Hudźba

nadpis	Hudźba
awtor	Karl August Fiedler
lěto	1901
žórło	http://texty.citanka.cz/
licenca	public domain
nota	stary prawopis

Ty wodźiš mje na hóna jasne,
Ćěŕ ludaprózdnu, ćichomnu,
A moje přeća, sony krasne
So swěća tebi we wočku.

Njech swět mje tyši, přepóznawa,
Ty wěš, što pjelni wutrobu.
Wšak twoja rěč mi wěstosć dawa,
Zo znaješ radosć, stysknotu.

A sym ja přišoł khudy k tebi,
Tu nabych drohich kubłow dosć:
Hlej, pokoj duše dobych sebi,
Móc a horjo a zbožownosć.