Ei parlà co na stéla
TESELE MICHIELLI HIRSCHSTEIN
EI PARLÀ CO NA STÉLA
Sote ra volta del ziel
duta zeleste,
na stéla lujente
stanote ra s’à confidà.
Casù no son sola,
ei tanta soreles intorno,
vedon ‘sò duto l mondo
co l nosc ‘siro tondo.
Duto seren e ceto: di note
zernon fora i site pi biei
par conparì e lujì
senpre de pi.
Ma pasa na neola
duta fugada,
ra sconde ra stéla
e ra sò ciacolada.
Na folada de vento
spaza via duto,
torna el seren
su ra volta del ziel.
Ra stéla lujente
ra me saluda:
Bonora min vado
da ra volta de l ziel,
saludo ra ‘sente
che se vo ben!
(Anpezo)