Ey do‘st, jaholat ahlig‘a oshno bo‘la ko‘rma...
Ey do‘st, jaholat ahlig‘a oshno bo‘la ko‘rma,
To kelguncha baxtu saodat shaydo bo‘la ko‘rma
Har kimki o‘zin o‘yladi, eldin xabari yo‘q,
Ul ablahi bedin ila savdo qila ko‘rma.
Ilmeki adab, ishqu muhabbatga yiroqdur,
Bilgilki san ul ilmni also bila ko‘rma.
Har kim amali el foydasig‘a jori emasdur,
Oning yuzini umringda san bir yo‘la ko‘rma.
Har mug‘bacha daf cholsa, ayo Anbari xushro‘y,
To oshiq emas, ishqida bag‘ring tila ko‘rma.
|
This work was published before January 1, 1929, and is in the public domain worldwide because the author died at least 100 years ago. |