Doi uemes de Gherdëina
Doi uemes de Gherdëina
Doi uemes de Gherdëina jiva sun Mont de Sëuc a cialé de si prei, y se la cuntova, tan puech, che maia n franzëus y n talian, y tan truep che cunsuma alincontra n tudësch, che, sce ël no maia, almancul rejona ël dl maië. Ntant che ëi ie te sta rujeneda vëija ëi unian ncontra doi tudësc fuman tabach. Ues mëter pën dij un al auter, che chisc rejona de maië? L auter, che se pensova: po diauc for una rujeneda, y un pensier no arà ëi mia! y mët pën a na marënda. Canch' ëi s' à ancuntà passovi dlongia n tublà via, ulache l fova truep y gran lavac. Te chël mumënt dij n tudësch al auter: Ah ma sce chisc lavac foss fanziëutes, cie maië no? Y eco che la marënda fova vënta, pra chëla che ie pa cumparì ënghe de bona fanziëutes fates ala tudëscia.