I Fedomes, Trevijegn e le Vivane
I Fedomes, Trevijegn e le Vivane
I Fedomes era aleé coi Fascegn, i vegnìa te Fascia e i fajea dessema feste. Fedomes se ge dijea perché i era aleati coi Fascegn contra i Trevijegn. Chisc ùltimes i robaa le touse e ence la farina ju da le spale, canche i jìa dal moliné. Specialmenter ai Fedomes che sti egn no i aea molins e i cognea vegnir a Fascia a majenar.
Sora Valongia sa Larsce l'é stat na batalia coi Trevijegn, parché chisc i volea robar doi tegnude. Le Vivane de Vael le é vegnude a didar. Dò che n'é stat mazà n bel muie de Trevijegn, i é sciampé. Dò che i à scarà via duc i Trevijegn, i à mazà n manz e i à fat na festa co le vivane, e i à balà duta la not. Se sà che ste orge sie state fate te la Val Trevijana. Per chest se à paura dai temporai che vegn da sta banda.