Jv/Alkitab/Purwaning Dumadi/38

Halaman niki nganggo aksara Jawa. Yen browser sampéyan ora ndukung, sampéyan ora bakal isa ndeleng sauntara tulisan nganggo aksara Jawa. ing halaman puniki.
Kangge mbeneraké, mawi maos Pitulung:Aksara Jawa.

English ° Indonesia

^38:1 ꦏꦼꦕꦿꦶꦠ꧊ꦪꦺꦲꦸꦢꦩꦶꦱꦃꦱꦏꦱꦼꦢꦸꦭꦸꦂꦱꦼꦢꦸꦭꦸꦂꦫꦺꦭꦤ꧀ꦩꦁꦒꦺꦴꦤ꧀ꦧꦼꦧꦉꦁꦔꦤ꧀ꦏꦫꦺꦴꦮꦺꦴꦁꦗꦼꦤꦼꦁꦔꦺ꧊ꦲꦶꦫ꧈ꦮꦺꦴꦁꦱꦏ꧊ꦄꦢꦸꦭꦩ꧀꧉

^38:2 ꦲꦤꦲꦶꦁꦏꦺꦴꦤꦺꦴꦠꦼꦥꦸꦁꦔꦤ꧀ꦏꦫꦺꦴꦧꦺꦴꦕꦃꦮꦢꦺꦴꦤ꧀꧊ꦏꦺꦤꦲꦤ꧀꧈ꦲꦤꦏ꧀ꦏꦺ꧊ꦱꦸꦮ꧉

^38:3 ꦧꦺꦴꦕꦃꦮꦢꦺꦴꦤ꧀ꦩꦲꦸꦢꦶꦥꦺꦏ꧀ꦧꦺꦴꦗꦺꦴ꧈

^38:4 ꦧꦚ꧀ꦗꦸꦂꦢꦸꦮꦺꦲꦤꦏ꧀ꦭꦤꦁꦢꦶꦗꦼꦤꦼꦁꦔꦏꦺ꧊ꦌꦂ꧉ꦢꦸꦮꦺꦲꦤꦏ꧀ꦩꦼꦤꦺꦃ꧈ꦭꦤꦁ꧈ꦢꦶꦗꦼꦤꦼꦁꦔꦏꦺ꧊ꦎꦤꦤ꧀꧉

^38:5 ꦱꦮꦶꦱ꧀ꦱꦺꦏꦸꦮꦶꦢꦸꦮꦺꦲꦤꦏ꧀ꦭꦤꦁꦩꦼꦤꦺꦃ꧈ꦢꦶꦗꦼꦤꦼꦁꦔꦏꦺꦱꦺꦭ꧉ꦤꦭꦶꦏꦧꦺꦴꦕꦃꦩꦲꦸꦭꦲꦶꦂ꧈꧊ꦪꦺꦲꦸꦢꦭꦒꦶꦭꦸꦔꦩꦼꦚꦁ꧊ꦏꦺꦗ꦳ꦶꦧ꧀꧉

^38:6 ꧊ꦪꦺꦲꦸꦢꦔꦺꦴꦭꦺꦃꦲꦏꦺꦗꦺꦴꦝꦺꦴ꧊ꦌꦂ꧈ꦲꦤꦏ꧀ꦏꦺꦩ꧀ꦧꦉꦥ꧀꧈ꦧꦺꦴꦕꦃꦮꦢꦺꦴꦤ꧀ꦗꦼꦤꦼꦁꦔꦺ꧊ꦠꦩꦂ꧉

^38:7 ꧊ꦌꦂꦏꦸꦮꦶꦏ꧀ꦭꦏꦸꦮꦤ꧀ꦤꦺꦲꦭ꧈ꦩꦸꦭꦤꦺꦧꦚ꧀ꦗꦸꦂꦏꦥꦸꦤ꧀ꦝꦸꦠ꧀ꦢꦺꦤꦶꦁꦒꦸꦱ꧀ꦠꦶꦄꦭ꧀ꦭꦃ꧉

^38:8 ꧊ꦪꦺꦲꦸꦢꦧꦚ꧀ꦗꦸꦂꦏꦤ꧀ꦝꦏꦫꦺꦴ꧊ꦎꦤꦤ꧀꧈ꦲꦝꦶꦤꦺ꧊ꦌꦂ꧈"ꦏꦺꦴꦮꦺꦔꦸꦩ꧀ꦥꦸꦭ꧀ꦭꦤꦧꦺꦴꦗꦺꦴꦤꦺꦏꦏꦁꦩꦸ꧈ꦱꦸꦥꦪꦢꦸꦮꦺꦲꦤꦏ꧀꧉ꦏꦸꦮꦶꦮꦶꦱ꧀ꦢꦢꦶꦏꦸꦮꦗꦶꦧ꧀ꦧꦤ꧀ꦩꦸ꧈ꦱꦸꦥꦪꦏꦏꦁꦩꦸꦢꦸꦮꦺꦠꦸꦫꦸꦤ꧀꧉"

^38:9 ꦤꦁꦔꦶꦁ꧊ꦎꦤꦤ꧀ꦔꦼꦂꦠꦶ꧈ꦪꦺꦤ꧀ꦲꦤꦏ꧀ꦩꦲꦸꦩꦼꦁꦏꦺꦴꦧꦏꦭ꧀ꦲꦺꦴꦫꦢꦢꦶꦢꦸꦮꦺꦏ꧀ꦏꦺ꧉ꦩꦸꦭꦤꦺꦱꦧꦼꦤ꧀ꦏꦸꦩ꧀ꦥꦸꦭ꧀ꦏꦫꦺꦴꦫꦤ꧀ꦝꦤꦺꦏꦏꦁꦤꦺ꧈ꦮꦶꦗꦶꦤꦺꦢꦶꦮꦼꦠꦺꦴꦏ꧀ꦏꦏꦺꦲꦶꦁꦊꦩꦃ꧈ꦱꦸꦥꦪꦏꦏꦁꦤꦺꦲꦺꦴꦫꦢꦸꦮꦺꦠꦸꦫꦸꦤ꧀꧉

^38:10 ꦥꦼꦁꦒꦮꦺꦤꦺꦱꦶꦁꦩꦼꦁꦏꦺꦴꦤꦺꦴꦩꦲꦸꦲꦺꦴꦫꦤ꧀ꦢꦢꦺꦏ꧀ꦏꦏꦺꦏꦼꦥꦉꦁꦔꦺꦒꦸꦱ꧀ꦠꦶꦄꦭ꧀ꦭꦃ꧈ꦩꦸꦭꦤꦺ꧊ꦎꦤꦤ꧀ꦧꦚ꧀ꦗꦸꦂꦏꦥꦸꦤ꧀ꦝꦸꦠ꧀꧉

^38:11 ꧊ꦪꦺꦲꦸꦢꦧꦚ꧀ꦗꦸꦂꦏꦤ꧀ꦝꦏꦫꦺꦴ꧊ꦠꦩꦂ꧈"ꦏꦺꦴꦮꦺꦩꦸꦭꦶꦃꦲꦮꦲꦺꦩꦼꦚꦁꦲꦶꦁꦲꦺꦴꦩꦃꦲꦺꦮꦺꦴꦁꦠꦸꦮꦩꦸꦭꦤ꧀ꦔꦼꦤ꧀ꦠꦺꦤ꧀ꦤꦤꦔꦤ꧀ꦠꦶꦲꦤꦏ꧀ꦏꦸꦱꦺꦭꦮꦶꦱ꧀ꦒꦼꦝꦺ꧉"ꦲꦮꦶꦠ꧀꧊ꦪꦺꦲꦸꦢꦏꦸꦮꦠꦶꦂꦩ꧀ꦧꦺꦴꦏ꧀ꦩꦼꦤꦮꦱꦺꦭꦲꦸꦒꦧꦚ꧀ꦗꦸꦂꦩꦠꦶ꧈ꦏꦪꦏꦏꦁꦏꦏꦁꦤꦺ꧉꧊ꦠꦩꦂꦧꦚ꧀ꦗꦸꦂꦩꦸꦭꦶꦃꦩꦼꦚꦁꦲꦺꦴꦩꦃꦲꦺꦮꦺꦴꦁꦠꦸꦮꦤꦺ꧉

^38:12 ꦲꦺꦴꦫꦮꦼꦠꦫꦱꦸꦮꦺꦧꦺꦴꦗꦺꦴꦤꦺ꧊ꦪꦺꦲꦸꦢꦩꦠꦶ꧉ꦧꦉꦁꦮꦼꦏ꧀ꦠꦸꦤꦺꦥꦼꦠꦔꦶꦱ꧀ꦱꦤ꧀ꦮꦶꦱ꧀ꦲꦼꦤ꧀ꦠꦺꦏ꧀꧈꧊ꦪꦺꦲꦸꦢꦔꦗꦏ꧀꧊ꦲꦶꦫ꧈ꦏꦚ꧀ꦕꦤꦺꦱꦶꦁꦱꦏ꧊ꦄꦢꦸꦭꦩ꧀꧈ꦭꦸꦔꦩꦼꦚꦁ꧊ꦠꦶꦩ꧀ꦤ꧈ꦚꦸꦏꦸꦂꦮꦼꦝꦸꦱ꧀ꦮꦼꦝꦸꦱ꧀ꦱꦺ꧉

^38:13 ꦲꦤꦱꦶꦁꦲꦮꦺꦃꦮꦼꦫꦸꦃꦩꦫꦁ꧊ꦠꦩꦂ꧈ꦪꦺꦤ꧀꧊ꦪꦺꦲꦸꦢ꧈ꦩꦫꦠꦸꦮꦤꦺ꧈ꦲꦉꦥ꧀ꦚꦸꦏꦸꦂꦮꦼꦝꦸꦱ꧀ꦮꦼꦝꦸꦱ꧀ꦱꦺꦲꦶꦁ꧊ꦠꦶꦩ꧀ꦤ꧉

^38:14 ꧊ꦠꦩꦂꦤꦸꦭꦶꦱꦭꦶꦤ꧀ꦱꦤ꧀ꦝꦁꦔꦤ꧀꧈ꦔꦁꦒꦺꦴꦏꦿꦸꦝꦸꦁꦭꦤ꧀ꦭꦸꦁꦒꦸꦃꦲꦶꦁꦒꦥꦸꦫꦤꦶꦁꦏꦸꦛ꧊ꦌꦤꦲꦶꦩ꧀꧈ꦲꦶꦁꦥꦶꦁꦒꦶꦂꦢꦭꦤ꧀ꦱꦶꦁꦔꦼꦤꦼꦂꦲꦶꦁ꧊ꦠꦶꦩ꧀ꦤ꧉ꦲꦮꦶꦠ꧀꧊ꦠꦩꦂꦔꦼꦂꦠꦶꦪꦺꦤ꧀ꦱꦺꦭ꧈ꦲꦤꦏ꧀ꦏꦺꦫꦒꦶꦭ꧀꧊ꦪꦺꦲꦸꦢ꧈ꦮꦶꦱ꧀ꦒꦼꦝꦺ꧈ꦲꦺꦮꦱꦼꦩꦺꦴꦤꦺꦴꦢꦸꦫꦸꦁꦢꦶꦏꦮꦶꦤ꧀ꦤꦏꦺꦏꦫꦺꦴꦝꦺꦮꦺꦏ꧀ꦏꦺ꧉

^38:15 ꦧꦉꦁ꧊ꦪꦺꦲꦸꦢꦮꦼꦫꦸꦃ꧊ꦠꦩꦂ꧈ꦥꦼꦔꦶꦫꦤꦺꦮꦺꦴꦁꦮꦢꦺꦴꦤ꧀ꦏꦸꦮꦶꦮꦤꦶꦠꦠꦸꦤꦱꦸꦱꦶꦭ꧈ꦩꦼꦂꦒꦫꦲꦶꦤꦺꦢꦶꦏꦿꦸꦝꦸꦁꦔꦶ꧉

^38:16 ꧊ꦪꦺꦲꦸꦢꦧꦚ꧀ꦗꦸꦂꦩꦫꦤꦶ꧈ꦲꦺꦴꦫꦔꦼꦂꦠꦶꦪꦺꦤ꧀ꦮꦺꦴꦁꦮꦢꦺꦴꦤ꧀ꦩꦲꦸꦩꦤ꧀ꦠꦸꦤꦺꦝꦺꦮꦺ꧈ꦠꦼꦩ꧀ꦧꦸꦁꦔꦺ꧈"ꦏꦺꦴꦮꦺꦚ꧀ꦗꦭꦸꦏ꧀ꦲꦺꦴꦥꦃꦥꦶꦫ?"꧊ꦠꦩꦂꦒꦼꦤ꧀ꦠꦺꦤ꧀ꦠꦏꦺꦴꦤ꧀꧈"ꦱꦩ꧀ꦥꦺꦪꦤ꧀ꦧꦝꦺꦚꦸꦏꦤꦶꦩꦼꦤꦥ?"

^38:17 ꦮꦁꦱꦸꦭ꧀ꦭꦤ꧀ꦤꦺ꧊ꦪꦺꦲꦸꦢ꧈"ꦏꦺꦴꦮꦺꦩꦼꦁꦏꦺꦴꦢꦏ꧀ꦠꦼꦫꦶꦕꦼꦩ꧀ꦥꦺꦤꦺꦮꦼꦝꦸꦱ꧀ꦮꦼꦝꦸꦱ꧀ꦏꦸ꧉"꧊ꦠꦩꦂꦒꦼꦤ꧀ꦠꦺꦤ꧀ꦩꦁꦱꦸꦭ꧀ꦭꦶ꧈"ꦲꦶꦁꦒꦶꦃꦥꦸꦫꦸꦤ꧀꧈ꦤꦁꦔꦶꦁꦏꦸꦭꦚꦸꦮꦸꦤ꧀ꦠꦁꦒꦼꦭ꧀ꦭꦤ꧀꧈ꦲꦶꦁꦏꦁꦱꦒꦼꦢ꧀ꦏꦸꦭꦱꦶꦩ꧀ꦥꦼꦤ꧀꧈ꦔꦤ꧀ꦠꦺꦴꦱ꧀ꦏꦸꦭꦤꦩ꧀ꦥꦶꦩꦺꦤ꧀ꦢꦏꦶꦤ꧀ꦠꦸꦤ꧀ꦤꦤ꧀ꦱꦩ꧀ꦥꦺꦪꦤ꧀꧉"

^38:18 ꦥꦶꦠꦏꦺꦴꦤ꧀ꦤꦺ꧊ꦪꦺꦲꦸꦢ꧈"ꦠꦁꦒꦸꦁꦔꦤ꧀ꦲꦥ?"ꦮꦁꦱꦸꦭ꧀ꦭꦤ꧀ꦤꦺ꧊ꦠꦩꦂ꧈"ꦱꦼꦱꦸꦥ꧀ꦥꦺꦕꦥ꧀ꦱꦩ꧀ꦥꦺꦪꦤ꧀ꦱꦏꦭꦸꦁꦔꦶꦥꦸꦤ꧀꧈ꦭꦤ꧀ꦠꦼꦏꦼꦤ꧀ꦲꦶꦁꦏꦁꦱꦩ꧀ꦥꦺꦪꦤ꧀ꦕꦼꦥꦼꦁꦔꦶꦩꦼꦤꦶꦏ꧉"꧊ꦪꦺꦲꦸꦢꦧꦚ꧀ꦗꦸꦂꦩꦺꦤꦺꦃꦲꦏꦺꦧꦫꦁꦧꦫꦁꦩꦲꦸ꧈ꦤꦸꦭꦶꦔꦸꦩ꧀ꦥꦸꦭ꧀ꦭꦶ꧊ꦠꦩꦂ꧈ꦠꦼꦩꦃ꧊ꦠꦩꦂꦔꦤ꧀ꦝꦸꦠ꧀꧉

^38:19 ꧊ꦠꦩꦂꦤꦸꦭꦶꦩꦸꦭꦶꦃ꧈ꦚꦺꦴꦥꦺꦴꦠ꧀ꦏꦿꦸꦝꦸꦁꦔꦺꦭꦤ꧀ꦔꦁꦒꦺꦴꦱꦤ꧀ꦝꦁꦔꦤ꧀ꦫꦤ꧀ꦝꦩꦼꦤꦺꦃ꧉

^38:20 ꦲꦺꦴꦫꦮꦼꦠꦫꦱꦸꦮꦺ꧊ꦪꦺꦲꦸꦢꦏꦺꦴꦁꦏꦺꦴꦤ꧀ꦤꦤ꧀꧊ꦲꦶꦫ꧈ꦏꦚ꧀ꦕꦤꦺ꧈ꦔꦼꦠꦼꦂꦫꦏꦺꦕꦼꦩ꧀ꦥꦺꦭꦤ꧀ꦚ꧀ꦗꦭꦸꦏ꧀ꦧꦭꦶꦧꦫꦁꦧꦫꦁꦱꦶꦁꦢꦶꦒꦮꦺꦠꦁꦒꦸꦁꦔꦤ꧀꧈ꦤꦁꦔꦶꦁꦮꦺꦴꦁꦮꦢꦺꦴꦤ꧀ꦩꦲꦸꦢꦶꦒꦺꦴꦭꦺꦏ꧀ꦏꦶꦲꦺꦴꦫꦏꦼꦠꦼꦩꦸ꧉

^38:21 ꦮꦺꦴꦁꦮꦺꦴꦁꦲꦶꦁ꧊ꦌꦤꦲꦶꦩ꧀ꦢꦶꦠꦏꦺꦴꦤ꧀ꦤꦶ꧈"ꦮꦤꦶꦠꦠꦸꦤꦱꦸꦱꦶꦭꦱꦶꦁꦤꦭꦶꦏꦱꦼꦩꦺꦴꦤꦺꦴꦲꦤꦲꦶꦁꦥꦶꦁꦒꦶꦂꦢꦭꦤ꧀ꦏꦺꦤꦺꦏꦲꦺꦱꦲꦶꦏꦶꦲꦤꦲꦶꦁꦔꦼꦤ꧀ꦢꦶ?"ꦢꦶꦮꦁꦱꦸꦭ꧀ꦭꦶ꧈"ꦔꦿꦶꦏꦶꦩ꧀ꦧꦺꦴꦠꦼꦤ꧀ꦤꦠꦺꦮꦺꦴꦤ꧀ꦠꦼꦤ꧀ꦮꦤꦶꦠꦠꦸꦤꦱꦸꦱꦶꦭ꧉"

^38:22 ꧊ꦲꦶꦫꦧꦚ꧀ꦗꦸꦂꦧꦭꦶꦭꦤ꧀ꦏꦤ꧀ꦝꦏꦫꦺꦴ꧊ꦪꦺꦲꦸꦢ꧈"ꦮꦺꦴꦁꦔꦺꦮꦶꦱ꧀ꦢꦏ꧀ꦒꦺꦴꦭꦺꦏ꧀ꦏꦶꦤꦁꦔꦶꦁꦲꦺꦴꦫꦏꦼꦠꦼꦩꦸ꧉ꦮꦺꦴꦁꦮꦺꦴꦁꦩꦭꦃꦩꦸꦤꦶ꧈ꦪꦺꦤ꧀ꦲꦶꦁꦏꦺꦴꦤꦺꦴꦲꦺꦴꦫꦠꦲꦸꦲꦤꦮꦤꦶꦠꦠꦸꦤꦱꦸꦱꦶꦭ꧉"

^38:23 ꦕ꧀ꦭꦛꦸꦤꦺ꧊ꦪꦺꦲꦸꦢ꧈"ꦪꦮꦶꦱ꧀꧈ꦏꦉꦧꦺꦤ꧀ꦧꦫꦁꦧꦫꦁꦩꦲꦸꦢꦶꦥꦺꦏ꧀꧈ꦲꦁꦒꦼꦂꦏꦶꦠꦲꦺꦴꦫꦢꦶꦒꦼꦒꦸꦪꦸꦮꦺꦴꦁ꧉ꦲꦏꦸꦫꦏ꧀ꦮꦶꦱ꧀ꦲꦏꦺꦴꦤ꧀ꦔꦼꦠꦼꦂꦫꦏꦺꦕꦼꦩ꧀ꦥꦺꦤꦺ꧈ꦤꦁꦔꦶꦁꦮꦺꦴꦁꦔꦺꦲꦺꦴꦫꦲꦤ꧉"

^38:24 ꦮꦼꦠꦫꦊꦠ꧀ꦠꦼꦭꦸꦁꦱꦱꦶ꧊ꦪꦺꦲꦸꦢꦲꦺꦴꦭꦺꦃꦏꦧꦂꦩꦼꦁꦏꦺꦤꦺ꧈"ꦩꦤ꧀ꦠꦸꦩꦸ꧊ꦠꦩꦂꦭꦏꦸꦧꦺꦝꦁ꧈ꦭꦤ꧀ꦱꦲꦶꦏꦶꦔꦤ꧀ꦝꦸꦠ꧀꧉"ꦥꦔꦸꦕꦥ꧀ꦥꦺ꧊ꦪꦺꦲꦸꦢ꧈"ꦮꦺꦴꦁꦔꦺꦒꦮꦤꦼꦤ꧀ꦩꦼꦠꦸꦱꦏꦏꦸꦛꦭꦤ꧀ꦲꦺꦴꦧꦺꦴꦁꦔꦼꦤ꧀ꦔꦤ꧀ꦠꦶꦩꦠꦶ!"

^38:25 ꦤꦭꦶꦏꦭꦒꦶꦢꦶꦒꦮ꧈꧊ꦠꦩꦂꦏꦺꦴꦁꦏꦺꦴꦤ꧀ꦤꦤ꧀ꦔꦧꦂꦫꦶꦩꦫꦠꦸꦮꦤꦺ꧈ꦲꦸꦤꦶꦤꦺ꧈"ꦲꦼꦁꦒꦺꦤ꧀ꦏꦸꦭꦔꦤ꧀ꦝꦼꦒ꧀ꦩꦼꦤꦶꦏꦱꦏꦶꦁꦠꦶꦪꦁꦲꦶꦁꦏꦁꦒꦝꦃꦧꦫꦁꦧꦫꦁꦩꦼꦤꦶꦏ꧉ꦏꦸꦭꦲꦠꦸꦂꦫꦶꦤꦶꦠꦶꦏ꧀ꦱꦼꦱꦸꦥ꧀ꦥꦺꦕꦥ꧀꧈ꦏꦭꦸꦁꦭꦤ꧀ꦠꦼꦏꦼꦤ꧀ꦩꦼꦤꦶꦏꦒꦝꦤꦶꦥꦸꦤ꧀ꦱꦶꦤ꧀ꦠꦼꦤ꧀?"

^38:26 ꧊ꦪꦺꦲꦸꦢꦲꦺꦴꦫꦥꦔ꧀ꦭꦶꦁꦏꦫꦺꦴꦧꦫꦁꦧꦫꦁꦩꦲꦸ꧈ꦧꦚ꧀ꦗꦸꦂꦕ꧀ꦭꦛꦸ꧈"ꦮꦺꦴꦁꦏꦸꦮꦶꦧꦼꦤꦼꦂ꧈ꦲꦏꦸꦱꦶꦁꦱꦭꦃ꧉ꦩꦼꦱ꧀ꦛꦶꦤꦺꦝꦺꦮꦺꦏ꧀ꦏꦺꦢꦏ꧀ꦏꦮꦶꦤ꧀ꦤꦏꦺꦏꦫꦺꦴꦱꦺꦭ꧈ꦲꦤꦏ꧀ꦏꦸ꧉"ꦱꦮꦶꦱ꧀ꦱꦺꦏꦸꦮꦶ꧊ꦪꦺꦲꦸꦢꦲꦺꦴꦫꦠꦲꦸꦔꦸꦩ꧀ꦥꦸꦭ꧀ꦭꦶ꧊ꦠꦩꦂꦩꦼꦤꦺꦃ꧉

^38:27 ꦧꦉꦁꦠꦼꦏꦤ꧀ꦮꦼꦏ꧀ꦠꦸꦤꦺꦧꦧꦂꦫꦤ꧀꧈ꦗꦼꦧꦸꦭ꧀ꦲꦤꦏ꧀ꦏꦺꦏꦼꦩ꧀ꦧꦂ꧉

^38:28 ꦤꦭꦶꦏꦧꦧꦂꦫꦤ꧀ꦩꦲꦸ꧈ꦲꦤꦧꦪꦶꦱꦶꦁꦔꦼꦠꦺꦴꦏ꧀ꦏꦏꦺꦠꦔꦤ꧀ꦤꦺ꧉ꦠꦔꦤ꧀ꦩꦲꦸꦧꦚ꧀ꦗꦸꦂꦢꦶꦕꦼꦏꦼꦭ꧀ꦢꦺꦤꦶꦁꦝꦸꦏꦸꦤꦺꦭꦤ꧀ꦢꦶꦠꦭꦺꦤ꧀ꦤꦶꦔꦁꦒꦺꦴꦧꦼꦤꦁꦲꦧꦁ꧉ꦠꦼꦩ꧀ꦧꦸꦁꦔꦺ꧈"ꦲꦶꦏꦶꦱꦶꦁꦭꦲꦶꦂꦝꦶꦱꦶꦏ꧀꧉"

^38:29 ꦗꦼꦧꦸꦭ꧀ꦠꦔꦤ꧀ꦩꦲꦸꦢꦶꦠꦫꦶꦏ꧀ꦩ꧀ꦭꦼꦧꦸꦩꦼꦤꦺꦃ꧈ꦭꦤ꧀ꦧꦪꦶꦱꦶꦗꦶꦤꦺꦱꦶꦁꦭꦲꦶꦂꦝꦶꦱꦶꦏ꧀꧉ꦝꦸꦏꦸꦤꦺꦧꦚ꧀ꦗꦸꦂꦕ꧀ꦭꦛꦸ꧈"ꦏꦺꦴꦮꦺꦏꦺꦴꦏ꧀ꦤ꧀ꦢꦽꦱꦼꦭ꧀ꦔꦺꦴꦤꦺꦴ꧉"ꦩꦸꦭꦤꦺꦧꦪꦶꦱꦶꦁꦭꦲꦶꦂꦝꦶꦱꦶꦏ꧀ꦩꦲꦸꦢꦶꦗꦼꦤꦼꦁꦔꦏꦺ꧊ꦥꦺꦫꦺꦱ꧀꧉

^38:30 ꦱꦮꦶꦱ꧀ꦱꦺꦏꦸꦮꦶꦭꦒꦶꦧꦪꦶꦱꦶꦗꦶꦤꦺꦩꦼꦠꦸ꧈ꦪꦲꦶꦏꦸꦱꦶꦁꦠꦔꦤ꧀ꦤꦺꦲꦤꦧꦼꦤꦁꦔꦺꦲꦧꦁ꧉ꦩꦸꦭꦤꦺꦧꦪꦶꦩꦲꦸꦢꦶꦗꦼꦤꦼꦁꦔꦏꦺ꧊ꦗ꦳ꦺꦫꦃ꧉