tenpo pini a la, jan Kaja li kama lon. jan Kaja li nasa tan ni: kule ona li weka! jan li ken ala lukin e ona tan ni. lukin la ona li sama kon, taso jan li kon ala. pilin ona li lon a. taso, jan ale li weka e pilin ona. jan ala li toki tawa ona, li kute e ona. pilin ale li ni: “kon li toki tawa mi! kon li luka e mi! mi pilin monsuta a!” ni la, jan Kaja li wan ike.
jan Kaja li kama suli tenpo, taso jan ale li awen weka e ona. ona li kama wile e ni: jan ale li sama ona. ni la, ona li wile sona pali. ona li kama sona ni lon tenpo suli. ona li lukin len e jan ante, li lukin e lipu mute, li suli e sona ona. lawa ona li kama wawa!
pali la jan Kaja li kepeken tenpo suli. pali ona li mama e pona. ona li kama pali e ijo sin! ijo ni li ilo sitelen wawa. ilo ni li ken kepeken nasin tu. nasin nanpa wan la, ilo ni li ken pana e kule. nasin nanpa tu la, ilo ni li ken weka e kule! jan Kaja li pilin pona a. ona li pilin e ni: “mi ken weka e kule pi jan ale! tenpo kama poka a la, jan ale li kama sama mi a!”
jan Kaja li alasa e jan. ona li len lon tenpo suli. ona li lon monsi pi tomo esun suli. jan mute li lon insa pi tomo ni. taso, tenpo pi kama mun la, jan wan li taso. jan ni li pali lon tomo ni. jan Kaja li ken lukin e jan ni; ona li kama utala e ona kepeken ilo sitelen wawa! lupa li open tan kon tawa jan pali ni. jan pali ni li ken lukin e ilo waso! ilo pi jan Kaja li kama luka e luka pi jan pali. luka ni li kule ala! ona li kalama suli monsuta; jan Kaja li awen weka e kule pi jan pali. ona li lukin tawa suli, taso, jan Kaja li awen e sijelo ona kepeken luka wawa. jan Kaja li kama weka e kule ale. jan pali li kama sama kon!
“a a a a! mi wawa a!” jan Kaja li musi a. jan pali li monsuta a! taso, kule ona li weka. jan Kaja li musi sin: “jan ale o kama kule ala!” taso, tenpo ni a la, jan pali li weka e monsuta ona. jan pali li pilin insa e ni: “ona o ken ala ni!” ona li utala e jan Kaja! ona li ken ala lukin e jan Kaja, taso, ona li kama sona e ni: ona li ken lukin e ilo sitelen wawa a! jan Kaja li ken ala lukin e jan pali la, jan pali li luka e ilo, li tawa e ilo tawa ona. jan pali li kepeken nasin nanpa wan, li pana e kule tawa jan Kaja. jan Kaja li kama lukin sama jan pali ni! jan Kaja li kama pilin insa e ni: “mi pona la, mi o weka ala e kule pi jan ale…”
jan Kaja li tawa suli a. jan pali ni li lukin len ala, taso, tenpo kama la, jan ale li ken ala lukin e ona. jan Kaja li len; tenpo kama la, jan ala li lukin e ona.
