Glamatikos

Poedotil süköl leno pepenom desäno anu, (ni ämulo, ni äyelo), al seletikön stöfi semkimik plo feit gasedik; sod pelautom ya sis lonedo, (eko: « Illustrazione », bled maegik milanik, 1873, )> Lilädölo ätimo sembosi dö gebam laltigas in vp., emebob poedotili vönik oba, kel givom ebo uni sami zesödöfa gebön laltigis; klu begob flenis sekusadön obi, if kinob pübön obiki lautoti te al blöfön velati e lepöti noma at pedatiköl fa Datuval, ab leno pesugivöl fa om, (a. s. in stül beginelas).

Plo flens tälik e selänans nolöls tälapüki givob i levobädi (!) rigädik:

NATURA ^[1]

Il fiorellino che sul sen ti brilla,

Polve doman sarà. -

Noi pur morremo, amica, e diverrà

Il tuo bel seno argilla.

Dal cener nostra, a' rai di nova aurora

Sorgeran novi cor:

Fedel su quelli anche is risort fior

Olezzerà com'ora.

Il nostro bacio è l'eco di quei baci

Che i sepolti si dier:

Ai venturi ricordo fia il piacer

Di nostre ore fugaci.

AMori, baci, fiori - un giorno han vita;

Tutto qui nasce e muor. -

D'eterno sol l'Amore, il Bacio, il Fior

Ha Natura infinita.

Plo vpans nenolöl tälapüki, lovepolam vödik sükom:

NAT.

« Nolil, nidöl su blöt ola, püf obinom odelo. Id obs odeilobs, o jiflen; e blöt jönik ola ovedom tail.

« Se zen obas, me stals gödela nulik, lads nulik osuistanoms: fiedo su oms oväpom denuo, äs anu, flol i esuistanöl.

« Kid obsik binom el lek kidas ut, kelis pesepölans egivoms balvoto: gälod düpas obsik fugölas obinom un meb poslifeles.

« Löfavons, kids, flols... laboms lifi baldelik: valikos talo pamotom e deilom; abu tenupiks in nat nefinik sibinoms te el Löf, el Kid, el Flol. »

Poedotil at no ikanomöv palovepolön nen gebam laltigas, so pehetöl fa « menodels »; tadilo siäm lölik ata lautama sütlidom te se ceniks gebam e negebam etas vödilas.

Kel no kapälom u no vilom kapälom atosi, paglidomöd levemo fa

MARIN ARNALDO.

NOETS.

1. La Direzione ci tiene a dichiarare che pubblica questa poesia a semplice titolo di esempio grammaticale.

Se Nunal nulik 1891, Nüm: 4, Pad: 19.