Hærramek ja bæsstamek Jesus Kristus ođđa Testament/St. Paulus 1deb girje Thessalonikalaǯaidi

[ 637 ]

St. Paulus 1 girje Thessalonikalaǯaidi.

1. Kapittal.

Paulus ja Silvanus ja Timotheus Thessalonikalaǯai særvvegoddai Ibmel ačest ja hærrast Jesusest Kri­stusest: arbmo digjidi, ja raffhe Ibmelest min ačestæmek, ja hærrast Jesusest Kristusest!

² Ibmel mi alelessi gittep din buokai audast, din muitostæmek anededin min rokkusidæmek sist,

³ din osskodek doǥoid oppeti muitost anede­din, ja din rakisvuottadek bargoid, ja din dorv­vodek bisovašvuođa hærramek Jesus Kristus ala, min Ibmelæmek ja aččamek čalmi audast;

⁴ dastgo din goččujume mi diettep, Ibmelest eccujuvvum veljak!

⁵ Dastgo min evangelium din lut i læm dušše fal sani sist orrom, mutto maida famo sist, ja bassevuoiŋa sist, ja olles nannos dieđo sist; nuftgo di maida diettebættet, maggark mi din gaskast læimek din ditti.

⁶ Ja di doarradallam læppet min luodaid, vela hærra luodaid, ædnag hæđest ja bassevuoiŋa iloin sane vuosstaivaldededin;

⁷ atte di auddamærkkan šaddam læppet buok Masedonia ja Akaja oskolaǯaidi;

[ 638 ]⁸ dastgo din lut hærra sadne læ gullujuvvum, i dušše fal Masedonia ja Akaia mietta, mutto dietto din osskodek birra Ibmeli boattam læ buok guov­loidi, atte æp mi darbaš dam birra sardnot;

⁹ dastgo ješ si min birra muittalek, maggar vuosstaivalddujume mi din lut gavnaimek, ja moft di Ibmel bællai æppeibmeli bælest jorggaleidek dam ælle ja duot Ibmel balvvalet,

¹⁰ ja su barne almin vuorddet, gæn son jabmi dillest bajasčuoǯǯaldatti, Jesus, gutte boatte moare vuold erit min bæssta.

2. Kapittal.

¹ Di diettebættet ješ, veljačak! min vuosstai­valddujume din lut, atte dat duššalaš i læk læmaš,

² mutto auddal Philippist gillamušaid ja hæp­pad oaidnam, nuftgo di diettebættet, almaken roakkadvuođa animek min Ibmelæmek sist Ibmel evangelium din lut sardnot ædnag heđi sist.

³ Dastgo min ravvagak æi čajadusa, æi buttes­mættom ulme, æige bættolašvuođa ravvagak læm;

⁴ mutto nuftgo mi Ibmelest dokkalaǯǯan gavd­nujuvvum læp evangelium oskalduvvut, nuft mi sardnop, æp olbmuidi dokkijægjen, mutto Ibmeli, gutte min vaimoid sogardægje læ.

⁵ Dastgo æp goassegen mi gærjedægje sanid adnam, nuftgo di diettebættet, ige hanesvuođa habme mist læm; Ibmel læ duođaštægje.

⁶ Æpge olbmui gudne mi bivddam, æp dist, æpge ærra olbmuin, josjoge fabmo min gieđast læi, nuftgo Kristus apostalak,

[ 639 ]⁷ mutto mi læp sæsstam din. Nuftgo njama­tægje divčodæmen læ manaides,

⁸ nuft doalla miellamek, dam njuoras rakis­vuottamek ditti digjidi, dinguim juoǥadet, æp dušše fal Ibmel evangelium, mutto maida min hægga­mek, go rakkasak di læppet migjidi šaddam.

⁹ Alma di muittebættet, veljačak! min barg­gomek ja min vaivvamek; dastgo josjoge ija bæive mi djuid daǥaimek, amamek gæsagen dist vaiv­ven šaddat, de almaken din gaskast mi Ibmel evangelium sarnedeimek.

¹⁰ Di duođaštægjek læppet, ja Ibmel, man bassen ja vanhurskesen ja laittemættosen mi din lut vagjoleimek, di oskolaǯak!

¹¹ nuftgo di diettebættet, moft mi din ravvi­mek ja jeđđimek, ješguđeg dist, nuftgo ačče manaides,

¹² ja mi sarnoteimek din dokkalaǯǯan Ibmel audast vagjolet, gutte su valddegoddasis ja su hærvasvuottasis din gočoi.

¹³ De damditti Ibmel mi oftelessi gittep, atte, dalle go di dam Ibmel sane vuosstaivaldidek, maid di mist gulaidek, de æppet di olbmui sanid vuos­staivalddam, mutto — nuftgo dat duođai læ — Ibmel sane, mi dal famoin barggamen læ sistadek, guđek osskobættet.

¹⁴ Dastgo di, veljačak! læppet dai Ibmel særv­vegoddi luodaid doarredam, guđek Judæast læk Kristus Jesus sist, go daidanaǥa givsid din ječaid­ædek ædnam olbmuin di gillam læppet, maid dok gillam læk Judalaǯain;

[ 640 ]¹⁵ guđek sikke hærra Jesus godde, ja sin ječaidæsek prophetaid goddam læk, ja min vaššest si adnam læk, ja Ibmeli æi dokke, ja buok olbmui vuosstai læk,

¹⁶ ja gilddek min bakkenidi sarnedæmest, vai dak šaddek besstujuvvut, atte si alelessi suddoid­æsek mitto dævddemen læk. Mutto moarre sin bagjeli boatta hævvanæbmen.

¹⁷ Mutto mi, veljačak; guđek rubmašinæmek ucca borduš boddo din lut ærranam ællam læp, mutto vaimoinæmek æp, stuorra halidusain mi dam ala barggam læp, din čalmid oaǯǯot oaidnet.

¹⁸ De damditti mist miella læi din lusa vuolg­get — nabmalassi mon Paulus — oft gærde, ja guoft gærde, mutto Satan min hettim læ.

¹⁹ Dastgo gi min doaivvomek læ, daihe min illo­mek, daihe ramadussamek kruono? æreb go maida di hærramek Jesus Kristus sist su boađededines?

²⁰ Di min gudnamek ja min illomek læppet.

3. Kapittal.

¹ De damditti, go gillamest i læm šat gukeb, de buorebun mi animek ofto ruoftod Atheni guđ­đujuvvut,

² ja Timotheus mi vuolgateimek, min vellja­mek ja Ibmel balvvalægje, ja min barggoguoib­mamek Kristus evangelium sist, din nannit, ja din ravvit osskodek dafhost,

³ amas guttege dorvotuvvut dai heđi sist; dastgo di ješ diettebættet dam varas mi læp.

⁴ Dastgo go mi din lut læimek, de mi digjidi [ 641 ]dam auddal celkimek, atte givsid mi gillamen læimek; nuftgo maida dappatuvvum læ, ja nuftgo di diettebættet.

⁵ De damditti maida mongis, go dat i šat muo gillamest læm, de su bigjim din osko dietostad­dat, jos gæččalægje daidaši læt din gæččalam, ja min barggomek dalle duššen šaddamen læi.

⁶ Mutto dal, go Timotheus din lut min lusa bođi, ja migjidi illon din osskodek muittali ja din rakisvuođa, ja atte alelessi muitostædek di adne­bættet min buorebussi, ja angastæmen læppet min oaidnet, nuftgo migis maida din:

⁷ de dago boft, veljačak! mi buok min gilla­mušaidæmek ja hættamek sist din boft jeđđijuvvum læp, din osskodek boft.

⁸ Dastgo dal mi ællep, go di nanosen hærra sist bissobættet.

⁹ Maggar gittosin mattep mi Ibmel mafsat buok dam ilost, main mi din ditti illodæp min Ibmelæ­mek audast,

¹⁰ ija bæive njuorraset rokkadalladedin din čalmid oaǯǯot oaidnet, ja din osskodek vajeg­vuođaid divvot?

¹¹ Mutto min Ibmelæmek ja aččamek ješ, ja min hærramek Jesus Kristus dorjuši min maŧk­kamek din lusa!

¹² Mutto hærra audedekkus ja lassetekkus rakisvuottadek gutteg guimidassadek, ja buok olb­muidi! nuftgo maida rakisvuotta mistgis læ digjidi;

¹³ vai din vaimoidædek nanostuvvuši laitte­mættosen orrot bassevuođa sist Ibmel ja aččamek [ 642 ]audast, hærramek Jesus Kristus boattem sist buok basse oskolaǯaidesguim.

4. Kapittal.

¹ Veljačak! dist adnop ja din ravvijep hærra Jesus sist, atte, nuftgo mist di oapatuvvum læppet moft vagjolet ja Ibmeli dokkit, atte di dasa ain buorebut auddanæppet.

² Alma di diettebættet, maggar bakkomid di­gjidi mi addimek hærra Jesus boft.

³ Dastgo dat læ Ibmel datto, din bassendak­kujubmadek, atte furušæme di galggabættet fa­stašet;

⁴ atte juokkeoft dist dietta rubmašes basse­vuođa ja gudne sist adnet,

⁵ atte æppet fastes himoi mield di æle bak­keni lakkai, guđek Ibmel æi dieđe;

⁶ atte i oftage velljasis verid galga dakkat daihe su bættet guđege dafhost; dastgo hærra buok daggar mænoid mafsatægje læ, nuftgo maida ja auddal mi cælkkam ja digjidi duođaštam læp.

⁷ Dastgo Ibmel i læk goččom min buttesmæt­tomvutti, mutto bassevutti.

⁸ Gutte damditti daid bakkomid bagjelgæčča, i olbmu bagjelgæča, mutto Ibmel, gutte maida su bassevuoiŋas min sisa addam læ.

⁹ Mutto veljalaš rakisvuođa harrai im darbaš digjidi čallet; dastgo di ješ Ibmelest oapatuvvum læppet rakisen adnet gutteg guoibmadek;

¹⁰ dam di buok veljaidi dakkabættet, guđek obba Masedoniast læk; mutto mi ravvijep din, [ 643 ]veljačak! ain æmbo dasa auddanet,

¹¹ ja atte gudnen di adnebættet lođkis ællem­gærde ællet, ja vuttivalddet ješgutteg su fidnos, ja din gieđaidædekguim dujid barggat dakkat, nuftgo mi læp goččom din,

¹² vai hæivolaš lakkai singuim di ællebættet, guđek olggobæld læk, ja amadek di guđege darbašet.

¹³ Mutto im aigo din diettemættosen, velja­čak! sin harrai, guđek jabmam læk, amadek mo­raštet, ærra olbmui lakkai, gæin doaivvo i læk.

¹⁴ Dastgo jos mi osskop, atte Kristus jabmam ja bajasčuoǯǯelam læ, de nuft auddandoalvvo maida Ibmel Jesus boft oftanaǥa suin sin, guđek jabmam læk.

¹⁵ Dastgo dam mi digjidi hærra sadnen cælk­kep, atte mi, guđek ællemen læp, guđek hærra boattem ragjai baccep, æp boađe auddal go si, guđek jabmam læk.

¹⁶ Dastgo hærra ješ stuorra čuorvvomin al­mest vuolas boatta, oaivveengel jenain, ja Ibmel basunin, ja si, guđek Kristus sist jabmam læk, vuost bajasčuoǯǯelek;

¹⁷ dastmaŋŋel šaddap mi, guđek ællemen, guđek baccemen læp, singuim rottišuvvut balvaidi, hærra audald mannat aimo sist; ja nuft mi alelessi oaʒʒop hærra lut læt.

¹⁸ De jeđđijekket gutteg guimidædek dai sa­niguim.

[ 644 ]

5. Kapittal.

¹ Mutto dai aigi ja dam aigeboddo harrai, veljačak! æppet di darbaš, atte digjidi šadda čal­lujuvvut;

² dastgo ješ di galle diettebættet, hærra bæivve boattemen læ suollag lakkai ikko.

³ Dastgo go celkkujuvvu: raffhe ja oagjebas­vuotta læ! de hævvanæbme fakkistaǥa sin bagjel boatta, nuftgo avtak nisson bagjel, gutte mana vuosstai læ, ja bæssam lakkai i læk.

⁴ Mutto di, veljačak! sævdnjadas sist di æp­pet læk, atte dat bæivve, nuftgo suol, fuomaš­kættai din ala boatta.

⁵ Di buokak čuovgas manak læppet, ja bæive manak; æp mi ija manak læk, æpge sævdnjadasa.

⁶ Allop mi damditti oađđemen læǥe, nuftgo dak ærra olbmuk, mutto barggop mi goccet ja čielgos oaivest orrot.

⁷ Dastgo guđek ođđek, ikko ođđek, ja guđek jukkam læk, ikko jukkam læk.

⁸ Mutto mi, guđek bæive manak læp, orrop mi čielgosvuođa dillest, osko ja rakisvuođa værjoi­guim garvotuvvum, ja nuftgo galbba, audogas­vuođa doaivoin.

⁹ Dastgo Ibmel i asatam min moares vuollai boattet, mutto audogasvuođa oaǯǯot hærramek Jesus Kristus boft,

¹⁰ gutte min audast jami, vai, daihe mi goccep daihe mi oađđep, mi oftanaǥa suin ælašeimek.

¹¹ Ravvijækket damditti gutteg guimidædek, ja bajasrakadekkus gutteg guoimes, nuftgo di [ 645 ]maida dakkamen læppet.

¹² Mutto dist rokkadallap, veljačak! sin dovd­dat, guđek barggamen læk din gaskast, ja din audastčuoǯǯok læk hærra sist, ja din ravvijæ­gjek læk,

¹³ ja sin stuorra gudnest adnet rakisvuođa sist sin daǥoidæsek ditti. Adnet rafhe gaskanædek.

¹⁴ Mutto din ravvijep, veljačak! cuoigodæk­ket nævrredavalaǯaid, jeđđijækket sin, guđek hærdotuvvum læk, vækketækket hæjoid, lækket gierdavaǯak buokai vuosstai.

¹⁵ Varotækket ječaidædek, amas oftage gæ­sagen baha bahain mafsat, mutto barggat alelessi dam ala, mi buorre læ, sikke gutteg guoibmadek ja buokai vuosstai.

¹⁶ Lækket alelessi ilost.

¹⁷ Rokkadallat hæitekættai.

¹⁸ Dakkat gittolusaid juokke ašše ditti; dastgo dat Ibmel datto læ digjidi Kristus Jesus sist.

¹⁹ Allet vuoiŋa časkad.

²⁰ Allet bagjelgæča prophetalašvuođaid.

²¹ Guoratallat buok; adnet, mi buorre læ.

²² Bataraddat dast erit, mi bahha læ, buok hami sist.

²³ Mutto son ješ, rafhe Ibmel, basotifči din čađarak! ja vare obba din vuoigŋadek, ja siellodek, ja rumaš laittemættosen varjaluvvuši hærramek Jesus Kristus boattemi!

²⁴ Son oskaldas læ, gutte din gočoi; son maida dam dakkamen læ.

²⁵ Veljačak! rokkadallat min audast!

[ 646 ]²⁶ Diervuođaid cælkket buok veljaidi basse cumain.

²⁷ Hærra boft din vuornotam: addet dam girje buok basse veljaidi lokkujuvvut.

²⁸ Hærramek Jesus Kristus arbmo digjidi! Amen.

[Audeb girje Thessalonikalaǯaidi Athenest čal­lujuvui.]