Genesis Oan

1. Ing ee valleen Gud maade udh av nodhing ee heaavenes an ee eord
2. An ee eord was leiough an lear, an dhourkness was apan ee faace av ee learness. An ee Gaast av Gud ameved apan ee faace av ee waudhers.
3. An Gud zeid, Leth aar ba lyght: an aar was lyght.
4. An Gud zide ee lyght, dhicka ‘twas gooude: an hea parthed ee lyght vrem ee dhourkness.
5. An Gud ee-caulled ee lyght Die, an ee dhourkness hea ee-caulled Neeght
6. An Gud zeid, Leth aar ba a skee ing ee mithel of ee waudhers, an parth aam
7. An Gud maade ee skee an haad ee waudhers aboo ee skee an ee waudhers alogh ee skee ba parthet
8. An Gud ee-caulled ee skee Heaaven. An ee eatheet an ee arich ware ee secun die.
9. An Gud zeid, Leth ee waudhers aloghe ee heaaven ba pidh agyther an maade ing ta a contrishelagh, an leth ee loan ba lick oathes fan pidh wi a baaree
10. An Gud ee-caulled dhicke loan neow Erth, an ee contrishelagh agythere ee-caulled hea ee Zeas: an Gud zide dhicka ‘twas well.
11. An Gud zeid leth ee Erth feight hyes, an zeaded folachweed lick him, an tren bereen dhinges lick berries, fhose zeade is ing itzil, apan ee erth: an ‘twas zo.
12. An ee Eord feight hyes, an zeaded folachweed lick him, an treen bereen zeaded dhinges, fhose zeade is ing itzil, lick him: an Gud zide dhicka ‘twas well.
13. An ee eatheet an ee arich ware ee dhird die.
14. An Gud zeid, Leth aar ba lyghtes ing ee skee av ee heaaven t’maake ee die an ee neeght parthet; an leth aam ba vor zeenes, an vor corteres, an vor deies, an yeares:
15. An leth aam ba vor lyghtes ing ee skee av ee heaaven t’yie lyght apan ee erth: an ‘twas zo.
16. An Gud maade twye mucha lyghtes; ee graater lyght t’zwae ee die, an ee lhoser lyght t’zwae ee neeght: hea maade ee starres az waal.
17. An Gud zet aam ing ee skee av ee heaaven t’yie lyght apan ee erth,
18. An t’zwae ower ee die an ower ee neeght, an t’parth ee lyght vrem ee dhourkness: an Gud zide dhicka ‘twas well.
19. An ee eatheet an ee arich ware ee voureth die.
20. An Gud zeid, Leth ee waudhers feigh a deel av ameven dhinges dhicka hath lief, an fowl dhicka mye vlie aboo ee erth ing ee lhowsen skee av ee heaaven.
21. An Gud maade mucha zea lief, an earchee liveen dhing dhicka ameveth, wich ee waudhers feight a deel av, lick aamzil, an earchee fowl lick his zil: an Gud zide dhicka ‘twas well.
22. An Gud blessed aam, zeieen, ba blentyvull an bereth gurles, an vill ee waudhers ing ee zeas, an leth fowles ba blentyvull upa erth.
23. An ee eatheet an ee arich ware ee veeth die.
24. An Gud zeid, Leth ee erth feigh ee liveen dhinges lick it zil, keeine, an dhinges gandet an aul voures, an beath av ee erth lick it zil: an ‘twas zo
25. An Gud maade ee beasthes av ee erth lick it zil, an earchee dhing dhicka gandet an aul voures upa erth lick it zil. An Gud zide dhicka ‘twas well.
26. An Gud zeid, Leth ouse maaketh man lick ouse, ing oore lickness: an leth aam hath zwae ower ee wish av ee zea, an ower ee fowl av ee aare, an ower ee keeine, an ower aul av ee eorth, an ower earche lethel dhing dhicka gandet apan ee eorth.
27. Zo Gud maadeth man ing his lickness, ing ee faace av Gud maadeth hea him; man an maween maadeth hea aam.
28. An blessed aam Gud did, an zeid t’aam, Ba blentyvul an have gurles, an vill ap ee eorth, an zwae ower it: an ha zwae ower ee wish av ee zea, an ha zwae ower ee fowl av ee aare, an ower earchee liveen dhing dhicka ameveth apan ee eord.
29. An Gud zide, dwithe, ‘cha ee-yieen ye earchee dhing dhicka bereth a zeade, wich is apan ee faace av aul ee eorth, an earchee tree dhicka hath ing aamzil ee zeade av aar naatur, dhicka thye ba met vor ye.
30. An to earchee beasth, an earchee burd av ee skee, an ta aul dhinges dhicka ba ameved ing eord, an in wich aar ba a ghaast, zo dhicka thye hath aam to at; an it was doone zo.
31. An Gud zide aul ee dhinges wich he hath maade, and thye ware gooude. An ee eatheet an ee ariche was ee zeeseth die.