Glamat popiko-katekik Volapüka/II. Lafab
| ← I. Nindugot | II. Lafab Glamat popiko-katekik Volapüka |
III. Noms tefü tonabs → |
II. Dö abc… (lafàb).
6. Vp. ninom tonabis liomödik?
Telsevel (27).
87. Vp. ailabom vokalis kiòm?
Gletonis lul: a, e, i, o, u; sa vökäds ä, ö, ü.
8. Kikod vp. labom i vökädis?
Bi vökäds sibinoms in ti valiks natapüks e dialègs, e bi me vökäds pük vedom liegikum tefü mänifod difikas tonas e toenaköls, e bi mödiks noms glamatik e vödasbukik binoms petanöl len vökädis.
9. Kiòms aibinoms kosonàts vpa.?
Ats balsezül (19): b, p; d, t; v, f; h, y, g, k; l, r, m, n; s, j, c, x, z.
10. Kikod vp. ninlabom i palkosonatis: c, x e z?
Bi tonabs id àts sibinoms in glepüks mödik tala, e bi ots blefoms u mänifodoms penami vödas…
11. Vp. no labom kiomis tonabis e tonis deutik?
No: q, w, ch, ng e sch; do tons w e sch sibinoms in vp., ye papenöls votiko, o. b. as v e j. — Abu in vp. voìk tons ch, ng e qu no sibinoms (zitoms), bi ots kanoms pasepükön te lefikulo fa plödeutans… mödik.
12. Liko paliläd vpo. tonabs: q, v, c, j, y?
Aso ch, w, dſch, ſch, j deuto.
913. Kikod vp. labom i nog lafabi gletik de tonabs kilsevel (37)?
Dat, plänöl lilädami natapükas valik, kanon bemalön kulädumo glepükatonis kilsevel talanetas valik. Ibo voto mögos leno, das lilädon fümo vödis natapükas valik, bi leofen lilädam aidifom de penam lejeko, pato in pük nelijanas, rusänanas, Poläna, Flenta, Sveda… A. s. nelijans lilädoms vödi judge (deuto: yùdge), äso deutans lilädoms tonabis pekolagöl dſchödſch, vpo.: cöc…
14. Lafab gletik ninlabom tonabis kiom mödumo, ka vp. oko?
Tonabis at balsi: å, ħ, rr, m̂, n̂, ŋ, ſ, ȷ, ƈ, q.
15. Liko muton lilädön tonabis bals at segun deutiks lilädam e penam, if zitoms in natapüks, e bevü vpa.-vöds (plü ine kläms)?
Äso a in vöd nelijik all, th in vöd nelijik the (ħe); äso rr in vöd spänik Sierra; äso m e n in vöds flentik nom e mon; fövo äs ng, ß, ſch, tſch e ch in deutapük…
16. Klu tonabs kiom paililädoms votiko in vp., ka in deutapük?
Ats mäl: v äso w, y äso j, q äso ch, ſ äso ß, j äsliko sch, e c äso dsch.
| ← I. Nindugot | II. Lafab Glamat popiko-katekik Volapüka |
III. Noms tefü tonabs → |