En gaujiun dles döes Mësses Noeles di M.R.S. Zeno Maring
En gaujiun dles döes Mësses Noeles di M.R.S. Zeno Maring y Alvijio Sopplá zelebrades a S. Ciascian ai 5 d' agost 1878; Söles parores: external:Hi si tacuerint, lapides clamabunt. Lc. 19, 40.
Ciantia.
1.
Nüsc bugn Vedli te cortina
Incö me pél, che alzes le ce:
"Ci mai él, ch' al lomina
Te San Ciascian n te bel sandé?"
S' la rajoni sëgn tra d' ëi,
Cun morvëia y gran plajëi.
2.
"Nosta picera patria rica
Fô dagnora de bugn proi:
Nos savun sëgn cun ci trica,
Ch' ëi pulî nüsc spiric groi:
Por nes abiné düc canc
Glorioji en Cil tra i Sanc.
3.
De Berto, Rinna; i Crazzolara
Y i Socreles, Proi da Pecëi
Cënc; trëi Tasser vëgn impara,
Dui de Sorega, un de Larjëi,
Ploner, Bacher, Rudiferia,
Costadedoi, Vittur, Sopplá.
4.
Düc inoms de gran memoria
Che laldun delá dai vis,
É so vire na bela storia
De bëgn fat, de piciá impedis.
Sëgn se godi le paiamënt
A so onur, a nosc contënt.
5.
Mo sö, eviva l' abondanza,
Che se ralegrëia en chësc bel de,
Un por un sc' ai gnô d' usanza,
Vé! dui primizianc impé
Incö odunse pro alté,
Morc y vis a consolé.
6.
N per, pardija! tan prezius
É na vera rarité;
Chësc savunse en cil glorius
Olache döt é en plëna de"
Tal me pél - mo pordonn!
Che ciantëis, Veci, en chël monn.
7.
Sc' al é i morc che se descëda,
Y s' la god en chësc Sandé,
Nos, che sun vis, ne sarun de crëda:
Sö lovunde düc impé,
Y tolunde le gote en man
A na viva a San Ciascian.
8.
Sö Signurs Primizianc,
La Viva azetede incö;
Le gote en alt sëgn tutti quanti,
Vignun scraies alt, sö, sö!
Siur, eviva! Zen Maring,
Viva don! Sopplá vijin.
9.
La ligrëza bel compagna
Che se fajëis en chësc bel de
D' Osta vita tla campagna
Flu sides, y onur dl' eternité.
Dl Prou la vita ëis scomencé
Sides en Cil Osta gran mercé.