Et Prét in gesa e foeura de gesa

by Pompeo Castelli

Viva i prét tollerant, che ghe piàs
libertaa de coscienza pei‘ tùcc;
perchè lòr, cont i ciapp sul bombas,
dèven nò cascia i olter sui gùcc !
Quisti hin omen che var e che pesa
tant in gesa che foeùra de gesa !

Ma i scorbatt, che fa ’l gir de l’ inguilla
e no voeùren dàgh denter on taj;
che, fasend on stuaa per cent milla,
la dàndinnen pussee che i bagaj ;
rè ’na pésta de toeù giò de spesa
tant in gesa che foeura de gesa.

Chi de nun, e hin pccù minga tant ràr,
ghe n’ è intorna di bon Sacerdòtt,
che no ténden che ai robb de l’altàr
e no cascien el nas in nagott...
Quisti hin omen che vàr e che pesa
tant in gesa che foeura de gesa,

Ma 1 spincitt di beàtti li fiòcch
dencien l’omm propi giò in la radis,
ai fioeu refìlàndegh el còcch
coi sò slori del bell paradisi
Ah, che pésta de toeù giò de spesa
tant in gesa che foeura de gesa!

Se on quèj car pretascioeù del Signor
el toeù Iceùra el boccùn de la bócca
quand el sent di besògn de soccOr,
quand el vèd della gent che 1’ è sbiòcca,
quisti hin òmen che vàr e che pesa
tant hin gesa che foeùra de gesa.