Immen/Wutte rut?!

Immen

De frohe muth. En bürgervereine te Bossfelle tauedacht -->

[007]De foss in sinen lokke,
      Dei hat et lange gut;
Hei lett se fett sik grasen --
Un fritt se denn -- de hasen --
            Hasen? --
            Wutte rut?! --

Et lieht en hund an owen,
      In harten kraft un muth;
Dei drömmt von foss un hasen
Un hört de hören blasen --
            Blasen? --
            Wutte rut?! --

De släper lieht in bedde
      Mit heiler, warmer hut;
Dat is de ächte drömmer,
Drömmt winter un drömmt sömmer --
            Sömmer?
            Wutte rut?! --

[008]Et lieht in kolen bedde
En harte warm un gut;
Well keinder sik erbarmen? --
Da komet de schandarmen --
            Schandarmen? --
            Wutte rut?! --

En beddelmann well nahen;
      Wu dei, wu dei sik schut!
Herr graf, en reisepennig! --
Herr graf, dat is ja wennig! --
            Wennig? --
            Wutte rut?! --

Et kummt heran en dichter,
      Von harten warm un gut;
Dei -- heilen use wunnen? --
Weg mit en lumpenhunnen!
            Hunnen? --
            Wutte rut?! --