El gatt lader
El gatt lader
edit(dagli «Apologhi» di G. Capasso)
El gh’aveva on bravo omasc
on bell gatt, ma golosasc,
on gatt làder e sciattôn.
Disperaa on dì el padrôn,
in del perd la pazïenza,
el sbaratta la cardenza
e el ghe dïs a quell sò gatt:
«Magna pùr, fà pùr el sciatt,
ciàppa tutt, o brutt golôs!...»
Inlocchii e sospettôs
l’è restaa el gatton de sass,
el credeva ch’el scherzass
el padron a diggh inscì,
ma quand poeu l’ha vist, sùr sì,
ch’el parlava, ma de bôn,
in sul séri el sò padrôn,
«Ah... – l’ha ditt – hinn robb de fà?...
Che manêra de trattà!...»
Quest se dîs vorè toeu via
quell che l’è la pöesia!...»
E scorland el coo l’è andaa,
tant che l’era disgustaa!