Jv/Alkitab/Purwaning Dumadi/4
|
- 4:1 ꧊ꦄꦢꦩ꧀ꦲꦸꦫꦶꦥ꧀ꦧꦼꦧꦉꦁꦔꦤ꧀ꦏꦫꦺꦴ꧊ꦏꦮ꧈ꦱꦺꦴꦩꦃꦲꦺ꧈ꦠꦼꦩꦃ꧊ꦏꦮꦔꦤ꧀ꦝꦼꦒ꧀꧈ꦭꦤ꧀ꦩ꧀ꦧꦧꦂꦲꦤꦏ꧀ꦭꦤꦁ꧉ꦥꦔꦸꦕꦥ꧀ꦥꦺ꧊ꦏꦮ꧈"ꦩꦼꦂꦒꦱꦏꦥꦶꦠꦸꦭꦸꦁꦔꦤ꧀ꦤꦺꦒꦸꦱ꧀ꦠꦶꦄꦭ꧀ꦭꦃꦲꦏꦸꦢꦸꦮꦺꦲꦤꦏ꧀ꦭꦤꦁ꧉"ꦩꦸꦭꦤꦺꦲꦤꦏ꧀ꦏꦺꦩꦲꦸꦢꦶꦗꦼꦤꦼꦁꦔꦏꦺꦏꦲꦶꦤ꧀꧉
- 4:2 ꦱꦮꦶꦱ꧀ꦱꦺꦏꦸꦮꦶ꧊ꦏꦮꦩ꧀ꦧꦧꦂꦲꦤꦏ꧀ꦭꦤꦁꦩꦼꦤꦺꦃ꧈ꦢꦶꦗꦼꦤꦼꦁꦔꦏꦺ꧊ꦄꦧꦶꦭ꧀꧉꧊ꦄꦧꦶꦭ꧀ꦢꦢꦶꦥꦔꦺꦴꦤ꧀ꦮꦼꦝꦸꦱ꧀꧈ꦭꦤ꧀ꦏꦲꦶꦤ꧀ꦢꦢꦶꦮꦺꦴꦁꦠꦤꦶ꧉
- 4:3 ꦱꦮꦶꦱ꧀ꦱꦺꦮꦼꦠꦫꦩꦁꦱꦏꦲꦶꦤ꧀ꦩꦲꦸꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦩꦫꦁꦒꦸꦱ꧀ꦠꦶꦄꦭ꧀ꦭꦃꦱꦏꦥꦩꦼꦠꦸꦤꦺꦊꦩꦃꦲꦺ꧉
- 4:4 ꦢꦺꦤꦺ꧊ꦄꦧꦶꦭ꧀ꦲꦸꦒꦚ꧀ꦗꦸꦥꦸꦏ꧀ꦕꦼꦩ꧀ꦥꦺꦠꦼꦩ꧀ꦧꦺꦪꦤ꧀꧈ꦢꦶꦱꦼꦩ꧀ꦧꦼꦭꦺꦃꦭꦤ꧀ꦢꦒꦶꦁꦔꦺꦱꦶꦁꦲꦥꦶꦏ꧀ꦝꦺꦮꦺꦏꦕꦲꦺꦴꦱ꧀ꦱꦏꦺꦩꦶꦤꦁꦏꦏꦸꦂꦧꦤ꧀ꦩꦫꦁꦒꦸꦱ꧀ꦠꦶꦄꦭ꧀ꦭꦃ꧉ꦒꦸꦱ꧀ꦠꦶꦄꦭ꧀ꦭꦃꦉꦤꦩꦫꦁꦥꦶꦱꦸꦁꦱꦸꦁꦔꦺ꧊ꦄꦧꦶꦭ꧀꧈
- 4:5 ꦤꦁꦔꦶꦁꦥꦶꦱꦸꦁꦱꦸꦁꦔꦺꦏꦲꦶꦤ꧀ꦢꦶꦠꦩ꧀ꦥꦶꦏ꧀꧈ꦩꦸꦭꦏꦲꦶꦤ꧀ꦤꦼꦥ꧀ꦱꦸꦧꦔꦼꦠ꧀꧈ꦭꦤ꧀ꦲꦸꦭꦠ꧀ꦠꦺꦩ꧀ꦧꦼꦱꦼꦔꦸꦠ꧀꧉
- 4:6 ꦒꦸꦱ꧀ꦠꦶꦄꦭ꧀ꦭꦃꦤꦸꦭꦶꦔꦤ꧀ꦢꦶꦏꦩꦫꦁꦏꦲꦶꦤ꧀꧈"ꦪꦒꦺꦤꦺꦏꦺꦴꦮꦺꦤꦼꦥ꧀ꦱꦸ?ꦲꦥꦱꦼꦧꦧ꧀ꦧꦺꦲꦸꦭꦠ꧀ꦩꦸꦩ꧀ꦧꦼꦱꦼꦔꦸꦠ꧀?
- 4:7 ꦩꦼꦤꦮꦠꦸꦩꦶꦤ꧀ꦢꦏ꧀ꦩꦸꦧꦼꦕꦶꦏ꧀꧈ꦩꦼꦱ꧀ꦛꦶꦲꦸꦭꦠ꧀ꦩꦸꦥꦝꦁ꧉ꦤꦁꦔꦶꦁꦱꦫꦺꦃꦤꦺꦠꦸꦩꦶꦤ꧀ꦢꦏ꧀ꦩꦸꦲꦭ꧈ꦢꦺꦴꦱꦮꦶꦱ꧀ꦕꦸꦩꦼꦥꦏ꧀ꦲꦤꦲꦶꦁꦔꦉꦥ꧀ꦥꦶꦁꦭꦮꦁꦔꦺꦲꦠꦶꦩꦸ꧈ꦲꦉꦥ꧀ꦔ꧀ꦮꦱꦤꦶꦏꦺꦴꦮꦺ;ꦤꦁꦔꦶꦁꦏꦸꦮꦶꦏꦸꦢꦸꦏꦺꦴꦏ꧀ꦠꦼꦭꦸꦏ꧀ꦏꦏꦺ꧉"
- 4:8 ꦏꦲꦶꦤ꧀ꦧꦚ꧀ꦗꦸꦂꦏꦤ꧀ꦝꦏꦫꦺꦴ꧊ꦄꦧꦶꦭ꧀꧈ꦲꦝꦶꦤꦺ꧈"ꦲꦪꦺꦴꦥꦝꦩꦼꦚꦁꦠꦼꦒꦭ꧀ꦭꦤ꧀꧉"ꦧꦉꦁꦮꦶꦱ꧀ꦠꦼꦏꦤ꧀ꦠꦼꦒꦭ꧀ꦭꦤ꧀꧊ꦄꦧꦶꦭ꧀ꦤꦸꦭꦶꦢꦶꦒꦼꦧꦸꦒ꧀ꦱꦂꦠꦢꦶꦥꦠꦺꦤ꧀ꦤꦶ꧉
- 4:9 ꦒꦸꦱ꧀ꦠꦶꦄꦭ꧀ꦭꦃꦤꦸꦭꦶꦤ꧀ꦢꦔꦸꦩꦫꦁꦏꦲꦶꦤ꧀꧈"꧊ꦄꦧꦶꦭ꧀ꦲꦝꦶꦩꦸꦲꦤꦲꦶꦁꦲꦼꦤ꧀ꦢꦶ?"ꦲꦠꦸꦂꦫꦺꦏꦲꦶꦤ꧀꧈"ꦏꦮꦸꦭꦩ꧀ꦧꦺꦴꦠꦼꦤ꧀ꦱꦸꦩꦼꦉꦥ꧀꧉ꦩꦼꦤꦥꦏꦮꦸꦭꦩꦼꦤꦶꦏꦥꦩꦺꦴꦩꦺꦴꦁꦔꦶꦥꦸꦤ꧀ꦲꦝꦶꦏꦮꦸꦭ?"
- 4:10 ꦥꦔꦤ꧀ꦢꦶꦏꦤꦺꦒꦸꦱ꧀ꦠꦶꦄꦭ꧀ꦭꦃ꧈"ꦪꦒꦺꦤꦺꦏꦺꦴꦮꦺꦏꦺꦴꦏ꧀ꦔ꧀ꦭꦏꦺꦴꦤ꧀ꦤꦶꦥꦽꦠꦶꦁꦏꦃꦏꦁꦩꦼꦁꦏꦺꦴꦤꦺꦴ?ꦒꦼꦠꦶꦃꦲꦺꦲꦝꦶꦩꦸꦱꦼꦱꦩ꧀ꦧꦠ꧀ꦩꦫꦁꦲꦏꦸꦱꦏꦲꦶꦁꦧꦸꦩꦶ꧈ꦚꦸꦮꦸꦤ꧀ꦥꦶꦮꦊꦱ꧀꧉
- 4:11 ꦩꦸꦭꦤꦺꦏꦺꦴꦮꦺꦏꦼꦤꦲꦶꦁꦲꦶꦥꦠ꧀ꦲꦶꦥꦠ꧀ꦭꦤ꧀ꦏꦠꦸꦤ꧀ꦝꦸꦁꦱꦏꦲꦶꦁꦧꦸꦩꦶꦏꦺꦤꦺ꧈ꦩꦼꦂꦒꦊꦩꦃꦲꦶꦏꦶꦮꦶꦱ꧀ꦩꦔꦥ꧀ꦤꦝꦃꦲꦶꦒꦼꦠꦶꦃꦲꦺꦲꦝꦶꦩꦸꦤꦭꦶꦏꦏꦺꦴꦏ꧀ꦥꦠꦺꦤ꧀ꦤꦶ꧉
- 4:12 ꦩꦼꦤꦮꦏꦺꦴꦮꦺꦔ꧀ꦒꦫꦥ꧀ꦊꦩꦃ꧈ꦲꦺꦴꦫꦧꦏꦭ꧀ꦲꦤꦥꦩꦼꦠꦸꦤꦺ꧉ꦏꦺꦴꦮꦺꦧꦏꦭ꧀ꦲꦺꦴꦫꦢꦸꦮꦺꦥꦁꦒꦺꦴꦤ꧀ꦤꦤ꧀ꦱꦶꦁꦠꦼꦠꦼꦥ꧀ꦭꦤ꧀ꦧꦏꦭ꧀ꦔ꧀ꦭꦼꦩ꧀ꦧꦂꦫꦲꦤꦲꦶꦁꦧꦸꦩꦶ꧉"
- 4:13 ꦲꦸꦚ꧀ꦗꦸꦏ꧀ꦏꦺꦏꦲꦶꦤ꧀ꦩꦫꦁꦒꦸꦱ꧀ꦠꦶꦄꦭ꧀ꦭꦃ꧈"ꦥꦲꦸꦏꦸꦩ꧀ꦩꦤ꧀ꦩꦼꦤꦶꦏꦲꦮꦿꦠ꧀ꦱꦔꦼꦠ꧀꧈ꦔꦤ꧀ꦠꦺꦴꦱ꧀ꦏꦮꦸꦭꦩ꧀ꦧꦺꦴꦠꦼꦤ꧀ꦏꦶꦪꦠ꧀ꦚꦁꦒꦶ꧉
- 4:14 ꦥꦚ꧀ꦗꦼꦤꦼꦁꦔꦤ꧀ꦱꦩ꧀ꦥꦸꦤ꧀ꦤꦸꦤ꧀ꦝꦸꦁꦏꦮꦸꦭꦱꦏꦶꦁꦧꦸꦩꦶꦔꦿꦶꦏꦶ꧈ꦠꦼꦧꦶꦃꦱꦏꦶꦁꦥꦼꦔꦪꦺꦴꦩ꧀ꦩꦤ꧀ꦥꦚ꧀ꦗꦼꦤꦼꦁꦔꦤ꧀꧉ꦏꦮꦸꦭꦧꦝꦺꦢꦢꦺꦴꦱ꧀ꦠꦶꦪꦁꦔ꧀ꦭꦼꦩ꧀ꦧꦂꦫꦲꦶꦁꦏꦁꦩ꧀ꦧꦺꦴꦠꦼꦤ꧀ꦒꦝꦃꦥꦁꦒꦺꦤ꧀ꦤꦤ꧀ꦲꦶꦁꦏꦁꦠꦼꦠꦼꦥ꧀ꦮꦺꦴꦤ꧀ꦠꦼꦤ꧀ꦲꦶꦁꦧꦸꦩꦶ꧈ꦭꦤ꧀ꦱꦶꦤ꧀ꦠꦼꦤ꧀ꦤꦏꦺꦩꦮꦺꦴꦤ꧀ꦲꦶꦁꦏꦁꦩꦿꦁꦒꦸꦭ꧀ꦭꦶꦏꦮꦸꦭꦠꦼꦩ꧀ꦠꦸꦧꦝꦺꦩꦼꦗꦃꦲꦶꦏꦮꦸꦭ꧉"
- 4:15 ꦤꦁꦔꦶꦁꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏ꧈"ꦲꦺꦴꦫꦥꦶꦱꦤ꧀ꦥꦶꦱꦤ꧀꧉ꦩꦼꦤꦮꦲꦤꦏꦁꦩꦠꦺꦤ꧀ꦤꦶꦏꦺꦴꦮꦺ꧈ꦧꦏꦭ꧀ꦏꦮꦊꦱ꧀ꦠꦶꦏꦼꦭ꧀ꦥꦶꦁꦥꦶꦠꦸ꧉"ꦏꦲꦶꦤ꧀ꦤꦸꦭꦶꦢꦶꦥꦫꦶꦁꦔꦶꦕꦶꦫꦶꦢꦺꦤꦶꦁꦒꦸꦱ꧀ꦠꦶꦄꦭ꧀ꦭꦃ꧈ꦱꦸꦥꦪꦲꦗꦔꦤ꧀ꦠꦶꦢꦶꦥꦠꦺꦤ꧀ꦤꦶꦢꦺꦤꦶꦁꦱꦥꦮꦲꦺꦱꦶꦁꦩꦿꦁꦒꦸꦭ꧀ꦭꦶ꧉
- 4:16 ꦏꦲꦶꦤ꧀ꦧꦚ꧀ꦗꦸꦂꦩꦸꦤ꧀ꦢꦸꦂꦱꦏꦔꦂꦱꦤꦺꦒꦸꦱ꧀ꦠꦶꦄꦭ꧀ꦭꦃꦭꦤ꧀ꦩꦁꦒꦺꦴꦤ꧀ꦲꦶꦁꦠꦤꦃ꧊ꦤꦺꦴꦢ꧀꧈ꦲꦶꦁꦱꦮꦺꦠꦤ꧀ꦤꦺꦠꦤꦃ꧊ꦌꦢꦺꦤ꧀꧉
- 4:17 ꦏꦲꦶꦤ꧀ꦭꦤ꧀ꦧꦺꦴꦗꦺꦴꦤꦺꦢꦸꦮꦺꦲꦤꦏ꧀ꦭꦤꦁ꧈ꦢꦶꦗꦼꦤꦼꦁꦔꦏꦺ꧊ꦲꦺꦤꦺꦴꦏ꧀꧉ꦏꦲꦶꦤ꧀ꦤꦸꦭꦶꦔꦼꦢꦼꦒꦏꦺꦏꦸꦛꦢꦶꦗꦼꦤꦼꦁꦔꦏꦺꦏꦪꦗꦼꦤꦼꦁꦔꦺꦲꦤꦏ꧀ꦏꦺꦩꦲꦸ꧈ꦪꦏꦸꦮꦶ꧊ꦲꦺꦤꦺꦴꦏ꧀꧉
- 4:18 ꧊ꦲꦺꦤꦺꦴꦏ꧀ꦤꦸꦫꦸꦤ꧀ꦤꦏꦺ꧊ꦆꦫꦢ꧀꧉꧊ꦆꦫꦢ꧀ꦤꦸꦫꦸꦤ꧀ꦤꦏꦺ꧊ꦩꦺꦏꦸꦪꦲꦺꦭ꧀;꧊ꦩꦺꦏꦸꦪꦲꦺꦭ꧀ꦤꦸꦫꦸꦤ꧀ꦤꦏꦺ꧊ꦩꦺꦠꦸꦱꦲꦺꦭ꧀꧈꧊ꦩꦺꦠꦸꦱꦲꦺꦭ꧀ꦤꦸꦫꦸꦤ꧀ꦤꦏꦺ꧊ꦭꦩꦺꦏ꧀꧉
- 4:19 ꧊ꦭꦩꦺꦏ꧀ꦢꦸꦮꦺꦧꦺꦴꦗꦺꦴꦭꦺꦴꦫꦺꦴ:꧊ꦄꦢꦭꦤ꧀꧊ꦗ꦳ꦶꦭ꧉
- 4:20 ꧊ꦄꦢꦢꦸꦮꦺꦲꦤꦏ꧀꧊ꦪꦧꦭ꧀꧈ꦭꦤ꧀꧊ꦪꦧꦭ꧀ꦏꦸꦮꦶꦢꦢꦶꦊꦭꦸꦲꦸꦂꦫꦺꦧꦁꦱꦱꦶꦁꦔꦶꦔꦸꦫꦗꦏꦪꦭꦤ꧀ꦩꦁꦒꦺꦴꦤ꧀ꦲꦶꦁꦏꦺꦩꦃ꧉
- 4:21 ꦲꦝꦶꦤꦺ꧊ꦪꦧꦭ꧀ꦗꦼꦤꦼꦁꦔꦺ꧊ꦪꦸꦧꦭ꧀꧈ꦢꦢꦶꦊꦭꦸꦲꦸꦂꦫꦺꦥꦫꦮꦺꦴꦁꦱꦶꦁꦱꦼꦤꦼꦁꦚ꧀ꦭꦼꦩ꧀ꦥꦸꦁꦭꦤ꧀ꦚꦸꦭ꧀ꦭꦶꦁ꧉
- 4:22 ꧊ꦗ꦳ꦶꦭꦔ꧀ꦭꦲꦶꦂꦫꦏꦺ꧊ꦠꦸꦧꦭ꧀꧊ꦏꦲꦶꦤ꧀꧈ꦢꦢꦶꦊꦭꦸꦲꦸꦂꦫꦺꦥꦫꦱꦪꦁꦭꦤ꧀ꦥꦤ꧀ꦝꦺ꧉꧊ꦠꦸꦧꦭ꧀꧊ꦏꦲꦶꦤ꧀ꦢꦸꦮꦺꦲꦝꦶꦮꦢꦺꦴꦤ꧀꧈ꦗꦼꦤꦼꦁꦔꦺ꧊ꦤꦲꦩꦃ꧉
- 4:23 ꧊ꦭꦩꦺꦏ꧀ꦏꦤ꧀ꦝꦏꦫꦺꦴꦧꦺꦴꦗꦺꦴꦧꦺꦴꦗꦺꦴꦤꦺꦩꦼꦁꦏꦺꦤꦺ꧈"꧊ꦄꦢꦭꦤ꧀꧊ꦗ꦳ꦶꦭ꧈ꦥꦝꦫꦸꦔꦺꦴꦏ꧀ꦤꦏꦤ꧀ꦝꦏꦸ!ꦪꦺꦤ꧀ꦲꦤꦮꦺꦴꦁꦤꦠꦺꦴꦤ꧀ꦤꦶꦲꦏꦸ꧈ꦮꦺꦴꦁꦏꦸꦮꦶꦩꦼꦱ꧀ꦛꦶꦢꦏ꧀ꦥꦠꦺꦤ꧀ꦤꦶ꧈ꦱꦼꦩꦺꦴꦤꦺꦴꦲꦸꦒꦪꦺꦤ꧀ꦲꦤꦤꦺꦴꦤꦺꦴꦩ꧀ꦩꦤ꧀ꦱꦶꦁꦒꦮꦺꦧꦶꦭꦸꦂꦏꦸ꧉
- 4:24 ꦪꦺꦤ꧀ꦮꦺꦴꦁꦩꦠꦺꦤ꧀ꦤꦶꦏꦲꦶꦤ꧀ꦢꦶꦮꦊꦱ꧀ꦥꦶꦁꦥꦶꦠꦸ꧈ꦤꦁꦔꦶꦁꦪꦺꦤ꧀ꦩꦠꦺꦤ꧀ꦤꦶꦲꦏꦸ꧈ꦧꦏꦭ꧀ꦢꦶꦮꦊꦱ꧀ꦥꦶꦁꦥꦶꦠꦸꦁꦥꦸꦭꦸꦃꦥꦶꦠꦸ꧉"
- 4:25 ꧊ꦄꦢꦩ꧀ꦭꦤ꧀꧊ꦏꦮꦢꦶꦥꦫꦶꦁꦔꦶꦲꦤꦏ꧀ꦩꦼꦤꦺꦃ꧉ꦥꦔꦸꦕꦥ꧀ꦥꦺ꧊ꦏꦮ꧈"ꦒꦸꦱ꧀ꦠꦶꦄꦭ꧀ꦭꦃꦮꦶꦱ꧀ꦩꦫꦶꦁꦔꦶꦲꦏꦸꦲꦤꦏ꧀ꦭꦤꦁꦲꦶꦗꦺꦴꦭ꧀ꦭꦺ꧊ꦄꦧꦶꦭ꧀꧈ꦱꦶꦁꦢꦶꦥꦠꦺꦤ꧀ꦤꦶꦏꦲꦶꦤ꧀꧉"ꦩꦸꦭꦤꦺꦲꦤꦏ꧀ꦩꦲꦸꦢꦶꦗꦼꦤꦼꦁꦔꦏꦺꦱꦺꦠ꧀꧉
- 4:26 ꦱꦺꦠ꧀ꦢꦸꦮꦺꦲꦤꦏ꧀ꦭꦤꦁ꧈ꦢꦶꦗꦼꦤꦼꦁꦔꦏꦺ꧊ꦌꦤꦺꦴꦱ꧀꧉ꦤꦭꦶꦏꦱꦼꦩꦺꦴꦤꦺꦴꦮꦺꦴꦁꦮꦶꦮꦶꦠ꧀ꦥꦝꦩꦤꦼꦩ꧀ꦧꦃꦏ꧀ꦭꦮꦤ꧀ꦚꦼꦧꦸꦠ꧀ꦲꦱ꧀ꦩꦤꦺꦒꦸꦱ꧀ꦠꦶꦄꦭ꧀ꦭꦃ꧉