Der Heq Me
Der heq me bi şîrê xwe meke teqşîrê
Ya bit di şuxla me bikî te'xîrê
Tuxrayê Humayûn ko dikin turreyê emr
Zulfa te ye anîn ji xeta tehrîrê
husna te nizanim bi çi teşbîhê bikim
»Fî ehseni teqwîm« lew hatiye tefsîrê
Surra te li dêm ayetê kubra ye neşêm
Lê d’ neql û riwayet dikirim texsîrê
Ger qelbê heqîqet niye yek carê çira
'Işqa te kirîn zîr û zeber iksîrê
Ma qudreta def'ê heye wer şîrê 'Elî bit
Lami' ko bidit şa'iqeya teqdîrê
Bê qudretê tu, quwwetê mexlûqê çi kit
Memnû' e li nik 'eql ko bikit te'sîrê
Ney bestê tilismê me bi sed xane biret
Qadir heye 'arif bikirit teqrîrê
Ber dilber û leb ber leb û endamê li yek
Xewna me bi yarê bidinê te'bîrê
Zatî ji wucûda me sebeb wê tu dizanî
Naête hisabê felekê tedwîrê
Ateşperesê wadiyê 'işq în û 'eceb
Dînarperes û wê dibirin tekfîrê
Mihraba du birhên te bibînit 'arif
Niyyet çi bi cih têt dema tekbîrê
Zanim te çi mizraq-i vi dil keftiye lê
Carek tu goyê di derbên tîrê
Teqdîrê ko hukmê li Melê carî kit
Qet kes heye mumkin bidetê texyîrê
|
This work was published before January 1, 1929, and is in the public domain worldwide because the author died at least 100 years ago. |