|
- 23:1 (23:1-2)ꦒꦸꦱ꧀ꦠꦶꦄꦭ꧀ꦭꦃꦩꦫꦶꦁꦔꦏꦺꦥꦽꦤꦠꦤ꧀ꦥꦽꦤꦠꦤ꧀ꦩꦫꦁ꧊ꦩꦸꦱ꧈ꦧꦧ꧀ꦢꦶꦤꦢꦶꦤꦫꦶꦪꦪꦲꦒꦩ꧈ꦩꦼꦁꦏꦺꦤꦺ꧈"ꦲꦶꦁꦢꦶꦤꦫꦶꦪꦪꦧꦁꦱ꧊ꦆꦱꦿꦲꦺꦭ꧀ꦏꦸꦢꦸꦔ꧀ꦭꦸꦩ꧀ꦥꦸꦏ꧀ꦔꦶꦧꦢꦃ꧉
- 23:2 (23:1)
- 23:3 ꦱꦗꦿꦺꦴꦤꦺꦤꦼꦩ꧀ꦢꦶꦤꦏꦺꦴꦮꦺꦥꦝꦚꦩ꧀ꦧꦸꦠꦒꦮꦺ꧈ꦤꦁꦔꦶꦁꦲꦺꦭꦶꦁꦔ꧈ꦢꦶꦤꦏꦥꦶꦠꦸ꧈ꦢꦶꦤ꧊ꦱꦧ꧀ꦧꦠ꧀꧈ꦏꦸꦮꦶꦢꦶꦤꦏꦁꦒꦺꦴꦔꦱꦺꦴ꧉ꦲꦶꦁꦢꦶꦤꦩꦲꦸꦲꦗꦥꦝꦚꦩ꧀ꦧꦸꦠ꧀ꦒꦮꦺ꧈ꦤꦁꦔꦶꦁꦏꦸꦢꦸꦔ꧀ꦭꦸꦩ꧀ꦥꦸꦏ꧀ꦔꦶꦧꦢꦃ꧉
- 23:4 ꦲꦶꦁꦮꦼꦏ꧀ꦠꦸꦮꦼꦏ꧀ꦠꦸꦱꦶꦁꦮꦶꦱ꧀ꦢꦶꦠꦼꦠꦼꦥ꧀ꦥꦏꦺ꧈ꦢꦶꦤꦢꦶꦤꦫꦶꦪꦪꦩꦲꦸꦏꦸꦢꦸꦢꦶꦲꦸꦩꦸꦩ꧀ꦩꦏꦺ꧉"
- 23:5 "ꦠꦸꦩꦶꦤ꧀ꦢꦏ꧀ꦏꦺꦫꦶꦪꦪ꧊ꦥꦱ꧀ꦏꦃꦏꦸꦮꦶꦏꦁꦒꦺꦴꦔ꧀ꦭꦸꦲꦸꦂꦫꦏꦺꦒꦸꦱ꧀ꦠꦶꦄꦭ꧀ꦭꦃ;ꦏꦮꦶꦮꦶꦠ꧀ꦠꦤ꧀ꦲꦶꦁꦮꦪꦃꦱꦸꦫꦸꦥ꧀ꦥꦶꦁꦱꦽꦔꦺꦔꦺ꧈ꦠꦁꦒꦭ꧀ꦥꦠ꧀ꦧꦼꦭꦱ꧀꧈ꦱꦱꦶꦏꦥꦶꦱꦤ꧀꧉
- 23:6 ꦲꦺꦱꦸꦏ꧀ꦏꦺ꧈ꦠꦁꦒꦭ꧀ꦭꦶꦩꦭꦱ꧀ꦏꦸꦮꦶꦮꦶꦮꦶꦠ꧀ꦠꦺꦫꦶꦪꦪꦥꦺꦱ꧀ꦠꦫꦺꦴꦠꦶꦠꦤ꧀ꦥꦫꦒꦶ꧉ꦱꦗꦿꦺꦴꦤꦺꦥꦶꦠꦸꦁꦢꦶꦤꦏꦺꦴꦮꦺꦥꦝꦲꦺꦴꦫꦏꦼꦤꦩꦁꦔꦤ꧀ꦫꦺꦴꦠꦶꦱꦶꦁꦢꦶꦒꦮꦺꦔꦁꦒꦺꦴꦫꦒꦶ꧉
- 23:7 (23:7-8)ꦲꦶꦪꦱꦗꦿꦺꦴꦤꦺꦥꦶꦠꦸꦁꦢꦶꦤꦩꦲꦸꦏꦺꦴꦮꦺꦏꦸꦢꦸꦱꦲꦺꦴꦱ꧀ꦏꦸꦂꦧꦤ꧀ꦝꦲꦂꦫꦤ꧀ꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ꧉ꦲꦶꦁꦢꦶꦤꦤꦺꦏꦥꦶꦱꦤ꧀ꦭꦤ꧀ꦢꦶꦤꦤꦺꦏꦥꦶꦠꦸꦏꦺꦴꦮꦺꦏꦸꦢꦸꦥꦝꦔ꧀ꦭꦸꦩ꧀ꦥꦸꦏ꧀ꦔꦶꦧꦢꦃꦭꦤ꧀ꦲꦺꦴꦫꦏꦼꦤꦚꦩ꧀ꦧꦸꦠ꧀ꦒꦮꦺ꧉
- 23:8 (23:7)
- 23:9 (23:9-10)ꦪꦺꦤ꧀ꦏꦺꦴꦮꦺꦮꦶꦱ꧀ꦩꦁꦒꦺꦴꦤ꧀ꦲꦶꦁꦠꦤꦃ꧊ꦏꦺꦤꦲꦤ꧀ꦭꦤ꧀ꦥꦤꦺꦤ꧀ꦒꦤ꧀ꦢꦸꦩ꧀꧈ꦏꦺꦴꦮꦺꦏꦸꦢꦸꦩꦱꦿꦃꦲꦏꦺꦩꦫꦁꦲꦶꦩꦩ꧀꧈ꦒꦤ꧀ꦢꦸꦩ꧀ꦱꦲꦸꦤ꧀ꦠꦶꦁꦱꦶꦁꦏꦺꦴꦏ꧀ꦲꦼꦤꦺꦤ꧀ꦤꦶꦝꦶꦱꦶꦏ꧀ꦝꦺꦮꦺ꧉
- 23:10 (23:9)
- 23:11 ꦲꦶꦁꦢꦶꦤꦕꦤ꧀ꦝꦏ꧀ꦏꦺꦢꦶꦤ꧊ꦱꦧ꧀ꦧꦠ꧀ꦒꦤ꧀ꦢꦸꦩ꧀ꦩꦲꦸꦏꦸꦢꦸꦢꦶꦱꦲꦺꦴꦱ꧀ꦱꦏꦺꦏꦒꦼꦩ꧀ꦄꦭ꧀ꦭꦃꦥꦶꦪꦩ꧀ꦧꦏ꧀꧈ꦱꦸꦥꦪꦉꦤꦥꦼꦁꦒꦭꦶꦃꦲꦺ꧉
- 23:12 ꦠꦸꦁꦒꦭ꧀ꦢꦶꦤꦲꦼꦁꦒꦺꦴꦤ꧀ꦩꦸꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦒꦤ꧀ꦢꦸꦩ꧀ꦩꦲꦸ꧈ꦏꦺꦴꦮꦺꦲꦶꦪꦏꦸꦢꦸꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀ꦫꦸꦥꦮꦼꦝꦸꦱ꧀ꦒꦺꦩ꧀ꦧꦺꦭ꧀꧈ꦱꦶꦁꦲꦸꦩꦸꦂꦱꦼꦠꦲꦸꦤ꧀ꦭꦤ꧀ꦠꦤ꧀ꦥꦕꦕꦢ꧀꧉
- 23:13 ꦲꦶꦁꦮꦼꦏ꧀ꦠꦸꦲꦶꦏꦸꦲꦸꦒꦏꦺꦴꦮꦺꦏꦸꦢꦸꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦝꦲꦂꦫꦤ꧀ꦫꦸꦥꦒ꧀ꦭꦼꦥꦸꦁꦫꦺꦴꦁꦏꦶꦭꦺꦴꦒꦿꦩ꧀꧈ꦢꦶꦲꦸꦊꦠ꧀ꦏꦫꦺꦴꦊꦔꦗ꦳ꦲꦶꦠꦸꦤ꧀꧉ꦒꦤ꧀ꦢꦤꦺꦏꦸꦂꦧꦤ꧀ꦩꦲꦸꦒꦮꦺꦉꦤꦤꦶꦁꦥꦼꦁꦒꦭꦶꦃꦲꦺꦄꦭ꧀ꦭꦃ꧈ꦭꦤ꧀ꦲꦶꦪꦢꦶꦧꦉꦁꦔꦶꦱꦲꦺꦴꦱ꧀ꦱꦤ꧀ꦲꦁꦒꦸꦂꦱꦭꦶꦠꦼꦂ꧉
- 23:14 ꦩꦼꦤꦮꦢꦸꦫꦸꦁꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦩꦲꦸꦏꦧꦺꦃ꧈ꦏꦺꦴꦮꦺꦲꦺꦴꦫꦏꦼꦤꦩꦁꦔꦤ꧀ꦒꦤ꧀ꦢꦸꦩ꧀ꦩꦸꦲꦚꦂꦩꦲꦸ꧈ꦲꦼꦩ꧀ꦧꦸꦃꦩꦼꦤ꧀ꦠꦃ꧈ꦲꦼꦩ꧀ꦧꦸꦃꦢꦶꦥꦁꦒꦁꦲꦸꦠꦮꦢꦶꦧꦏꦂ꧉ꦥꦽꦤꦠꦤ꧀ꦲꦶꦏꦶꦏꦸꦢꦸꦢꦶꦠꦼꦠꦼꦥ꧀ꦥꦶꦢꦺꦤꦶꦁꦲꦤꦏ꧀ꦠꦸꦫꦸꦤ꧀ꦩꦸꦏꦧꦺꦃꦱꦼꦭꦮꦱ꧀ꦭꦮꦱ꧀ꦱꦺ꧉"
- 23:15 "ꦮꦶꦮꦶꦠ꧀ꦢꦶꦤꦱꦮꦶꦱ꧀ꦱꦺ꧊ꦱꦧ꧀ꦧꦠ꧀꧈ꦪꦏꦸꦮꦶꦮꦼꦏ꧀ꦠꦸꦩꦸꦚꦲꦺꦴꦱ꧀ꦱꦏꦺꦒꦤ꧀ꦢꦸꦩ꧀ꦱꦲꦸꦤ꧀ꦠꦶꦁꦱꦶꦁꦏꦮꦶꦠ꧀ꦠꦤ꧀꧈ꦔꦺꦠꦸꦁꦔꦥꦶꦠꦸꦁꦩꦶꦁꦒꦸꦮꦸꦠꦸꦃ꧉
- 23:16 ꦲꦶꦁꦢꦶꦤꦏꦥꦶꦁꦱꦺꦏꦼꦠ꧀ꦠꦺ꧈ꦪꦏꦸꦮꦶ꧊ꦱꦧ꧀ꦧꦠ꧀ꦱꦶꦁꦏꦥꦶꦠꦸ꧈ꦏꦺꦴꦮꦺꦏꦸꦢꦸꦥꦝꦚꦲꦺꦴꦱ꧀ꦱꦏꦺꦒꦤ꧀ꦢꦸꦩ꧀ꦩꦼꦤꦺꦃꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ꧉
- 23:17 ꦱꦧꦼꦤ꧀ꦧꦿꦪꦠ꧀ꦏꦸꦢꦸꦔ꧀ꦒꦮꦫꦺꦴꦠꦶꦭꦺꦴꦫꦺꦴ꧈ꦏꦱꦲꦺꦴꦱ꧀ꦱꦏꦺꦢꦢꦶꦱꦲꦺꦴꦱ꧀ꦱꦤ꧀ꦩꦶꦫꦸꦁꦒꦤ꧀ꦏꦒꦼꦩ꧀ꦄꦭ꧀ꦭꦃ꧉ꦱꦧꦼꦤ꧀ꦫꦺꦴꦠꦶꦩꦲꦸꦏꦸꦢꦸꦢꦶꦒꦮꦺꦱꦏꦒ꧀ꦭꦼꦥꦸꦁꦫꦺꦴꦁꦏꦶꦭꦺꦴꦒꦿꦩ꧀꧈ꦢꦶꦲꦺꦴꦭꦃꦔꦁꦒꦺꦴꦫꦒꦶꦭꦤ꧀ꦏꦸꦢꦸꦢꦶꦱꦲꦺꦴꦱ꧀ꦱꦏꦺꦢꦢꦶꦏꦸꦂꦧꦤ꧀ꦒꦤ꧀ꦢꦸꦩ꧀ꦱꦶꦁꦢꦶꦲꦼꦤꦺꦤ꧀ꦤꦶꦝꦶꦱꦶꦏ꧀ꦝꦺꦮꦺ꧉
- 23:18 ꦧꦉꦁꦏꦫꦺꦴꦫꦺꦴꦠꦶꦩꦲꦸꦲꦸꦩꦠ꧀꧊ꦆꦱꦿꦲꦺꦭ꧀ꦏꦸꦢꦸꦚꦲꦺꦴꦱ꧀ꦱꦏꦺꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦥꦶꦠꦸꦱꦶꦁꦲꦸꦩꦸꦂꦱꦼꦠꦲꦸꦤ꧀꧈ꦱꦥꦶꦭꦤꦁꦱꦶꦗꦶ꧈ꦭꦤ꧀ꦮꦼꦝꦸꦱ꧀ꦗꦮꦭꦺꦴꦫꦺꦴ꧉ꦏꦧꦺꦃꦏꦸꦢꦸꦩꦸꦭꦸꦱ꧀꧈ꦠꦤ꧀ꦥꦕꦕꦢ꧀꧉ꦏꦺꦮꦤ꧀ꦏꦺꦮꦤ꧀ꦩꦲꦸꦏꦸꦢꦸꦢꦶꦱꦲꦺꦴꦱ꧀ꦱꦏꦺꦢꦢꦶꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀ꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ꧈ꦧꦼꦧꦉꦁꦔꦤ꧀ꦏꦫꦺꦴꦏꦸꦂꦧꦤ꧀ꦒꦤ꧀ꦢꦸꦩ꧀ꦭꦤ꧀ꦏꦸꦂꦧꦤ꧀ꦲꦁꦒꦸꦂ꧉ꦒꦤ꧀ꦢꦤꦺꦏꦸꦂꦧꦤ꧀ꦩꦲꦸꦒꦮꦺꦉꦤꦤꦶꦁꦥꦼꦁꦒꦭꦶꦃꦲꦺꦄꦭ꧀ꦭꦃ꧉
- 23:19 ꦲꦶꦪꦚꦲꦺꦴꦱ꧀ꦤꦮꦼꦝꦸꦱ꧀ꦗꦮꦭꦤꦁꦱꦶꦗꦶꦏꦁꦒꦺꦴꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱ꧈ꦭꦤ꧀ꦕꦼꦩ꧀ꦥꦺꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦤꦁꦭꦺꦴꦫꦺꦴ꧈ꦲꦸꦩꦸꦂꦱꦼꦠꦲꦸꦤ꧀꧈ꦏꦁꦒꦺꦴꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀꧉
- 23:20 ꦫꦺꦴꦠꦶꦭꦤ꧀ꦕꦼꦩ꧀ꦥꦺꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦺꦴꦫꦺꦴꦩꦲꦸꦢꦶꦱꦲꦺꦴꦱ꧀ꦤꦢꦺꦤꦶꦁꦲꦶꦩꦩ꧀ꦢꦢꦶꦱꦲꦺꦴꦱ꧀ꦱꦤ꧀ꦩꦶꦫꦸꦁꦒꦤ꧀ꦏꦒꦼꦩ꧀ꦄꦭ꧀ꦭꦃꦭꦤ꧀ꦏꦸꦮꦶꦢꦢꦶꦧꦒꦺꦪꦤ꧀ꦤꦺꦲꦶꦩꦩ꧀꧉ꦱꦲꦺꦴꦱꦤ꧀ꦱꦲꦺꦴꦱꦤ꧀ꦏꦸꦮꦶꦧꦫꦁꦱꦸꦕꦶ꧉
- 23:21 ꦲꦶꦁꦢꦶꦤꦩꦲꦸꦏꦺꦴꦮꦺꦥꦝꦲꦺꦴꦫꦏꦼꦤꦚꦩ꧀ꦧꦸꦠ꧀ꦒꦮꦺ꧈ꦏꦸꦢꦸꦥꦝꦔ꧀ꦭꦸꦩ꧀ꦥꦸꦏ꧀ꦔꦶꦧꦢꦃ꧉ꦲꦤꦏ꧀ꦠꦸꦫꦸꦤ꧀ꦩꦸꦱꦶꦁꦥꦝꦩꦁꦒꦺꦴꦤ꧀ꦲꦶꦁꦲꦼꦤ꧀ꦢꦶꦮꦲꦺꦏꦸꦢꦸꦥꦝꦤꦼꦠꦼꦥ꧀ꦥꦶꦥꦽꦤꦠꦤ꧀ꦲꦶꦏꦶꦱꦼꦭꦮꦱ꧀ꦭꦮꦱ꧀ꦱꦺ꧉
- 23:22 ꦪꦺꦤ꧀ꦏꦺꦴꦮꦺꦥꦤꦺꦤ꧀꧈ꦲꦗꦔꦼꦤꦺꦤ꧀ꦤꦶꦒꦤ꧀ꦢꦸꦩ꧀ꦱꦶꦁꦲꦤꦲꦶꦁꦥꦶꦁꦒꦶꦂꦫꦶꦁꦥꦊꦩꦃꦲꦤ꧀ꦩꦸ꧈ꦭꦤ꧀ꦲꦗꦩ꧀ꦧꦭꦺꦤ꧀ꦤꦶꦒꦤ꧀ꦢꦸꦩ꧀ꦱꦶꦁꦏꦼꦕꦺꦕꦺꦂ꧉ꦏꦸꦮꦶꦧꦒꦺꦪꦤ꧀ꦤꦺꦮꦺꦴꦁꦮꦺꦴꦁꦩꦶꦱ꧀ꦏꦶꦤ꧀ꦭꦤ꧀ꦮꦺꦴꦁꦮꦺꦴꦁꦩꦚ꧀ꦕ꧉ꦲꦏꦸꦥꦔꦺꦫꦤ꧀꧈ꦲꦭ꧀ꦭꦃꦩꦸ꧉"
- 23:23 (23:23-24)"ꦠꦁꦒꦭ꧀ꦱꦶꦗꦶꦱꦱꦶꦏꦥꦶꦠꦸꦏꦸꦢꦸꦢꦶꦫꦶꦪꦪꦏ꧀ꦏꦏꦺꦏꦪꦢꦶꦤ꧊ꦱꦧ꧀ꦧꦠ꧀꧉ꦲꦶꦁꦢꦶꦤꦲꦶꦏꦶꦱꦩꦱꦏꦿꦸꦔꦸꦱ꧀ꦮꦫꦤꦺꦱ꧀ꦭꦺꦴꦩ꧀ꦥꦿꦺꦠ꧀꧈ꦏꦺꦴꦮꦺꦏꦧꦺꦃꦏꦸꦢꦸꦔ꧀ꦭꦸꦩ꧀ꦥꦸꦏ꧀ꦔꦶꦧꦢꦃ꧉
- 23:24 (23:23)
- 23:25 ꦥꦝꦚꦲꦺꦴꦱ꧀ꦤꦏꦸꦂꦧꦤ꧀ꦝꦲꦂꦫꦤ꧀ꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ꧈ꦭꦤ꧀ꦲꦗꦚꦩ꧀ꦧꦸꦠ꧀ꦒꦮꦺ꧉"
- 23:26 (23:26-27)"ꦠꦁꦒꦭ꧀ꦱꦼꦥꦸꦭꦸꦃꦱꦱꦶꦏꦥꦶꦠꦸꦏꦸꦮꦶꦢꦶꦤꦥꦔꦿꦸꦮꦠ꧀ꦠꦶꦁꦢꦺꦴꦱꦤꦺꦲꦸꦩꦠ꧀꧈ꦭꦤ꧀ꦏꦸꦢꦸꦢꦶꦫꦶꦪꦪꦏ꧀ꦏꦏꦺꦔꦁꦒꦺꦴꦲꦸꦥꦕꦫꦠꦲꦸꦤ꧀ꦤꦤ꧀꧉ꦲꦶꦁꦢꦶꦤꦩꦲꦸꦏꦺꦴꦮꦺꦏꦧꦺꦃꦏꦸꦢꦸꦥꦝꦥꦱ꧈ꦭꦤ꧀ꦔ꧀ꦭꦸꦩ꧀ꦥꦸꦏ꧀ꦔꦶꦧꦢꦃ꧈ꦱꦂꦠꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦝꦲꦂꦫꦤ꧀ꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ꧉
- 23:27 (23:26)
- 23:28 ꦲꦶꦁꦢꦶꦤꦏꦸꦮꦶꦏꦺꦴꦮꦺꦲꦺꦴꦫꦏꦼꦤꦚꦩ꧀ꦧꦸꦠ꧀ꦒꦮꦺ꧈ꦩꦼꦂꦒꦲꦶꦁꦢꦶꦤꦩꦲꦸꦢꦶꦲꦤꦏ꧀ꦏꦏꦺꦲꦸꦥꦕꦫꦔꦿꦸꦮꦠ꧀ꦢꦺꦴꦱ꧉
- 23:29 ꦱꦥꦱꦶꦁꦩꦁꦔꦤ꧀ꦲꦶꦁꦢꦶꦤꦩꦲꦸꦏꦸꦢꦸꦢꦶꦱꦺꦧꦿꦠ꧀ꦠꦏꦺꦱꦏꦲꦸꦩꦠ꧀ꦠꦺꦄꦭ꧀ꦭꦃ꧉
- 23:30 ꦱꦥꦱꦶꦁꦚꦩ꧀ꦧꦸꦠ꧀ꦒꦮꦺꦲꦶꦁꦢꦶꦤꦏꦸꦮꦶꦧꦏꦭ꧀ꦢꦶꦲꦸꦏꦸꦩ꧀ꦥꦠꦶꦢꦺꦤꦶꦁꦄꦭ꧀ꦭꦃ꧉
- 23:31 ꦥꦽꦤꦠꦤ꧀ꦲꦶꦏꦶꦏꦸꦢꦸꦢꦶꦠꦼꦠꦼꦥ꧀ꦥꦶꦢꦺꦤꦶꦁꦲꦤꦏ꧀ꦠꦸꦫꦸꦤ꧀ꦩꦸꦏꦧꦺꦃ꧈ꦱꦼꦤꦗꦤ꧀ꦩꦁꦒꦺꦴꦤ꧀ꦲꦤꦲꦶꦁꦔꦼꦤ꧀ꦢꦶꦮꦲꦺ꧉
- 23:32 ꦮꦶꦮꦶꦠ꧀ꦠꦁꦒꦭ꧀ꦱꦔꦱꦺꦴꦫꦺꦲꦶꦁꦮꦼꦏ꧀ꦠꦸꦱꦽꦔꦺꦔꦺꦱꦸꦫꦸꦥ꧀ꦠꦼꦏꦤ꧀ꦱꦺꦴꦫꦺꦕꦤ꧀ꦝꦏ꧀ꦏꦺ꧈ꦏꦸꦢꦸꦏꦺꦴꦏ꧀ꦫꦶꦪꦪꦏ꧀ꦏꦏꦺꦏꦪꦢꦶꦤ꧊ꦱꦧ꧀ꦧꦠ꧀꧉ꦱꦼꦢꦶꦤꦱꦼꦮꦼꦔꦶꦩꦲꦸꦏꦺꦴꦮꦺꦏꦸꦢꦸꦥꦝꦥꦱ꧈ꦲꦺꦴꦫꦏꦼꦤꦩꦁꦔꦤ꧀ꦲꦥꦲꦥ꧉"
- 23:33 (23:33-34)"ꦫꦶꦪꦪꦠꦫꦸꦧ꧀ꦒꦺꦴꦝꦺꦴꦁꦏꦮꦶꦮꦶꦠ꧀ꦠꦤ꧀ꦠꦁꦒꦭ꧀ꦭꦶꦩꦭꦱ꧀꧈ꦱꦱꦶꦏꦥꦶꦠꦸꦭꦤ꧀ꦭꦮꦱ꧀ꦱꦺꦥꦶꦠꦸꦁꦢꦶꦤ꧉
- 23:34 (23:33)
- 23:35 (23:35-36)ꦱꦗꦿꦺꦴꦤꦺꦥꦶꦠꦸꦁꦢꦶꦤꦩꦲꦸꦏꦺꦴꦮꦺꦱꦧꦼꦤ꧀ꦢꦶꦤꦏꦸꦢꦸꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦝꦲꦂꦫꦤ꧀꧉ꦲꦶꦁꦢꦶꦤꦏꦥꦶꦱꦤ꧀ꦭꦤ꧀ꦏꦮꦺꦴꦭꦸꦏꦺꦴꦮꦺꦏꦸꦢꦸꦥꦝꦔ꧀ꦭꦸꦩ꧀ꦥꦸꦏ꧀ꦔꦶꦧꦢꦃꦭꦤ꧀ꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦝꦲꦂꦫꦤ꧀ꦱꦂꦠꦲꦺꦴꦫꦏꦼꦤꦚꦩ꧀ꦧꦸꦠ꧀ꦒꦮꦺ꧉
- 23:36 (23:35)
- 23:37 ꧌ꦏꦸꦮꦶꦩꦲꦸꦏꦧꦺꦃꦢꦶꦤꦢꦶꦤꦫꦶꦪꦪꦱꦶꦁꦏꦸꦢꦸꦥꦝꦏꦺꦴꦏ꧀ꦫꦶꦪꦪꦏ꧀ꦏꦏꦺ꧉ꦲꦶꦁꦢꦶꦤꦢꦶꦤꦫꦶꦪꦪꦩꦲꦸꦏꦺꦴꦮꦺꦏꦸꦢꦸꦥꦝꦔ꧀ꦭꦸꦲꦸꦂꦫꦏꦺꦄꦭ꧀ꦭꦃꦱꦿꦤꦔ꧀ꦭꦸꦩ꧀ꦥꦸꦏ꧀ꦔꦶꦧꦢꦃꦭꦤ꧀ꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦝꦲꦂꦫꦤ꧀꧈ꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧈ꦏꦸꦂꦧꦤ꧀ꦒꦤ꧀ꦢꦸꦩ꧀꧈ꦏꦸꦂꦧꦤ꧀ꦏꦺꦮꦤ꧀ꦭꦤ꧀ꦏꦸꦂꦧꦤ꧀ꦲꦁꦒꦸꦂ꧈ꦩꦤꦸꦠ꧀ꦏꦼꦥꦽꦭꦸꦮꦤ꧀ꦱꦼꦢꦶꦤꦢꦶꦤꦤꦺ꧉
- 23:38 ꦢꦶꦤꦢꦶꦤꦫꦶꦪꦪꦩꦲꦸꦢꦶꦤ꧊ꦱꦧ꧀ꦧꦠ꧀ꦩꦶꦫꦸꦁꦒꦤ꧀꧈ꦏꦼꦗꦧꦢꦶꦤ꧊ꦱꦧ꧀ꦧꦠ꧀ꦱꦶꦁꦭꦸꦩꦿꦃ꧈ꦠꦩ꧀ꦧꦃꦲꦺꦲꦼꦁꦒꦺꦴꦤ꧀ꦩꦸꦥꦝꦱꦲꦺꦴꦱ꧀ꦏꦸꦂꦧꦤ꧀ꦔ꧀ꦭꦸꦮꦂꦫꦶꦏꦲꦸꦭ꧀꧈ꦭꦤ꧀ꦠꦩ꧀ꦧꦃꦲꦺꦏꦸꦂꦧꦤ꧀ꦱꦸꦏꦸꦂꦫꦤ꧀ꦱꦶꦁꦏꦺꦴꦏ꧀ꦱꦲꦺꦴꦱ꧀ꦱꦏꦺꦩꦫꦁꦄꦭ꧀ꦭꦃ꧉꧍
- 23:39 ꦧꦸꦧꦂꦥꦤꦺꦤ꧀ꦏꦺꦴꦮꦺꦏꦸꦢꦸꦥꦝꦔꦤꦏ꧀ꦏꦏꦺꦏꦧꦸꦔꦃꦲꦤ꧀ꦭꦮꦱ꧀ꦱꦺꦥꦶꦠꦸꦁꦢꦶꦤ꧈ꦮꦶꦮꦶꦠ꧀ꦠꦁꦒꦭ꧀ꦭꦶꦩꦭꦱ꧀ꦱꦱꦶꦏꦥꦶꦠꦸ꧉ꦢꦶꦤꦱꦶꦁꦏꦮꦶꦠ꧀ꦠꦤ꧀ꦏꦸꦮꦶꦢꦶꦤ꧊ꦱꦧ꧀ꦧꦠ꧀ꦩꦶꦫꦸꦁꦒꦤ꧀꧉
- 23:40 ꦲꦶꦁꦢꦶꦤꦩꦲꦸꦏꦺꦴꦮꦺꦏꦸꦢꦸꦔꦸꦤ꧀ꦝꦸꦃꦮꦺꦴꦃꦮꦺꦴꦃꦲꦤ꧀ꦱꦶꦁꦲꦥꦶꦏ꧀ꦝꦺꦮꦺꦱꦏꦮꦶꦠ꧀ꦮꦶꦠ꧀ꦠꦤ꧀ꦩꦸ꧉ꦧꦚ꧀ꦗꦸꦂꦲꦶꦪꦚ꧀ꦗꦸꦥꦸꦏ꧀ꦏꦒꦺꦴꦝꦺꦴꦁꦥꦊꦩ꧀ꦭꦤ꧀ꦥꦁꦔꦺꦮꦶꦠ꧀ꦮꦶꦠ꧀ꦠꦤ꧀ꦱꦶꦁꦒꦺꦴꦝꦺꦴꦁꦔꦺꦔꦽꦩ꧀ꦧꦸꦪꦸꦁ꧈ꦧꦚ꧀ꦗꦸꦂꦥꦝꦧꦼꦧꦸꦔꦃꦲꦲꦶꦁꦢꦶꦤꦫꦶꦪꦪꦲꦒꦩꦏꦸꦮꦶꦏꦁꦒꦺꦴꦔ꧀ꦭꦸꦲꦸꦂꦫꦏꦺꦥꦔꦺꦫꦤ꧀꧈ꦲꦭ꧀ꦭꦃꦩꦸ꧉
- 23:41 ꦫꦶꦪꦪꦩꦲꦸꦭꦮꦱ꧀ꦱꦺꦥꦶꦠꦸꦁꦢꦶꦤ꧉ꦲꦤꦏ꧀ꦠꦸꦫꦸꦤ꧀ꦩꦸꦏꦸꦢꦸꦤꦼꦠꦼꦥ꧀ꦥꦶꦥꦽꦤꦠꦤ꧀ꦲꦶꦏꦶꦲꦶꦁꦱꦼꦭꦮꦱ꧀ꦭꦮꦱ꧀ꦱꦺ꧉
- 23:42 ꦱꦗꦿꦺꦴꦤꦺꦥꦶꦠꦸꦁꦢꦶꦤꦩꦲꦸꦲꦸꦩꦠ꧀꧊ꦆꦱꦿꦲꦺꦭ꧀ꦏꦧꦺꦃꦏꦸꦢꦸꦥꦝꦩꦁꦒꦺꦴꦤ꧀ꦲꦶꦁꦏꦺꦩꦃꦱꦶꦁꦢꦶꦒꦮꦺꦱꦏꦒꦼꦒꦺꦴꦝꦺꦴꦁꦔꦤ꧀꧈
- 23:43 ꦱꦸꦥꦪꦲꦤꦏ꧀ꦠꦸꦫꦸꦤ꧀ꦩꦸꦥꦝꦔꦼꦂꦠꦶꦪ꧈ꦪꦺꦤ꧀ꦄꦭ꧀ꦭꦃꦤ꧀ꦝꦮꦸꦃꦲꦏꦺꦩꦫꦁꦧꦁꦱ꧊ꦆꦱꦿꦲꦺꦭ꧀ꦩꦁꦒꦺꦴꦤ꧀ꦲꦶꦁꦏꦺꦩꦃꦱꦶꦁꦥꦽꦱꦗ꧈ꦤꦭꦶꦏꦔꦶꦫꦶꦢ꧀ꦧꦁꦱꦩꦲꦸꦩꦼꦠꦸꦱꦏꦲꦶꦁꦠꦤꦃ꧊ꦩꦺꦱꦶꦂ꧉ꦥꦚ꧀ꦗꦼꦤꦼꦁꦔꦤ꧀ꦤꦺꦏꦸꦮꦶꦥꦔꦺꦫꦤ꧀꧈ꦲꦭ꧀ꦭꦃꦩꦸ꧉"
- 23:44 ꧊ꦩꦸꦱꦔꦸꦩꦸꦩ꧀ꦩꦏꦺꦩꦫꦁꦧꦁꦱ꧊ꦆꦱꦿꦲꦺꦭ꧀ꦥꦽꦤꦠꦤ꧀ꦥꦽꦤꦠꦤ꧀ꦧꦧ꧀ꦥꦠꦿꦥ꧀ꦥꦺꦔꦿꦶꦪꦪꦏ꧀ꦏꦏꦺꦢꦶꦤꦢꦶꦤꦫꦶꦪꦪꦲꦒꦩꦩꦲꦸꦏꦁꦒꦺꦴꦔ꧀ꦭꦸꦲꦸꦂꦫꦏꦺꦄꦭ꧀ꦭꦃ꧉