esti Decretu, constitúise en Conseyu Soberanu de gobiernu de tol territoriu de la so xurisdicción y a él queden sometíes íntegramente toles xurisdicciones y organismos civiles y militares que funcionen y funcionen no socesivo dientro del referíu territoriu.
Artículu 2u.– El propiu Conseyu Soberanu, en viendo los asocedíos favoratibles que se produzan nel cursu de la guerra, determinará'l momentu de desaposiase de les funciones soberanes que güei asume.
Artículu 3u.– D'esti Decretu va dase cuenta al Gobiernu de la República pa la so convalidación; ensin perxuiciu de la so absoluta vixencia, impuesta por imperiu de les circunstancies, dende esti mesmu momentu de la so promulgación.
Dau en Xixón, a veinticuatro hores del día veinticuatro d'agostu de mil novecientos treinta y siete.