I pissatoj vecc de Milan
XXVI
I pissatoj vecc de Milan
(I vecchi pisciatoi di Milano)
Pissatoj di temp andaa,
alla bonna, sul canton,
nient pretes e invernisaa
con ona man de godron;
senza lussi e senza gioeugh
de idraulica, ma a loeugh!
Quatter pass - e el viandant
l’era franch - de sodisfass!
Ma... lalella incoeu! a spand
acqua in straa, per no pissass
in la patta, - pover omm -
toeu su el tramm e cor al Domm!
Pissatoj d’on temp! Adess,
soeuja mi, tuscoss se accentra;
fin l’orina, el gius, i cess;
tutt all’orden, vun che l’entra,
vun ch’el pissa, vun ch’el sort...
pissatoj di noster mort!
Cossa cunten marmi e stil,
eleganza, bej picciur
e lampion de cent candil,
lusso, stucchi e architettur,
tutt sto sfarzo de teater
per andà a pissà per quatter,
sul dest-riga, giò in cantina!
vun de chì, de là; de dree
gent che boffa, che segrina,
che trepilla, pesta i pee,
che l’è lì - vatt a fà fott! -
a curatt fin l’ultem gott!
Pissatoj del dì d’incoeu!
cent volt mej qui d’ona volta!
contra i mur, in di streccioeu,
alla bonna, vun per svolta
o qui rar de lusso, ciolla!
cont i sò teccett de tolta
e coi sò do bravi alett
part e part e intorna al boeucc
poeu... cristofen! che laghett!
bej o brutt, intorna al boeucc,
on litron de birra gh’era!
ocio fioeuj! ona coera
de scumetta - verdesina
che camina - quietta quietta
per i sass della rissada,
fumm e scuma!
Bosinada!
coss te cérchet in l’Olmett?
descatràmet, fa on girett!
proeuva a andà - in stretta Bagnera
che ghe n’era - ammò vun là
pos al mur de Cà Cornaggia;
quest l’è l’ultem ma el viaggia
prest anch lu - Donna Maria
l’à daa su - per fall toeu via
on recors - in cart d’offizzi,
l’esercizi - doman fors,
bosinada, el saren su!
pissatoj de Carlo-Vu,
v’han daa el rugh a tucc - v’han daa;
pissatoj di temp andaa!
Pisciatoi dei tempi andati, alla buona, sul cantone, niente pretese e verniciati con una mano di catrame, senza lussi e senza giochi di idraulica, ma al posto giusto. Quattro passi, e il viandante era sicuro di soddisfarsi! Ma oggi, lallera! a spandere acqua in strada, per non pisciarsi nei calzoni - poveruomo - prendi il tram e corri al Duomo! Pisciatoi di un tempo! adesso, che ne so, tutto si accentra; perfino l’orina, lo sterco, i cessi; tutto per ordine, uno che entra, uno che piscia, uno che esce... pisciatoi meschini! Che cosa contano marmi e stile, eleganza, belle pitture e lampioni da cento candele, lusso, stucchi e architetture, tutto questo sfarzo da teatro, per andare a pisciare a quattro per quattro, sul dest-riga, giú in cantina! Uno di qua e uno di là; di dietro gente che sbuffa, che si arrabbia, che si agita, pesta i piedi, che sta lí - va’ a farti fottere! - a curarti fino all’ultima goccia. Pisciatoi del giorno d’oggi! cento volte meglio quelli di una volta! contro i muri, nei vicoletti, alla buona, uno a ogni svolto; o quelli rari di lusso, perbacco! con i loro tettucci di lamiera e con le loro due brave alette da parte e parte, e intorno alla bocchetta poi... cristoforo! che laghetto! belli o brutti, intorno alla bocchetta c’era un litro abbondante di birra! occhio ragazzi! un rigagnolo di schiumetta verdolina che va quieta quieta per i sassi del selciato, fumo e schiuma!Bosinata, che cosa cerchi in via Olmetto? discantati, fa’ un giretto! prova ad andare nella stretta Bagnera, che ce n’era ancora uno, là, dietro al muro di Casa Cornaggia; questo è l’ultimo, ma presto se ne va anche lui. Donna Maria ha inoltrato, per farlo levare, un ricorso in carta da bollo, l’esercizio forse domani, o Bosinata, lo chiudono! Pisciatoi dei tempi di Carlo Vu, vi hanno dato il benservito, vi hanno dato; pisciatoi dei tempi andati!