Gangellied to Wihnachte

Gangellied to Wihnachte.
Text type:
Comment:	Slaapleed ut’n Volksmund
:

Schlop in, min Kind, de Stov ist warm,
do bute danzt de Flockenschwarm.
Lot suse de Flocke,
so rasch jeiht de Wocke.
Du sluppst, eck spenn,
die Ovend jeiht hen.

Schlop in min Kind,eck wack bi di,
de Wihnachtsschemmel jogt värbi.
Lot larme de Schemmel,
Gott’s Licht steiht am Hemmel.
Du sluppst, eck spenn,
de Ovend jeiht hen.

Schlop in, min Kind, bunt is din Droom,
rot Appel weßt am Wihnachtsboom.
Singt bute de Wind,
eck sing for min Kind.
Du sluppst, eck spenn,
de Ovend jeiht hen.

Slop in, min Kind, ’t is hillige Nacht,
Gott’s Engelke di stell bewacht.
Dat glut met sin Lichtke
di jrad ens Jesichtke.
Du sluppst, eck spenn,
de Wihnacht jeiht hen.