Epistola a Philemon
1 Paulo, prisionero de Christo Jesus, e fratre Timotheo, a Philemon, nostre amate companion de opera, 2 e al soror Apphia, e a Archippo, nostre companion de armas, e al ecclesia que sta in tu domo, 3 gratia a vos e le pace de Deo nostre Patre e del Senior Jesus Christo. 4 Io da sempre gratias a mi Deo, facente mention de te in mi orationes, 5 ja que io audiva parlar del amor e del fide que tu ha in le Senior Jesus e per tote le sancte, 6 e io pete que nostre communion de fide sia efficace in facer te recognoscer omne ben que se compli in nos, per le gloria de Christo. 7 Pois que io habeva un grande allegressa e consolation per tu amor, perque le corde del sanctos esseva recreate per medio tue, o fratre. 8 Dunque, anque si io ha multe libertate in Christo per commandar te lo que conveni facer, 9 io prefere facer appello a tu caritate, simplicemente como Paulo, vetere, e nunc anque in prision per Christo Jesus; 10 io te roga per mi filio que io generava in catenas, 11 per Honesimo, que un altere vice non te esseva utile, ma que ora es utile a te e a me. 12 Io te le ha remandate, ille, que es, como dicer, le visceras mie. 13 Io voleva tener le apud me, a fin que in vice de te me serviva in le catenas que io porta a motivo del Evangelo; 14 ma, sin tu parer, io non ha volite facer nihil, a fin que tu beneficio non esseva como fortiate, ma voluntario. 15 In effecto, per isto, forsan, ille esseva per breve tempore separate ex te, perque tu le recuperava pro sempre; 16 non plus como un sclavo, ma como plus de un servo, como un car fratre specialmente a me, ma ora quanto plus a te, e in le carne e in le Senior! 17 Si dunque tu me tene per un consocio, recipe le como tu facerea con me. 18 E si ille te ha facite alcun torto o te debe qualcosa, debita lo a me. 19 Io, Paulo, lo scribe de mi proprie pugno: Io lo pagara; pro non dicer te que tu me es debitor etiam de te mesme. 20 Si, fratre, io volerea ab te un qualque utile in le Senior; delecta mi corde in Christo. 21 Io te scribe confidente in tu obedientia, sapente que tu facera anque plus de lo que io te pete. 22 Prepara me etiam un allogiamento, perque io spera que, per vostre orationes, io vos essera donate. 23 Epaphra, mi companion de prision in Christo Jesus, te saluta. 24 Assi face anque Marcos, Aristarcho, Dema e Luca, mi companiones de opera. 25 Le gratia del Senior Jesus Christo sia con vostre spirito.
Libros
Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev