Fisirti

Todur Zanet
Fisirti

Esti kulaama fisirti
Sanki sän mi dedin bana. Yok!
Doz - dolay bu sözdän titredi.
Titremää deyni diil çok!

Bu lafı ansızdan serpittin
Başaşaa oldu bayırlar
Atıldın sevdadan pek ilin
Enidän şılamaz yıldızlar

Gözümä perdä çöktü.
Ayaklar payvantlandı.
Canıma salgı üüştü.
Salt sevda bana tatlı

Eriyerim gün - gündän
İşimi heptän braktım
Sevdada salt var ihlam
Peetlerdä salt var raatım