En ocajion de la noza de Bernardino Bernard con Oliva Piaz
En ocajion de la noza de Bernardino Bernard con Oliva Piaz
- ai 21 de jené 1905
Chi dal Tram anché duc chenc
Gregn e pìcoi rosc e bienc
Duc saluda l president
Scheche deve brava jent.
E proprio duc zenza ecezion
Duc chenc descheche sion
Saluton l nos "Ardin"
Con n cher desche n ciamin.
Tita Kruz "scicome vice"
L dirà (senó l schice):
"Eviva te compagno caro!"
Senó fosse n gran somaro
E "Mangiabile" desche set
L se tira tel corpet
Con pien bocia de tortìe:
"Eviva fra! ence gio te die".
"Faccia tagliata" caro mio
Chel mai più l resta n drio
E l te augura: "Na scudela
De fortuna longia e bela"
"Scior Tornaro" da Maran
"Paradis più che a Sèn Jan!"
L te augura pere Lis
Senó l bate sche l stocfisc.
Diaolo Zoppobel čagliè
Trasc te n piz duc i ciuzé
E "tajé", l disc a la jent,
"Cridà, viva l President!"
L nosc longo e bel "Fieroto"
Tanche n corf l'é metù n moto:
E a la sposa che no é losca:
"Perche robeste l mio Mosca?"
Nunciata gran rufiana
La te pita da Sènt'Uliana
Duta piena na gran stua
De borsichies bis genua.
Po Conzeta coi mortai:
"Pum! e pum! e dai e dai!
Ai bie sposc per dut l'an
La ge sbara via l malan.
"Paolo Gritti" co la spada
L tol it duta strada
A cridar mez spirità:
"Viva l president sposà!"
"Legorina Foroseta"
La va ntorn sche na saeta
a sbraiar de ca e de la
Perché Oliva se a sposà.
"Paron" "veie Musolin"
Che no l'é più n fantolin:
"Te benedesce e così sia
Ades che t'as sposà mia fia".
Pronto l'"Oste" eco lì.
Scaji l fasc te braa l pipì.
Per restar pronto coi mortai
canche apena cianta i giai.
E "Marino" po tu l sas
De far roba sun n sas
L ve augura se tu ves
Che de più tu no tu n pes.
Duc i sozi donca unic
De voler desche i conscric:
"Fin che dura sozi "Tram"
Mai nesciugn morirà da fam".
"Viva donca, viva i sposc!"
"Viva i pares e i camaric!"
"Viva le mares [sic!] e chi de baschìa!"
"Viva marije fin chi da Penìa!"
"Viva! cent egn de pasc e de fortuna"
"Da Pera de sot fin a la luna!"
"Viva! per baco avanti su duc!"
"Viva! cridà no siede mia muc!"