Jv/Alkitab/Purwaning Dumadi/16

^16:1 ​꧊ꦱꦫꦲꦶ꧈​ꦧꦺꦴꦗꦺꦴꦤꦺ​꧊ꦄꦧꦿꦩ꧀ꦢꦸꦫꦸꦁꦢꦸꦮꦺꦲꦤꦏ꧀꧉​ꦤꦁꦔꦶꦁꦢꦸꦮꦺꦧꦠꦸꦂꦠꦸꦏꦺꦴꦤ꧀꧈​ꦮꦺꦴꦁ​꧊ꦩꦺꦱꦶꦂꦱꦶꦁꦲꦶꦱꦶꦃꦥꦿꦮꦤ꧀꧈​ꦗꦼꦤꦼꦁꦔꦺ​꧊ꦲꦒꦂ꧉​

^16:2 ​꧊ꦱꦫꦲꦶꦤꦸꦭꦶꦩꦠꦸꦂꦩꦫꦁ​꧊ꦄꦧꦿꦩ꧀꧈​"ꦒꦸꦱ꧀ꦠꦶꦄꦭ꧀ꦭꦃꦩ꧀ꦧꦺꦴꦠꦼꦤ꧀ꦩꦫꦶꦁꦔꦶꦲꦤꦏ꧀ꦝꦠꦼꦁꦏꦸꦭ꧉​ꦩꦶꦭꦥꦿꦪꦺꦴꦒꦶꦤꦶꦥꦸꦤ꧀ꦩꦼꦤꦮꦶꦥꦚ꧀ꦗꦼꦤꦼꦁꦔꦤ꧀ꦔꦼꦩ꧀ꦥꦭ꧀ꦭꦶꦫꦺꦚ꧀ꦕꦁꦠꦸꦩ꧀ꦧꦱꦤ꧀ꦏꦸꦭꦩꦼꦤꦶꦏ꧈​ꦱꦸꦥꦢꦺꦴꦱ꧀ꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦱꦒꦼꦢ꧀ꦒꦝꦃꦲꦤꦏ꧀ꦏꦁꦒꦺꦏꦸꦭ꧉"​​꧊ꦄꦧꦿꦩ꧀ꦱꦫꦸꦗꦸꦏ꧀ꦏꦫꦺꦴꦉꦩ꧀ꦧꦸꦒ​꧊ꦱꦫꦲꦶ꧉​

^16:3 ꦢꦢꦶꦤꦺ​꧊ꦱꦫꦲꦶ꧈​ꦧꦺꦴꦗꦺꦴꦤꦺ​꧊ꦄꦧꦿꦩ꧀꧈​ꦔꦠꦸꦂꦫꦏꦺ​꧊ꦲꦒꦂ꧈​ꦧꦠꦸꦂꦠꦸꦏꦺꦴꦤ꧀ꦤꦺ꧈​ꦲꦱꦭ꧀ꦱꦏ​꧊ꦩꦺꦱꦶꦂ꧈​ꦩꦫꦁ​꧊ꦄꦧꦿꦩ꧀ꦱꦸꦥꦪꦢꦶꦱꦼꦭꦶꦂ꧉​ꦤꦭꦶꦏꦱꦼꦩꦺꦴꦤꦺꦴ​꧊ꦄꦧꦿꦩ꧀ꦲꦼꦁꦒꦺꦴꦤꦺꦩꦁꦒꦺꦴꦤ꧀ꦲꦶꦁꦠꦤꦃ​꧊ꦏꦺꦤꦲꦤ꧀ꦮꦶꦱ꧀ꦲꦺꦴꦭꦺꦃꦱꦼꦥꦸꦭꦸꦃꦠꦲꦸꦤ꧀꧉​

^16:4 ​꧊ꦄꦧꦿꦩ꧀ꦤꦸꦭꦶꦔꦸꦩ꧀ꦥꦸꦭ꧀ꦭꦶ​꧊ꦲꦒꦂ꧈​ꦩꦸꦭ​꧊ꦲꦒꦂꦧꦚ꧀ꦗꦸꦂꦔꦤ꧀ꦝꦼꦒ꧀꧉​ꦧꦉꦁꦫꦸꦩꦁꦱꦪꦺꦤ꧀ꦮꦶꦱ꧀ꦔꦤ꧀ꦝꦼꦒ꧀꧈​​꧊ꦲꦒꦂꦢꦢꦶꦲꦁꦏꦸꦃꦭꦤ꧀ꦔꦿꦺꦩꦺꦃꦲꦏꦺ​꧊ꦱꦫꦲꦶ꧈​ꦧꦼꦤ꧀ꦢꦫꦤꦺ꧉​

^16:5 ​꧊ꦱꦫꦲꦶꦤꦸꦭꦶꦩꦠꦸꦂꦩꦫꦁ​꧊ꦄꦧꦿꦩ꧀꧈​"ꦏꦸꦭꦲꦶꦁꦏꦁꦔꦠꦸꦂꦫꦏꦼꦤ꧀​꧊ꦲꦒꦂꦝꦠꦼꦁꦥꦚ꧀ꦗꦼꦤꦼꦁꦔꦤ꧀꧈​ꦤꦁꦔꦶꦁꦱꦉꦁꦫꦸꦩꦲꦺꦴꦱ꧀ꦱꦩ꧀ꦥꦸꦤ꧀ꦔꦤ꧀ꦝꦼꦒ꧀꧈​ꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦔꦿꦺꦩꦺꦃꦲꦏꦼꦤ꧀ꦝꦠꦼꦁꦏꦸꦭ꧉​ꦩꦼꦤꦶꦏꦫꦏ꧀ꦊꦥꦠ꧀ꦥꦚ꧀ꦗꦼꦤꦼꦁꦔꦤ꧀꧉​ꦩꦸꦒꦶꦒꦸꦱ꧀ꦠꦶꦄꦭ꧀ꦭꦃꦠꦸꦩꦶꦤ꧀ꦢꦏ꧀ꦲꦢꦶꦭ꧀ꦝꦠꦼꦁꦏꦸꦭꦭꦤ꧀ꦥꦚ꧀ꦗꦼꦤꦼꦁꦔꦤ꧀꧉"​

^16:6 ꦮꦁꦱꦸꦭ꧀ꦭꦤ꧀ꦤꦺ​꧊ꦄꦧꦿꦩ꧀꧈​"ꦏꦺꦴꦮꦺꦏꦸꦮꦶꦫꦏ꧀ꦏ꧀ꦮꦱꦩꦽꦤꦠꦧꦠꦸꦂꦩꦸ꧉​ꦱꦏꦉꦥ꧀ꦩꦸꦠꦶꦤ꧀ꦢꦏ꧀ꦤ!"ꦮꦶꦮꦶꦠ꧀ꦱꦼꦩꦤ​꧊ꦲꦒꦂꦧꦚ꧀ꦗꦸꦂꦢꦶꦱꦶꦪꦱꦶꦪꦢꦺꦤꦶꦁ​꧊ꦱꦫꦲꦶ꧈​ꦩꦸꦭꦧꦚ꧀ꦗꦸꦂꦩꦶꦁꦒꦠ꧀꧉​

^16:7 ꦏꦼꦕꦿꦶꦠꦩꦭꦲꦺꦏꦠ꧀ꦠꦺꦥꦔꦺꦫꦤ꧀ꦤꦼꦩꦺꦴꦤ꧀ꦤꦶ​꧊ꦲꦒꦂꦲꦶꦁꦱꦕꦼꦝꦏ꧀ꦏꦺꦱꦸꦩꦸꦂ꧈​ꦲꦶꦁꦢꦭꦤ꧀ꦱꦶꦁꦲꦚ꧀ꦗꦺꦴꦒ꧀ꦲꦶꦁꦱꦼꦒꦫꦮꦼꦝꦶ​꧊ꦱꦸꦂ꧉​

^16:8 ꦥꦔꦤ꧀ꦢꦶꦏꦤꦺꦩꦭꦲꦺꦏꦠ꧀ꦩꦲꦸ꧈​"​꧊ꦲꦒꦂ꧈​ꦧꦠꦸꦂꦫꦺ​꧊ꦱꦫꦲꦶ꧈​ꦏꦺꦴꦮꦺꦱꦏꦔꦼꦤ꧀ꦢꦶꦭꦤ꧀ꦲꦉꦥ꧀ꦭꦸꦔꦩꦼꦚꦁꦔꦼꦤ꧀ꦢꦶ?"ꦮꦁꦱꦸꦭ꧀ꦭꦤ꧀ꦤꦺ​꧊ꦲꦒꦂ꧈​"ꦏꦸꦭꦩꦼꦤꦶꦏꦏꦺꦱꦃꦱꦏꦶꦁꦔꦂꦱꦤꦶꦥꦸꦤ꧀ꦧꦼꦤ꧀ꦢꦫꦏꦸꦭ​꧊ꦱꦫꦲꦶ꧉"​

^16:9 ꦩꦭꦲꦺꦏꦠ꧀ꦧꦚ꧀ꦗꦸꦂꦔꦤ꧀ꦢꦶꦏ꧈​"ꦏꦺꦴꦮꦺꦧꦭꦶꦪꦩꦼꦚꦁꦥꦁꦒꦺꦴꦤ꧀ꦤꦤ꧀ꦤꦺꦧꦼꦤ꧀ꦢꦫꦩꦸꦭꦤ꧀ꦩꦤꦸꦠꦲꦶꦁꦱꦝꦮꦸꦃꦲꦺ꧉"​

^16:10 ꦲꦤꦩꦼꦤꦺꦃꦥꦔꦤ꧀ꦢꦶꦏꦤꦺꦩꦭꦲꦺꦏꦠ꧀ꦩꦼꦁꦏꦺꦤꦺ꧈​"ꦠꦸꦫꦸꦤ꧀ꦩꦸꦧꦏꦭ꧀ꦢꦏ꧀ꦢꦢꦺꦏ꧀ꦏꦏꦺꦲꦏꦺꦃꦧꦔꦼꦠ꧀꧈​ꦔꦤ꧀ꦠꦶꦲꦺꦴꦫꦏꦼꦤꦢꦶꦲꦺꦠꦸꦁꦩꦼꦂꦒꦱꦏꦲꦏꦺꦃꦲꦺ꧉​

^16:11 ꦏꦺꦴꦮꦺꦧꦏꦭ꧀ꦢꦸꦮꦺꦲꦤꦏ꧀ꦭꦤꦁ꧈​ꦏꦸꦮꦶꦗꦼꦤꦼꦁꦤ​꧊ꦆꦱ꧀ꦩꦲꦺꦭ꧀꧈​ꦩꦼꦂꦒꦥꦔꦺꦫꦤ꧀ꦮꦶꦱ꧀ꦩꦶꦪꦂꦱꦏ꧀ꦏꦏꦺꦥꦼꦱꦩ꧀ꦧꦠ꧀ꦩꦸ꧉​

^16:12 ꦮꦠꦏ꧀ꦏꦺꦲꦤꦏ꧀ꦩꦸꦧꦏꦭ꧀ꦏꦪꦏꦸꦭ꧀ꦢꦶꦲꦭꦱ꧀꧈​ꦧꦏꦭ꧀ꦔ꧀ꦭꦮꦤ꧀ꦩꦫꦁꦱꦧꦼꦤ꧀ꦮꦺꦴꦁ꧈​ꦭꦤ꧀ꦱꦧꦼꦤ꧀ꦮꦺꦴꦁꦧꦏꦭ꧀ꦔ꧀ꦭꦮꦤ꧀ꦝꦺꦮꦺꦏ꧀ꦏꦺ꧉​ꦲꦸꦫꦶꦥ꧀ꦥꦺꦧꦏꦭ꧀ꦩꦼꦚ꧀ꦕꦶꦭ꧀꧈​ꦲꦢꦺꦴꦃꦱꦏꦱꦤꦏ꧀ꦱꦼꦢꦸꦭꦸꦂꦫꦺ꧉"​

^16:13 ​꧊ꦲꦒꦂꦩ꧀ꦧꦠꦶꦤ꧀꧈​"ꦲꦥꦒꦸꦱ꧀ꦠꦶꦄꦭ꧀ꦭꦃꦔ꧀ꦒꦠꦺꦏ꧀ꦏꦏꦺꦠꦼꦩꦼꦤ꧀ꦤꦤ꧀ꦏꦫꦺꦴꦲꦏꦸ?"ꦩꦸꦭꦤꦺ​꧊ꦲꦒꦂꦧꦚ꧀ꦗꦸꦂꦔ꧀ꦭꦸꦲꦸꦂꦫꦏꦺꦲꦱ꧀ꦩꦤꦺꦄꦭ꧀ꦭꦃꦱꦶꦁꦮꦶꦱ꧀ꦩꦼꦁꦒꦭꦶꦃꦩꦫꦁꦝꦺꦮꦺꦏ꧀ꦏꦺ꧈​ꦭꦤ꧀ꦢꦶꦱꦼꦧꦸꦠ꧀:"ꦥꦔꦺꦫꦤ꧀ꦲꦶꦏꦸꦄꦭ꧀ꦭꦃꦏꦁꦔ꧀ꦒꦠꦺꦏ꧀ꦏꦏꦺ꧉"​ꦥꦔꦸꦤꦤ꧀ꦢꦶꦏꦤꦺ꧈​"ꦲꦏꦸꦮꦶꦱ꧀ꦤ꧀ꦢꦼꦊꦁꦥꦚ꧀ꦗꦼꦤꦼꦁꦔꦤ꧀ꦤꦺꦏꦁꦔ꧀ꦒꦠꦺꦏ꧀ꦏꦏꦺꦲꦏꦸ꧉"​

^16:14 ꦩꦸꦭꦤꦺꦱꦸꦩꦸꦂꦩꦲꦸꦏꦫꦤ꧀​꧊ꦭꦏꦲꦶ​꧊ꦫꦺꦴꦲꦶ꧌ꦠꦼꦒꦼꦱ꧀ꦱꦺ:ꦲꦼꦠꦸꦏ꧀ꦏꦺꦄꦭ꧀ꦭꦃꦏꦁꦔ꧀ꦒꦠꦺꦏ꧀ꦏꦏꦺꦲꦏꦸ꧍꧉​ꦢꦸꦤꦸꦁꦔꦺꦱꦸꦩꦸꦂꦩꦲꦸꦲꦶꦁꦲꦤ꧀ꦠꦫꦤꦺꦏꦸꦛ​꧊ꦏꦢꦺꦱ꧀ꦭꦤ꧀ꦏꦸꦛ​꧊ꦧꦺꦫꦺꦢ꧀꧉​

^16:15 ꦧꦉꦁ​꧊ꦲꦒꦂꦔ꧀ꦭꦲꦶꦂꦫꦏꦺꦲꦤꦏ꧀ꦭꦤꦁ꧈​ꦢꦺꦤꦶꦁ​꧊ꦄꦧꦿꦩ꧀ꦧꦺꦴꦕꦃꦩꦲꦸꦢꦶꦗꦼꦤꦼꦁꦔꦏꦺ:​꧊ꦆꦱ꧀ꦩꦲꦺꦭ꧀꧉​

^16:16 ꦤꦭꦶꦏꦱꦼꦩꦺꦴꦤꦺꦴꦲꦸꦩꦸꦂꦫꦺ​꧊ꦄꦧꦿꦩ꧀86ꦠꦲꦸꦤ꧀꧉​