Glofam de „Pip“
pelovepolöl fa Ernst Lund.
Pip esibinom du yels 5, e du tim at elabom kopanalis 88; okleilobs anu numi at dubü kulad kalodik statita.
If pladon kopanalis balim su votim, orivoms geili de futs za 484 (mets 161); kludo: Pip labom plu ka geili lafik tüma de Eiffel.
Binos ne-tapükik, das Pip = kopanals de Pip; sikodo bäled de Pip kanön pakalön dubü bäled kopanalas; bäled kopanala alik binom yels za 22, e bäled de Pip lölik vedom 88 x 22 = yels 1936. Logobs dubü atos, das Pip binom vemo bäledik; pestitom dubü motöf de Kristus in dels de Caesar. Methusalem ärivom yelis 969, e ädeilom (fel. gen. 5,87); ab Pip labom bäled ti telik.
Fino, if mödikobs bäledi kluba 1936 me 10 e lägivobs 640, orivobs nümi jekiko gletik
NOETS.
- ↑ In „Regénsen“ (studelalom gletik in Köbenhavn), klub sembal binom, zeil kela binom mekön kopanalis okik sustanön gölo; nem omik binom „Pip“. Büo Boulanger äbinom stimakopanal kluba at (ma vip omik it); ab ven pänunon, das B. imotävom al London e sägo al Melop nen nünön lödavotami okik klube, ädismiton omi se klub.
- ↑ Nogan de „Pip“; vöd malom: „om, kel mekom dagalön“.
Se Volapük: Popabled e ninsadabled 1890, Nüm: 6, Pad: 23.