Jv/Alkitab/Purwaning Dumadi/25

^25:1 ​꧊ꦄꦧꦿꦲꦩ꧀ꦏꦮꦶꦤ꧀ꦩꦼꦤꦺꦃꦏꦫꦺꦴꦮꦺꦴꦁꦮꦢꦺꦴꦤ꧀ꦗꦼꦤꦼꦁꦔꦺ​꧊ꦏꦺꦠꦸꦫ꧉​

^25:2 ​꧊ꦏꦺꦠꦸꦫꦩꦲꦸꦲꦤꦏ꧀ꦲꦤꦏ꧀:​꧊ꦗ꦳ꦶꦩꦿꦤ꧀꧈​​꧊ꦪꦺꦴꦏ꧀ꦱꦤ꧀꧈​ꦩꦺꦢꦤ꧀꧈​​꧊ꦩꦶꦢꦶꦪꦤ꧀꧈​​꧊ꦆꦱ꧀ꦧꦏ꧀꧈​ꦭꦤ꧀​꧊ꦱꦸꦮꦃ꧉​

^25:3 ​꧊ꦪꦺꦴꦏ꧀ꦱꦤ꧀ꦢꦸꦮꦺꦲꦤꦏ꧀:​꧊ꦱꦾꦺꦧꦭꦤ꧀​꧊ꦢꦺꦢꦤ꧀꧉​ꦲꦤꦏ꧀ꦏꦺ​꧊ꦢꦺꦢꦤ꧀ꦏꦸꦮꦶꦮꦺꦴꦁ​꧊ꦄꦱꦾꦸꦂ꧈​ꦮꦺꦴꦁ​꧊ꦭꦺꦠꦸꦱ꧀ꦭꦤ꧀ꦮꦺꦴꦁ​꧊ꦭꦺꦪꦸꦩ꧀꧉​

^25:4 ​꧊ꦩꦶꦢꦶꦪꦤ꧀ꦢꦸꦮꦺꦲꦤꦏ꧀:ꦌꦥ꦳꧈​​꧊ꦌꦥ꦳ꦺꦂ꧈​​꧊ꦲꦺꦤꦺꦴꦏ꧀꧈​​꧊ꦄꦧꦶꦢ꧈​ꦭꦤ꧀​꧊ꦌꦭ꧀ꦢꦲ꧉​ꦲꦶꦏꦸꦏꦧꦺꦃꦲꦤꦏ꧀ꦠꦸꦫꦸꦤꦺ​꧊ꦏꦺꦠꦸꦫ꧉​

^25:5 ꦱꦼꦤꦗꦤ꧀​꧊ꦄꦧꦿꦲꦩ꧀ꦩꦫꦶꦱ꧀ꦱꦏꦺꦧꦤ꧀ꦝꦤꦺꦏꦧꦺꦃꦩꦫꦁ​꧊ꦆꦱ꧀ꦏꦏ꧀꧈​

^25:6 ꦲꦺꦮꦱꦼꦩꦺꦴꦤꦺꦴꦤꦭꦶꦏꦱꦸꦒꦼꦁꦔꦺꦲꦏꦺꦃꦥꦮꦺꦮꦺꦃꦲꦺꦩꦫꦁꦲꦤꦏ꧀ꦲꦤꦏ꧀ꦏꦺꦱꦶꦁꦥꦠꦸꦠ꧀ꦠꦤ꧀ꦱꦏꦧꦺꦴꦗꦺꦴꦭꦶꦪꦭꦶꦪꦤꦺ꧉​ꦤꦁꦔꦶꦁꦧꦚ꧀ꦗꦸꦂꦥꦝꦢꦶꦏꦺꦴꦤ꧀ꦥꦶꦤ꧀ꦝꦃꦩꦼꦚꦁꦠꦤꦃꦱꦮꦺꦠꦤ꧀ꦤꦺ​꧊ꦏꦺꦤꦲꦤ꧀꧈​ꦏꦥꦶꦱꦃꦏꦫꦺꦴ​꧊ꦆꦱ꧀ꦏꦏ꧀꧈​ꦲꦤꦏ꧀ꦏꦺ꧉​

^25:7 ꦧꦉꦁꦮꦶꦱ꧀ꦠꦸꦮꦧꦔꦼꦠ꧀ꦭꦤ꧀ꦲꦸꦩꦸꦂꦫꦺꦒꦼꦤꦼꦥ꧀ꦱꦠꦸꦱ꧀ꦥꦶꦠꦸꦁꦥꦸꦭꦸꦃꦭꦶꦩꦠꦲꦸꦤ꧀꧈​

^25:8 ​꧊ꦄꦧꦿꦲꦩ꧀ꦠꦶꦭꦂꦢꦺꦴꦚ꧈​

^25:9 ꦏꦏꦸꦧꦸꦂꦢꦺꦤꦶꦁ​꧊ꦆꦱ꧀ꦏꦏ꧀ꦭꦤ꧀​꧊ꦆꦱ꧀ꦩꦲꦺꦭ꧀꧈​ꦲꦤꦏ꧀ꦏꦺ꧈​ꦲꦤꦲꦶꦁꦒꦸꦮ​꧊ꦩꦃꦥꦺꦭ꧈​ꦲꦶꦁꦥꦊꦩꦃꦲꦤ꧀ꦠꦶꦭꦱ꧀ꦢꦸꦮꦺꦏ꧀ꦏꦺ​꧊ꦌꦥ꦳ꦿꦺꦴꦤ꧀꧈​ꦲꦤꦏ꧀ꦏꦺ​꧊ꦗ꦳ꦺꦴꦲꦂ꧈​ꦮꦺꦴꦁ​꧊ꦲꦺꦠ꧀꧈​ꦲꦶꦁꦱꦶꦱꦶꦃꦮꦺꦠꦤꦺ​꧊ꦩꦩꦿꦺ꧉​

^25:10 ꦥꦊꦩꦃꦲꦤ꧀ꦩꦲꦸꦮꦶꦱ꧀ꦢꦶꦠꦸꦏꦸ​꧊ꦄꦧꦿꦲꦩ꧀ꦱꦏꦲꦤꦏ꧀ꦠꦸꦫꦸꦤꦺ​꧊ꦲꦺꦠ꧀꧉​​꧊ꦱꦫꦃ꧈​ꦧꦺꦴꦗꦺꦴꦤꦺ​꧊ꦄꦧꦿꦲꦩ꧀꧈​ꦲꦶꦪꦏꦏꦸꦧꦸꦂꦲꦤꦲꦶꦁꦏꦺꦴꦤꦺꦴ꧉​

^25:11 ꦱꦠꦶꦭꦂꦫꦺ​꧊ꦄꦧꦿꦲꦩ꧀꧈​ꦒꦸꦱ꧀ꦠꦶꦄꦭ꧀ꦭꦃꦩ꧀ꦧꦼꦂꦏꦃꦲꦶ​꧊ꦆꦱ꧀ꦏꦏ꧀꧈​ꦏꦁꦩꦁꦒꦺꦴꦤ꧀ꦲꦶꦁꦱꦕꦼꦝꦏ꧀ꦏꦺꦱꦸꦩꦸꦂ​꧊ꦭꦏꦲꦶ​꧊ꦫꦺꦴꦲꦶ꧉​

^25:12 ​꧊ꦆꦱ꧀ꦩꦲꦺꦭ꧀ꦏꦸꦮꦶꦲꦤꦏ꧀ꦏꦺ​꧊ꦄꦧꦿꦲꦩ꧀꧈​ꦥꦠꦸꦠ꧀ꦠꦤ꧀ꦱꦏ​꧊ꦲꦒꦂ꧈​ꦮꦺꦴꦁ​꧊ꦩꦺꦱꦶꦂ꧈​ꦧꦠꦸꦂꦠꦸꦏꦺꦴꦤ꧀ꦤꦺ​꧊ꦱꦫꦃ꧉​

^25:13 (25:13-16)​꧊ꦆꦱ꧀ꦩꦲꦺꦭ꧀ꦢꦸꦮꦺꦲꦤꦏ꧀ꦫꦺꦴꦭꦱ꧀꧈​ꦏꦪꦏꦁꦏꦱꦼꦧꦸꦠ꧀ꦲꦶꦁꦔꦶꦱꦺꦴꦂꦲꦶꦏꦶ꧈​ꦮꦶꦮꦶꦠ꧀ꦱꦶꦁꦠꦸꦮꦝꦺꦮꦺ:​꧊ꦤꦺꦧꦪꦺꦴꦠ꧀꧈​​꧊ꦏꦺꦢꦂ꧈​​꧊ꦄꦧ꧀ꦢꦶꦪꦺꦭ꧀꧈​​꧊ꦩꦶꦧ꧀ꦱꦩ꧀꧈​​꧊ꦩꦶꦱ꧀ꦩ꧈​​꧊ꦢꦸꦩꦃ꧈​ꦩꦱ꧈​​꧊ꦲꦢꦢ꧀꧈​​꧊ꦠꦺꦩ꧈​​꧊ꦪꦺꦠꦸꦂ꧈​​꧊ꦤꦥ꦳ꦶꦱꦾꦭꦤ꧀​꧊ꦏꦺꦢ꧀ꦩ;ꦥꦝꦢꦢꦶꦊꦭꦸꦲꦸꦂꦫꦺꦧꦁꦱꦫꦺꦴꦭꦱ꧀꧉​ꦢꦺꦱꦱꦶꦁꦢꦶꦲꦼꦁꦒꦺꦴꦤ꧀ꦤꦶꦲꦸꦒꦢꦶꦱꦼꦧꦸꦠ꧀ꦩꦤꦸꦠ꧀ꦗꦼꦤꦼꦁꦗꦼꦤꦼꦁꦔꦺꦮꦺꦴꦁꦮꦺꦴꦁꦩꦲꦸ꧉​

^25:14 (25:13)

^25:15 (25:13)

^25:16 (25:13)

^25:17 ꦤꦭꦶꦏꦠꦶꦁꦒꦭ꧀ꦢꦺꦴꦚ​꧊ꦆꦱ꧀ꦩꦲꦺꦭ꧀ꦲꦸꦩꦸꦂꦫꦺꦱꦠꦸꦱ꧀ꦠꦼꦭꦸꦁꦥꦸꦭꦸꦃꦥꦶꦠꦸꦠꦲꦸꦤ꧀꧉​

^25:18 ꦲꦤꦏ꧀ꦠꦸꦫꦸꦤꦺ​꧊ꦆꦱ꧀ꦩꦲꦺꦭ꧀ꦩꦁꦒꦺꦴꦤ꧀ꦲꦶꦁꦠꦤꦃꦱꦶꦁꦢꦸꦤꦸꦁꦔꦺꦲꦶꦁꦲꦤ꧀ꦠꦫꦤꦺ​꧊ꦲꦮꦶꦭꦭꦤ꧀​꧊ꦱꦸꦂ꧈​ꦱꦮꦺꦠꦤ꧀ꦤꦺꦠꦤꦃ​꧊ꦩꦺꦱꦶꦂ꧈​ꦔꦤ꧀ꦠꦶꦠꦼꦏꦤ꧀​꧊ꦄꦱꦾꦸꦂ꧈​ꦢꦢꦶꦲꦢꦺꦴꦃꦱꦏꦥꦁꦒꦺꦴꦤ꧀ꦤꦤ꧀ꦤꦺꦲꦤꦏ꧀ꦠꦸꦫꦸꦤꦺ​꧊ꦄꦧꦿꦲꦩ꧀ꦭꦶꦪꦭꦶꦪꦤꦺ꧉​

^25:19 ꦲꦶꦏꦶꦠꦼꦝꦏ꧀ꦠꦸꦫꦸꦤꦺ​꧊ꦆꦱ꧀ꦏꦏ꧀꧈​ꦲꦤꦏ꧀ꦏꦺ​꧊ꦄꦧꦿꦲꦩ꧀꧉​

^25:20 ꦤꦭꦶꦏ​꧊ꦆꦱ꧀ꦏꦏ꧀ꦲꦸꦩꦸꦂꦥꦠꦁꦥꦸꦭꦸꦃꦠꦲꦸꦤ꧀ꦏꦮꦶꦤ꧀ꦏꦫꦺꦴ​꧊ꦫꦶꦧ꧀ꦏꦃ꧈​ꦲꦝꦶꦤꦺ​꧊ꦭꦧꦤ꧀꧈​ꦲꦤꦏ꧀ꦏꦺ​꧊ꦧꦺꦠꦸꦮꦺꦭ꧀꧈​ꦮꦺꦴꦁ​꧊ꦄꦫꦩ꧀ꦱꦏ​꧊ꦩꦺꦱꦺꦴꦥꦺꦴꦠꦩꦶꦪ꧉​

^25:21 ꦱꦫꦺꦃꦤꦺ​꧊ꦫꦶꦧ꧀ꦏꦃꦲꦺꦴꦫꦢꦸꦮꦺꦲꦤꦏ꧀꧈​​꧊ꦆꦱ꧀ꦏꦏ꧀ꦧꦚ꧀ꦗꦸꦂꦚꦼꦚꦸꦮꦸꦤ꧀ꦩꦫꦁꦄꦭ꧀ꦭꦃ꧉​ꦒꦸꦱ꧀ꦠꦶꦄꦭ꧀ꦭꦃꦚꦼꦩ꧀ꦧꦢꦤꦶꦥꦚꦸꦮꦸꦤ꧀ꦤꦺ꧈​ꦠꦼꦩꦃꦲꦤ꧀​꧊ꦫꦶꦧ꧀ꦏꦃꦧꦚ꧀ꦗꦸꦂꦔꦤ꧀ꦝꦼꦒ꧀꧉​

^25:22 ꦧꦪꦶꦤꦺꦏꦼꦩ꧀ꦧꦂ꧈​ꦭꦤ꧀ꦤꦭꦶꦏꦲꦶꦱꦶꦃꦲꦤꦲꦶꦁꦮꦼꦠꦼꦁꦔꦤ꧀ꦧꦪꦶꦧꦪꦶꦩꦲꦸꦥꦝꦒꦼꦭꦸꦠ꧀ꦠꦤ꧀꧉​ꦥꦔꦸꦤꦤ꧀ꦢꦶꦏꦤꦺ​꧊ꦫꦶꦧ꧀ꦏꦃ꧈​"ꦪꦒꦺꦤꦺꦲꦏꦸꦏꦺꦴꦏ꧀ꦏꦸꦢꦸꦔꦭꦩ꧀ꦩꦶꦩꦼꦁꦏꦺꦤꦺ?"ꦩꦸꦭꦤꦺꦧꦚ꧀ꦗꦸꦂꦚꦸꦮꦸꦤ꧀ꦥꦶꦂꦱꦩꦫꦁꦄꦭ꧀ꦭꦃ꧉​

^25:23 ꦥꦔꦤ꧀ꦢꦶꦏꦤꦺꦒꦸꦱ꧀ꦠꦶꦄꦭ꧀ꦭꦃ꧈​"ꦲꦶꦁꦮꦼꦠꦼꦁꦩꦸꦲꦤꦧꦁꦱꦭꦺꦴꦫꦺꦴ꧈​ꦱꦶꦁꦥꦝꦱꦼꦱꦠꦿꦺꦴꦤ꧀꧈​ꦱꦶꦁꦲꦼꦤꦺꦴꦩ꧀ꦭꦸꦮꦶꦃꦫꦺꦴꦱꦏꦼꦠꦶꦩ꧀ꦧꦁꦏꦫꦺꦴꦱꦶꦁꦠꦸꦮ꧈​ꦱꦶꦁꦩ꧀ꦧꦉꦥ꧀ꦧꦏꦭ꧀ꦔꦮꦸꦭꦩꦫꦁꦱꦶꦁꦫꦒꦶꦭ꧀꧉"​

^25:24 ꦧꦉꦁꦮꦶꦱ꧀ꦠꦼꦏꦤ꧀ꦮꦼꦏ꧀ꦠꦸꦤꦺ꧈​​꧊ꦫꦶꦧ꧀ꦏꦃꦤꦸꦭꦶꦩ꧀ꦧꦧꦂ;ꦧꦪꦶꦤꦺꦏꦼꦩ꧀ꦧꦂꦭꦺꦴꦫꦺꦴꦭꦤꦁꦏꦧꦺꦃ꧉​

^25:25 ꦱꦶꦁꦩ꧀ꦧꦉꦥ꧀ꦏꦸꦭꦶꦠ꧀ꦠꦺꦱꦼꦩꦸꦲꦧꦁꦏꦼꦧꦏ꧀ꦮꦸꦭꦸ꧉​ꦩꦸꦭꦤꦺꦧꦚ꧀ꦗꦸꦂꦢꦶꦗꦼꦤꦼꦁꦔꦏꦺ​꧊ꦌꦱꦲꦸ꧉​

^25:26 ꦧꦉꦁꦧꦪꦶꦱꦶꦁꦏꦥꦶꦤ꧀ꦝꦺꦴꦭꦲꦶꦂ꧈​ꦠꦔꦤ꧀ꦤꦺꦚꦼꦏꦼꦭ꧀ꦭꦶꦠꦸꦁꦏꦏ꧀ꦏꦺ​꧊ꦌꦱꦲꦸ꧉​ꦩꦸꦭꦤꦺꦢꦶꦗꦼꦤꦼꦁꦔꦏꦺ​꧊ꦪꦏꦸꦧ꧀꧉​ꦤꦭꦶꦏꦧꦺꦴꦕꦃꦭꦺꦴꦫꦺꦴꦩꦲꦸꦥꦝꦭꦲꦶꦂ꧈​​꧊ꦆꦱ꧀ꦏꦏ꧀ꦲꦸꦩꦸꦂꦫꦺꦱꦼꦮꦶꦢꦏ꧀ꦠꦲꦸꦤ꧀꧉​

^25:27 ꦧꦺꦴꦕꦃꦭꦺꦴꦫꦺꦴꦩꦲꦸꦥꦝꦩꦸꦤ꧀ꦝꦏ꧀ꦒꦼꦝꦺ꧉​​꧊ꦌꦱꦲꦸꦢꦢꦶꦠꦸꦏꦁꦩ꧀ꦧꦼꦧꦼꦝꦒ꧀ꦱꦶꦁꦥꦶꦤ꧀ꦠꦼꦂꦧꦔꦼꦠ꧀꧉​ꦱꦼꦤꦼꦁꦔꦤ꧀ꦤꦺꦠ꧀ꦭꦸꦱꦸꦥ꧀ꦥꦤ꧀ꦲꦤꦲꦶꦁꦲꦭꦱ꧀;ꦤꦁꦔꦶꦁ​꧊ꦪꦏꦸꦧ꧀ꦮꦠꦏ꧀ꦏꦺꦲꦤ꧀ꦠꦼꦁ꧈​ꦱꦼꦤꦼꦁꦔꦤ꧀ꦤꦺꦲꦤꦲꦶꦁꦲꦺꦴꦩꦃꦮꦲꦺ꧉​

^25:28 ​꧊ꦆꦱ꧀ꦏꦏ꧀ꦠꦽꦱ꧀ꦤꦏꦫꦺꦴ​꧊ꦌꦱꦲꦸ꧈​ꦩꦼꦂꦒꦥꦼꦏꦉꦩ꧀ꦩꦤ꧀ꦤꦺꦩꦁꦔꦤ꧀ꦢꦒꦶꦁꦲꦺꦴꦭꦺꦃꦲꦺꦴꦭꦺꦃꦲꦤ꧀ꦤꦺ​꧊ꦌꦱꦲꦸꦲꦼꦁꦒꦺꦴꦤꦺꦩ꧀ꦧꦼꦧꦼꦝꦒ꧀꧉​ꦤꦁꦔꦶꦁ​꧊ꦫꦶꦧ꧀ꦏꦃꦭꦸꦮꦶꦃꦠꦽꦱ꧀ꦤꦩꦫꦁ​꧊ꦪꦏꦸꦧ꧀꧉​

^25:29 ꦲꦶꦁꦱꦮꦶꦗꦶꦤꦶꦁꦢꦶꦤꦤꦭꦶꦏ​꧊ꦪꦏꦸꦧ꧀ꦭꦒꦶꦔ꧀ꦒꦺꦴꦝꦺꦴꦒ꧀ꦏꦕꦁꦲꦧꦁ꧈​​꧊ꦌꦱꦲꦸꦠꦼꦏ꧈​ꦧꦭꦶꦱꦏꦲꦼꦁꦒꦺꦴꦤꦺꦩ꧀ꦧꦼꦧꦼꦝꦒ꧀꧉​​꧊ꦌꦱꦲꦸꦔꦼꦭꦶꦃꦧꦔꦼꦠ꧀꧉​

^25:30 ꦧꦚ꧀ꦗꦸꦂꦏꦤ꧀ꦝꦏꦫꦺꦴ​꧊ꦪꦏꦸꦧ꧀꧈​"ꦲꦏꦸꦔꦼꦭꦶꦃꦧꦔꦼꦠ꧀꧉​ꦲꦏꦸꦮꦺꦤꦺꦃꦲꦤꦱꦶꦁꦲꦧꦁꦲꦧꦁꦏꦸꦮꦶ꧈​ꦱꦼꦛꦶꦛꦶꦏ꧀ꦮꦲꦺ꧉"​ꦩꦸꦭꦤꦺ​꧊ꦌꦱꦲꦸꦢꦶꦥꦫꦧ꧀ꦧꦶ:​꧊ꦌꦢꦺꦴꦩ꧀꧉​

^25:31 ​꧊ꦪꦏꦸꦧ꧀ꦩꦁꦱꦸꦭ꧀ꦭꦶ꧈​"ꦢꦏ꧀ꦮꦺꦤꦺꦃꦲꦶ꧈​ꦲꦁꦒꦼꦂꦮꦼꦮꦼꦤꦁꦩꦸꦥꦼꦩ꧀ꦧꦉꦥ꧀ꦒꦼꦤ꧀ꦠꦶꦏꦺꦴꦏ꧀ꦮꦺꦤꦺꦃꦲꦏꦺꦲꦏꦸ꧉"​

^25:32 ​꧊ꦌꦱꦲꦸꦧꦚ꧀ꦗꦸꦂꦩꦸꦤꦶ꧈​"ꦲꦏꦸꦲꦺꦴꦫꦥꦽꦢꦸꦭꦶꦏꦫꦺꦴꦮꦼꦮꦼꦤꦁꦏꦸꦢꦢꦶꦥꦼꦩ꧀ꦧꦉꦥ꧀꧉​ꦲꦏꦸꦱꦺꦭꦏ꧀ꦩꦠꦶꦏꦭꦶꦂꦫꦼꦤ꧀꧉"​

^25:33 ꦮꦁꦱꦸꦭ꧀ꦭꦤ꧀ꦤꦺ​꧊ꦪꦏꦸꦧ꧀꧈​"ꦱꦸꦩ꧀ꦥꦃꦲꦝꦶꦱꦶꦏ꧀ꦪꦺꦤ꧀ꦮꦼꦮꦼꦤꦁꦩꦸꦢꦢꦶꦥꦼꦩ꧀ꦧꦉꦥ꧀ꦏꦺꦴꦏ꧀ꦮꦺꦤꦺꦃꦲꦏꦺꦲꦏꦸ꧉"​​꧊ꦌꦱꦲꦸꦧꦚ꧀ꦗꦸꦂꦱꦸꦩ꧀ꦥꦃꦔꦼꦕꦸꦭ꧀ꦭꦏꦺꦮꦼꦮꦼꦤꦁꦔꦺꦢꦢꦶꦥꦼꦩ꧀ꦧꦉꦥ꧀ꦩꦫꦁ​꧊ꦪꦏꦸꦧ꧀꧉​

^25:34 ​꧊ꦪꦏꦸꦧ꧀ꦧꦚ꧀ꦗꦸꦂꦲꦮꦺꦃꦫꦺꦴꦠꦶꦭꦤ꧀ꦏꦕꦁꦲꦧꦁꦒꦺꦴꦝꦺꦴꦒꦤ꧀ꦩꦫꦁ​꧊ꦌꦱꦲꦸ꧉​ꦱꦮꦶꦱ꧀ꦱꦺꦩꦁꦔꦤ꧀ꦭꦤ꧀ꦔꦺꦴꦩ꧀ꦧꦺ​꧊ꦌꦱꦲꦸꦧꦚ꧀ꦗꦸꦂꦭꦸꦔ꧉​ꦏꦪꦩꦼꦁꦏꦺꦴꦤꦺꦴ​꧊ꦌꦱꦲꦸꦲꦼꦁꦒꦺꦴꦤꦺꦔꦿꦺꦩꦺꦃꦲꦏꦺꦮꦼꦮꦼꦤꦁꦔꦺꦢꦢꦶꦥꦼꦩ꧀ꦧꦉꦥ꧀꧉​