Löfik rega ji-son xänof,
Magäb! – su büpalik tron;
Ladal neta, kel ji-pline,
Yubom yä, se lada fon.
Pükof, ebexänöl trone,
Vödis at, sa gretik zel:
„God yüfomös, fiedi pope,
Läbädomös, ati del.“
Tän, pop lölik kap’ enüdom,
Sukos dram, nilud te bal;
E pos blefüp seilöfa,
Pükom bäledel, snatal:
„Södobs dünön fataläne,
Yufön me konsäl snatik,
Södobs fiedön ji-monarke,
Äd Ofa Mot »El Benodik«.
God …! Ji-pline jelobsös,
Das, flens, fiedo stanobsös,
Vilobs magi fiedo polön,
Ji-monarke, lado, dünön!“
