Do‘stlar, dahr ichra ba’zi oshnolarni ko‘rung...
Do‘stlar, dahr ichra ba’zi oshnolarni ko‘rung,
Ba’zi yuz kuy, shumfikr, ro‘yi siyolarni ko‘ring.
Ko‘rsa kimdin foyda ta’rifini aylar oldida,
Bu tama’chin zohidu baxti qarolarni ko‘rung.
Qo‘rmasa naf’in hamisha taxt etar boshdin-ayoq,
Ayamas ustoz, otosin, behayolarni ko‘rung.
Do‘st bo‘lsa har kishiga bo‘lmas aslo beg‘araz,
Bu g‘arazgo‘y turba, xurjunsiz gadolarni ko‘rung…
Ba’zi majlisda takallum qilsa navbat bermagay,
Jahli badrag, moda chu xirs kadxudolarni ko‘rung.
O‘zida botmon ayb degay birov misqolini,
Tajriba aylab bu nav’ kibru havolarni ko‘rung.
Ey Faqiriy, bu avom adno uchun o‘rtanma hech,
Yil-bayil bundin battarroq mojarolarni ko‘rung‘.
|
This work is first published in Uzbekistan and is now in the public domain because its copyright protection has expired by virtue of the Law of the Republic of Uzbekistan on Copyright and Related Rights, enacted 2006, amended 2021. The work meets one of the following criteria:
|
|